Дали е запазена законската процедура и испочитуван деловникот при разрешувањето на Весна Дамева од позицијата претседател на Судскиот Совет се уште е неизвесно кој ќе утврдува. Академикот за кривично право Владо Камбовски смета дека тоа треба да биде скопското обвинителство, кое треба итно да ги побара записниците од седницата во средата и да провери дали дали има злоупотреба на службената положба и овластувањата на членовите... Во меѓувреме според Камбовски законот за Судски совет треба да претрпи сериозни измени и да добие одредби за одговорноста на членовите на советот.
„Дека не постои во законот нешто поконкретно, единствено тело кое никому не одговара според законот, тоа не значи дека не постојат и други правни норми што се однесуваат на вакви ситуации. И поради тоа е добро, како што предложив Јавниот обвинител да ги погледне сите овие материјали околу случувањата во Судскиот совет за да утврди дали постои една повреда на една забрана за законито постапување на било кое службено лице. Дали тој државен орган ја остварува својата функција, дали постои злоупотреба на службената должност.
Од скопското обвинителство за Канал 5 велат дека ги следат случувањата во Судскиот совет, но предмет велат евентуално би се отворил откако одлуките формално би биле објавени во Службеник весник...
„Дејствијата на кривичното дело злоупотреба на службената положба имаат соодветна последица која би била исполнета со објава на одлуката во Службен весник. Дури потоа обвинителството може да отвори предмет и да ги провери дејствијата на инволвираните и законитоста на таквата одлука.
Дамева беше разрешена со седум гласа, без притоа да се најде како точка на дневен ред што стручната јавност го оцени како незаконски. Заменик – претседатело на советот Селим Адеми кој го презеде тогаш водењето на седницата и во присуство на Дамева бараше да се гласа за нејзино разрешување, закажа седницата за избор на нов претседател за следниот ден но ја одложи за на 2 мај, откако според информациите во јавноста, не било обезбедено мнозинство да се избере судијата од Штип Сашко Георгиев. Но, екепсрите по управно право имаат дилеми дали воопшто такавата одлука би била законска и валидна..
„Одлуката за избор на новиот претседател се објавува во Службен весник. Тој како државен орган не смее да објави незаконита одлука. Второ, ако навистина се изврши избор на нов претседател, којшто е нелегален, нелегитимен и незаконски, кога тој ќе депонира потпис во Централен Регистар, регистарот не смее да го прифати бидејќи Централен Регистар е задолжен да води сметка за законитоста на одлуките кои доаѓаат кај него.
Освен бројните негативни реакции во домашната за јавност, вчера и евроамбасадорот Дејвид Гир изрази загриженост за случувањата во Судскиот совет. Според него, последните случувања во македонското правосудство не одат во насока на исполнување на стандардите што ги очекува Европската Унија од земјава на нејзиниот пат кон ЕУ..