Повеќето луѓе не знаат дека вишокот натриум го внесуваме и преку лебот.

Многу нутриционисти честопати нагласуваат дека треба да го слушате вашето тело. Желбата за одредена храна може да укажува на тоа дека на нашето тело му недостасуваат одредени минерали. Иако внесот на сол е исклучително важен за правилно функционирање на организмот, важно е да се има мерка и да се најде рамнотежа бидејќи секое претерување како со солена, така и со слатка храна може да му наштети на нашето здравје.

Експертите секојдневно предупредуваат дека претерано солената храна може да го зголеми ризикот од висок крвен притисок. Постојат бројни знаци кои укажуваат дека можеби внесувате премногу сол.

Еден од симптомите е отекување на рацете и нозете. Ако водата подолго време се задржува во нашето тело, тоа може да доведе до едеми, или отекување на стапалата, зглобовите и нозете. Отокот обично поминува сам по себе, но ако не помине по неколку дена, тоа може да биде знак за сериозно заболување, велат од британската Национална здравствена служба(NHS), а пренесува Sun.

- Кога се консумира премногу сол, телото го задржува вишокот натриум и ја зголемува количината на течност надвор од клетките. Тоа доведува до намалена функција на бубрезите, исфрлање на помалку вода, што може да резултира со зголемување на крвниот притисок – истакнува Оливија Бурли, нутриционист во британската Национална здравствена служба во програмата за превенција од дијабетес.

За висок крвен притисок или хипертензија се сметаат вредности на притисокот од 140/90 mmHg и повеќе. Оваа состојба може да предизвика голем број други здравствени проблеми како што се срцеви заболувања, срцев удар и мозочен удар, болести на бубрезите, аневризма и деменција.

Како што предупредуваат лекарите, секој трет Британец има проблем со висок крвен притисок. Годишно се регистрираат околу 75.000 смртни случаи како резултат на хипертензија. Солта е најголем виновник за висок крвен притисок и експертите напоменуваат дека возрасните не треба да консумираат повеќе од 6 g сол дневно, но истражувањата покажуваат дека најчесто ја надминуваат оваа граница.

Иако на многумина им се чини дека можат да го контролираат внесувањето на оваа намирница така што ќе користат ограничена количина, повеќето луѓе не знаат дека солта ја внесуваме и преку готовата храна како лебот и сосовите. Експертите напоменуваат дека ова може да предизвика отекување на рацете само еден ден по внесувањето на висока содржина на сол. Доколку отокот не исчезне по неколку дена, стручните лица советуваат да се обратите на лекар.

Британскиот национална здравствена служба предупредува дека треба веднаш да го посетите вашиот општ лекар и да побарате итен преглед доколку имате оток на еден зглоб, стапало или нога, а немате очигледна причина, како повреда. Доколку отокот е силен, болен, црвен и топол на допир, неопходно е да се побара стручна помош. Ова особено се однесува на дијабетичарите, но и на оние кои имаат некаква инфекција, која резултира со покачена телесна температура.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.