Дали бојлерот треба постојано да биде вклучен зимно време? - Канал 5

Технологија

Дали бојлерот треба постојано да биде вклучен зимно време?

 Информација која ќе ве изненади!

Дали бојлерот треба постојано да биде вклучен зимно време?

Кога бојлерот троши помалку струја? – сè уште делува како нерешлива мистерија.

Бојлерите се незаменлив дел од секојдневниот живот - ни обезбедуваат пристап до топла вода за капење, перење алишта и садови. Основната цел на бојлерот е да одржува одредена количина на вода на саканата температура, спремна за користење во секое време.

За некои корисници, опцијата да го имаат бојлерот постојано вклучен може да делува како најпрактично решение. Ова овозможува постојано да имате пристап до топла вода без одлагање, што е особено погодно во домаќинствата со голем број членови или во објекти каде што во секое време може да се очекува потребата од топла вода.

Од друга страна, постојат аргументи кои ја поддржуваат тезата дека е поефикасно решение бојлерот да биде исклучен кога немаме потреба. Овој пристап може да резултира со помала потрошувачка на енергија и остава простор за заштеда, особено во ситуации кога бојлерот не се користи често.

Разгледувањето кога бојлерот троши најмалку струја не е само теоретска дискусија, туку има директно влијание врз месечните сметки за струја. Различни фактори, како што се големината на бојлерот, колку често се користи топлата вода и навиките на потрошувачите, играат клучна улога во изборот на оптималниот режим на работата за бојлерот.

Според експертите, заштедата на енергија не е значајна доколку бојлерот се одржува постојано вклучен. Сепак, одлуката за тоа како да се користи зависи од неколку фактори, вклучувајќи го бројот на луѓе во домаќинството и намената на бојлерот. Доколку се работи за помало домаќинство, самец или брачен пар, се смета за порационално бојлерот да се вклучува по потреба. Помалата потрошувачка на топла вода спречува бојлерот да се троши непотребно, што може да резултира со заштеда на енергија.

Кога станува збор за поголемо домаќинство со повеќе членови, можеби е предност да го држите бојлерот постојано вклучен. Во случаи како овие, веројатно некому ќе му треба вода во секое време, а одржувањето на константна температура може да биде поефикасно и попрактично.

Бојлерот е неизоставен дел од секојдневниот живот, но неговата правилна употреба може значително да ги намали трошоците за енергија. Намената на бојлерот игра клучна улога во одлучувањето кога треба да го користите. На пример, ако бојлерот се користи само за туширање, се препорачува повремено да го вклучувате. Меѓутоа, ако се работи за поголем проточен бојлер кој се користи за потребите на кујната и за туширање, можеби е порационално да се користи континуирано, бидејќи ќе се користи почесто.

Професионалците истакнуваат дека поекономично е да го вклучите бојлерот кога навистина е потребно. Доколку внимавате на тоа да ги намалите трошоците, препорачливо е бојлерот да го вклучувате во периодот кога тарифата за струја е пониска. На овој начин поефикасно ќе ја користите енергијата и ќе ги намалите сметките за струја.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ученик со ловечка пушка пукал во училиште во Франција- се сомнева на тероризам (ВИДЕО)

Француските обвинители за антитероризам ја презедоа истрагата за пукањето во училиште во близина на Марсеј. 

Ученик со ловечка пушка пукал во училиште во Франција- се сомнева на тероризам (ВИДЕО)

Случајот е пренасочен откако првичните проверки покажаа дека 14-годишниот осомничен ученик е можно да е поврзан со онлајн движењето True Crime Community (TCC), пишува Ројтерс.

Вчера, еден ученик рани двајца наставници со ловџиска пушка. Според официјалните лица, тој го скрил оружјето во торба за гитара. Нападот предизвикал паника, а децата избегале за да се засолнат.

Истрагата е префрлена во Париз

Канцеларијата на обвинителот за антитероризам објави дека го презема случајот од канцеларијата на обвинителот во Марсеј. „Првите истраги, кои вклучуваат анализа на дигиталните уреди на малолетниците, укажуваат на веројатна врска со движењето True Crime Community (TCC). Тие исто така сугерираат дека злосторството во училиштето било мотивирано од таа идеологија“, се вели во соопштението на обвинителот.

Во истиот текст, TCC е опишан како „екосистем на онлајн заедници кои ги слават сторителите на масовно убиство и на одредени начини поттикнуваат екстремно насилство“.

Обвинителството потврди дека е покрената истрага поради сомнение за „обид за убиство како дел од терористички потфат, учество во терористичко злосторничко здружение со намера за извршување кривични дела против лица и прекршување на законот за оружје поврзано со терористички потфат“.

Тагови: тероризам ученик

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанев во работна посета на СВР Тетово: Фокус на безбедносната состојба и претстојните избори

Директорот на БЈБ, Александар Јанев, во работна посета на СВР Тетово: Фокус на безбедносната состојба и претстојните избори.

Јанев во работна посета на СВР Тетово: Фокус на безбедносната состојба и претстојните избори

Денеска (13.10.2026), директорот на Бирото за јавна безбедност, Александар Јанев, заедно со дел од својот тим, оствари работна посета на СВР Тетово, при што беа разгледани актуелните безбедносни состојби, сообраќајната безбедност, јавниот ред и мир и борбата против криминалот.

Посебен акцент беше ставен на претстојните локални избори и обврската на полицијата да обезбеди безбеден, мирен и демократски изборен процес, без притисоци и незаконски влијанија врз граѓаните.

Директорот Јанев ја нагласи важноста на превентивното дејствување, оперативната координација и користењето на современите технолошки средства, како и професионалното и непристрасно постапување на полициските службеници.

„Во борбата против криминалот нема простор за селективност, а во извршувањето на полициската должност нема простор за неодговорност. Законот мора да важи за сите подеднакво“, порача Јанев, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Груби излегува од домашен притвор, но без пасош

Поранешниот вицепремиер Артан Груби излегува од домашен притвор, но без пасош. потврдија од Кривичниот суд попладнево. 

Груби излегува од домашен притвор, но без пасош

Основниот кривичен суд Скопје го одби барањето на одбраната за враќање на патната исправа на Груби, кој е второобвинет во предметот за „Државна Лотарија“. Иако мерката куќен притвор му е укината по сила на законот, обвинетиот и натаму останува без пасош. По добиено негативно мислење од надлежното јавно обвинителство, Судот го одби барањето на Груби да му биде вратен пасошот и покрај гаранцијата од околу 336.000 евра во недвижен имот што тој ја понуди, а против него се определени дополнителни мерки за претпазливост.

„Се прифаќа предлогот на Основното јавно обвинителство за определување мерки за претпазливост, и тоа: Забрана за напуштање на живеалиште односно престојувалиште, Обврска повремено да се јавува во судот, Забрана за приближување односно остварување контакт и врски со одредени лица. Дополнително, против обвинетиот и натаму останува активна мерката за претпазливост – одземање на патната исправа и забрана за издавање нова патна исправа или друг документ за преминување на државната граница, соопштија од Кривичен.“

За укинувањето на домашниот притвор за Груби од Судот велат дека согласно членот 470 од Законот за кривична постапка, притворот што му е определен на ексвицепремиерот во конкретниот случај може да трае најдолго 60 дена од поднесувањето на обвинителниот предлог, кој во конкретниот случај е поднесен на 13 август годинава, поради што Кривичниот совет донел решение за укинување на мерката.

Артан Груби е обвинет заедно со уште седум лица, меѓу кои и поранешниот директор на Државна лотарија, Перпарим Бајрами, за злоупотреба на службената положба во врска со набавката на ВЛТ-апарати за потребите на Лотарија. За ова дело е предвидена казна од една до пет години затвор. Поранешниниот вицепремиер, по повеќе од една година недостапност за органите на прогонот, во февруари годинава се врати во земјава и беше приведен на граничниот премин „Блаце“.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер