Љубовните односи се покомплицирани одошто мислиме, барем според мислењето на стручњаците.

Доминантниот партнер отсекогаш претставувал „голем предизвик“ за оној другиот, а особено им е интересен и привлечен на жените. Општопознато е дека повеќето жени паѓаат на „лоши момчиња“, но истото верување важи и за мажите кои не сакаат особено „добри“ и романтични жени.

Според „Psychology Today “, доминацијата се рефлектира на различни начини, но експертите ја дефинираат како особина која вклучува авторитативност и контрола, како и преземање на водечка улога. Од друга страна, според експертите, овие квалитети не се одлики на грижливи и романтични партнери. Контрадикторноста е во тоа што таквите партнери честопати не се чувствителни и се егоцентрични, а кога станува збор за романтична врска, тоа никој не го сака.

Сепак, би било совршено кога таквите партнери со лидерски вештини, би покажале подготвеност да бидат великодушни и од помош. Ако ги прашате жените, тие ќе признаат дека сакаат партнер кој е конкурентен на другите и кој добро се однесува со нив.

Според психолозите, жените претпочитаат доминантни мажи кога се во најплодната точка од менструалниот циклус, додека повеќето мажи не бараат жени на сличен начин, наведува овој портал.

Новото истражување на оваа тема ги исклучува родовите разлики и објаснува дека за изборот на доминантен партнер придонесуваат индивидуалните особини на личноста.

Ако финиот и пасивен партнер е „досаден“, тогаш луѓето кои не се склони кон досада ќе бараат подоминантен партнер. Ова вклучува потрага по разновидни, нови, сложени и интензивни сензации. Истражувачите, исто така, разгледувале како анксиозноста, особено кај жените, влијае на овие преференции. Резултатите покажале дека двата пола бараат сензации, особено кога претпочитаат подоминантен партнер. Подложноста на здодевност и импулсивно однесување се поврзуваат со претпочитањето подоминантни партнери, но не и барањето возбуда. Тоа значи дека оние на кои им е здодевно или делуваат импулсивно, претпочитаат да имаат доминантен партнер.

Жените кои имале повисоко ниво на анксиозност, од друга страна, барале подоминантен партнер за заштита, но не затоа што ваквите партнери им биле секси или возбудливи.

Иако постојат стереотипи дека жените бараат лоши момци, реалната слика, според истражувачите, е покомплицирана. Мажите секако може да бараат „лоши девојки“ доколку и тие имаат проблематично однесување и им е здодевно, исто како што на некои жени им е полесно да бараат слични партнери ако им е здодевно. Други може да бараат доминантен партнер поради чувството на анксиозност, односно желбата за заштита, иако други анксиозни жени го сакале токму спротивното, барале помалку доминантни партнери кои ќе им овозможат да стекнат нови искуства и да истражуваат.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.