Македонија

Дали ќе се подготвува нов закон за легализација на дивоградбите?

Нов закон за легализација на дивоградби предлага градоначалникот на Куманово, Максим Димитриевски.

Како што образложи во гостување на Канал 5, со овој закон наместо да се уриваат, дивоградбите ќе се легализираат, но не не по привилигирана цена од едно евро за метар квадретен.Тој објаснува дека во Куманово има над 700 извршни решенија што би значело дека ќе се потрошат милиони евра само за уривање на тие објекти,што според Димитриевски е невозможна мисија.

-Ние имавме конкретен предлог во ЗЕЛС и јас останувам на тој став бидејќи и во меѓувреме се создадоа многу дивоградби. Ако некој се дрзнал да го злоупотреби законот, да биде задолжен да плати барем минимум толку колку што е потребно, ако изградил нешто на одредена површина за која има сопственост. Тоа што е изградено на државна сопственост треба да се конкискува. - Максим Димитриевски

Димитриевски објаснува дека во моментов е тешко да се докаже дали градбата е изградена, пред 2011 година, само по основ на дадена изјава на барателот за легализација. Затоа предлага да се донесе нов, ригорозен закон за дивоградбите.

- Сето тоа да се документира со една сателитска снимка, на денот кога ќе биде донесен таквиот закон, да се стави крај на понатамошниот градежен и урбан хаос. Тоа да важи и за зградите во Чаир? Тоа да важи за секаде, и Чаир е во Македонија. - Максим Димитриевски

Од друга страна претседателот на ЗЕЛС и градоначалник на Скопје, Орце Ѓорѓиевски рече дека во ЗЕЛС досега не е пристигнат предлогот на Димитриевски, но вели ќе се земе во предвид и за истиот ќе се разговара на некоја од следните седници, со цел да се слушне и гласот на остантите градоначалници.

Идеја за нов закон имаше и во време на претходата Влада, но пропадна откако имаше реакции поради тоа што се предвидуваше легализација и на објекти во националните паркови.

Во моментов актуен е Законт за од 2011, а Собранието минатито месец го продолжи рокот за уште 5 години, за да има доволно време да се решат отворениете предмети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Цената на нафтата продолжува да паѓа

Цената на нафтата на светските берзи паѓа четврти ден по ред.

Според податоците што ги објави медиумот CNBC, фјучерсите за сурова нафта Брент, кој е меѓународен репер, паднаа за 0,53 проценти и се тргуваа на 82,74 долари рано утрово. Истовремено, фјучерсите за сурова нафта од Западен Тексас (WTI) за испорака во јули паднаа за 0,41 проценти, спуштајќи се на 80,44 долари.

Фјучерсите за нафта забележаа кус раст преку ноќ пред целосно да го сменат курсот, откако во претходната сесија паднаа на најниското ниво регистрирано од 4 март. Оваа нестабилност на пазарот ја одразува долготрајната неизвесност околу целосните услови на мировната рамка договорена меѓу САД и Иран.

Тагови: нафта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Норвежаните дојдоа на Светското првенство со многу храна: Имаат готвачи за Халанд и другарите, спакувале 300 кг риба во авионот

Неверојатно е со каква експедиција Норвежаните пристигнаа на Светското првенство во САД, Канада и Мексико.

Тимот на Норвешка донесе еден тон храна на Мундијалот.

Норвешка сè уште не играла на Светското првенство, но нивната експедиција е во Америка долго време и пристигнала таму подготвена.

Како што објавија норвешките медиуми, Фудбалската асоцијација одлучила да се погрижи за исхраната на фудбалерите на импресивен начин.

Норвежаните пристигнаа во САД со 300 килограми риба, 116 килограми сирење и дури 6.000 портокали. Тие ги донесоа најпознатите норвешки готвачи со себе за да се грижат за тимот.

Норвешка го започнува својот настап на Светскиот шампионат вечерва со дуел против Ирак и, а по тој натпревар во кој се големи фаворити, започнуваат тешките ривали. Првиот е Сенегал на 22 јуни, а вториот е дуел со Франција на 26 јуни.

Тагови: Халанд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МФ:Исплатени над 2 милијарди денари субвенции за тутун на 15.144 тутунопроизводители

Министерство за финансии денеска исплати 2.028.714.243 денари субвенции за произведен и предаден тутун од реколта 2025 година, средства наменети за 15.144 тутунопроизводители.

Со исплатата се потврдува определбата на Владата за континуирана и навремена поддршка на земјоделството како една од клучните стопански гранки во државата, со посебен фокус на тутунарството како стратешка и традиционално значајна земјоделска дејност.

Преку редовна и навремена исплата на субвенциите, се создаваат услови за поголема финансиска стабилност на земјоделците, одржување на производството и понатамошен развој на руралните средини.

Владата и Министерството за финансии остануваат посветени на политики кои ќе придонесат за поголема конкурентност на домашното земјоделство, повисоки приходи за земјоделците и одржлив развој на аграрниот сектор.

Тагови: Министерство за финансии

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.