Дали Аморим го претвори Диало во еден од најдобрите играчи во Премиер лигата? - Канал 5

Фудбал

Дали Аморим го претвори Диало во еден од најдобрите играчи во Премиер лигата?

Нема сомнение дека Диало беше најистакнатиот играч на Јунајтед по доаѓањето на Аморим.

Дали Аморим го претвори Диало во еден од најдобрите играчи во Премиер лигата?

Рубен Аморим минатиот месец го наследи Ерик тен Хаг како тренер на Манчестер јунајтед, запознаен со фактот дека нема лесно решение на проблемите, но по победа во дербито со Сити минатиот викенд, тој може барем да истакне една успешна приказна досега.

И покрај нивната неодамнешна лоша форма, малкумина очекуваа дека Јунајтед ќе обезбеди позитивен резултат против актуелниот шампион во Премиер лигата, Манчестер Сити, кој во дербито бр. 195 со своите соседи влезе со само една победа на десетте последни меѓусебни дуели (вклучувајќи седум порази).

Во градското дерби, црвениот дел од Манчестер и фановите ширум светот славеа откако „црвените ѓаволи“ се вратија од заостанување за во последните секунди да излезат како победници (1:2).

Се чинеше малку веројатно дека Јунајтед ќе најде начин да се врати во игра, но Амад Диало, веројатно нивниот најдобар фудбалер, изнуди прекршок што доведе до пенал во 88. минута. Капитенот Бруно Фернандеш успешно го реализираше пеналот, а само неколку моменти подоцна, Диало беше подготвен да прими долга топка од Лисандро Мартинез. Со неверојатен прв допир, тој создаде време и простор потребни за резултатски пресврт.

Нема сомнение дека Диало беше најистакнатиот играч на Јунајтед по доаѓањето на Аморим. Откако Португалецот застана на чело, Диало директно придонесе за шест гола во Премиер лигата, креирајќи четири асистенции и постигнувајќи два гола. Подобар учинок има само Мохамед Салах, со пет гола и три асистенции. Диало може да се пофали со најголем број асистенции во Премиер лигата (четири), не вклучувајќи го пеналот што го изнуди вчера.

Во оваа форма, многу малку играчи можат да му парираат, иако константноста е клучна. Диало долго време се смета за следната ѕвезда на Јунајтед. Со менаџер кој го поддржува уште од првиот ден - го искористи како крилен бек пред да го претвори во еден од двајцата офанзивни играчи од средниот ред на Јунајтед во формација 3-4-2-1 – можеби нема да помине долго пред да биде рамо до рамо покрај Ко Палмер, Салах и Букајо Сака.

Во однос на дербито, овој резултат е огромен поттик за Аморим, и не само затоа што ќе ги собере навивачите на негова страна и ќе ги натера играчите да веруваат во неговите методи. Најголемата работа е што, особено со тоа што Диало е ѕвезда на шоуто, го оправдува неговиот однос кон Маркус Рашфорд и Алехандро Гарначо.

Без разлика дали се согласувате со неговата одлука да ги остави надвор од тимот за неделниот натпревар или не, неговото објаснување го дава тонот за остатокот од тимот на Јунајтед.

Тоа им кажува дека не е важно кој сте, ако не сте добри на тренинзите, ако не играте доволно добро или не се однесувате на вистинскиот начин, нема да бидете во неговиот тим. Тоа испраќа огромна порака до играчите за последиците од лошите игри, што неговиот претходник, Ерик тен Хаг, не го правеше доволно често.

Така, во секој поглед, неделата беше брилијантен ден за Аморим. Ќе остане запаметен како „дербито на Диало“, но може да биде уште позначајно за менаџерот на Јунајтед понатаму.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Нов напад врз меѓународниот аеродром „Крал Халид“ во Ријад

Едно лице загина, а 11 се повредени во нов напад врз меѓународниот аеродром „Крал Халид“ во Ријад, Саудиска Арабија., пренесува Би-Би-Си.

Видео: Нов напад врз меѓународниот аеродром „Крал Халид“ во Ријад

Загинатиот е државјанин на Пакистан, соопштија саудиските власти.

Проектил погодил една од патничките сали, по што избувнал пожар.одговорноста за нападите ја презедоа јеменските Хути.Тие соопштија дека користеле ракети и беспилотни летала.

Хутите тврдат дека нападнале и нафтени постројки и аеродромот во Дамам.Во претходниот напад врз аеродромот во Ријад загинаа 13 лица, а 308 беа повредени.

Саудиската коалиција најави одговор на нападите. Трамп најави брза одлука за можни воени дејствија против Хутите. И Велика Британија најави можност за дополнителна поддршка на Саудиска Арабија.

Македонската амбасада упати апел до македонските државјани во Саудиска Арабија да ги следат безбедносните препораки и да постапуваат според упатствата на локалните власти, дежурен телефон. +971 56 441 7532.Поради влошената безбедносна состојба, се препорачува избегнување патувања во ризичните области.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Почнува примената на системот „Сејф сити“ Во Охрид, Струга, Кичево и Дебар

Од денеска, системот за сообраќаен надзор „Безбеден град“ започнува со работа и на подрачјето на СВР Охрид односно во Охрид, Струга, Кичево и Дебар.

Почнува примената на системот „Сејф сити“ Во Охрид, Струга, Кичево и Дебар

МВР информира дека по извршените технички проверки и финалните тестирања, камерите на системот ќе бидат ставени во функција на сообраќајниците на подрачјето на СВР Охрид.

Со активирањето на системот, како што нагласуваат од министерството, ќе се овозможи засилена и континуирана сообраќајна контрола, навремено откривање на сообраќајните прекршоци, зголемување на сообраќајната дисциплина и унапредување на безбедноста на патиштата.Системот „Безбеден град“ во државата е во функција од 1 февруари годинава. Периодот на адаптација траеше два и пол месеци кога граѓаните беа известувани и контролирани за сообраќајните прекршоци, а системот беше тестиран и унапредуван. Според информациите што ги сподели министерот за внатрешни работи при неодамнешната посета на Охрид, во споредба со истиот период минатата година бројот на повредени во сообраќајни несреќи годинава е намален за 20 отсто, односно со 34 жртви помалку.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Столе Наумов на „Кавга со Иван“

Вечерва, во оригиналното шоу „На кавга со Иван“ ќе гостува Столе Наумов

Столе Наумов на „Кавга со Иван“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер