Дали американските царини и војната во Украина го врти вниманието на ЕУ од проширувањето - Канал 5

Македонија

Дали американските царини и војната во Украина го врти вниманието на ЕУ од проширувањето

Додека вниманието на Европа е свртено кон Украина и царините од Трамп, Русија може да ги искористи моменталните тензии на Западен Балкан, кој долго време чека на влез во ЕУ.

еу знаме

Додека вниманието на Европа е свртено кон Украина и царините од Трамп, Русија може да ги искористи моменталните тензии на Западен Балкан, кој долго време чека на влез во ЕУ, за да го зајакне своето влијание во регионот, предупредува Велика Британија. Реномираниот „Политико“ пишува дека високи британски функционери Западниот Балкан го оценуваат како „другата жешка точка“ на Путин, за што Лондон ќе притиска за прием на сите шест држави од регионот во ЕУ. Британскиот шеф на дипломатијата Дејвид Лами по посетата на Србија и Косово минатата недела за „Политико“ изјави дека Европа мора да го зачува фокусот на регионов.

-Во овој момент, со војната во Европа и гледајќи ја долгата рака на руското мешање, би биле будала ако го тргнете погледот од Западен Балкан, каде што сè уште има наследени прашања што допрва треба да се надминат. Интересот на Путин е да го одржи регионот дестабилизиран. Во негов интерес е да ги држи во неизвесност земјите кои го сочинуваат Западен Балкан, да има дестабилизирано население и да води сајбер и хибридна војна, изјави Лами.

Очигледно е дека ЕУ во моментов се врти кон своите внатрешни проблеми што може да ги стави процесот за проширување и оптимистичките изјави од европските челници во втор план, додека од друга страна за Македонија останува предизвикот со уставните измени, сметаат дел од домашните експерти. Според Симонида Кацарска, ЕУ не го губи но можеби го намалува интересот за Западен Балкан.

-Треба да бидеме свесни дека регионот на Западен Балкан којшто и онака важи за проблематичен во моментот има доста жешки точки од коишто може да се креира проблем, не би рекла конфликт. Од друга страна, пак, на регионално ниво најпозитивните сигнали секако се праќаат за Црна Гора како потенцијалната нова членка на ЕУ во наредните можеби 3-5 години и по неа се говори за Албанија, иако Србија е формално пред неа во претпристапните преговори. Ние го имаме товарот на уставните измени и одржувањето на втората меѓувладина конференција и тоа е спектарот во кој ЕУ работи во нашиот регион. Од нивна страна, пак, се најдоа во нова ситуација, не само со царините, туку и со целокупната надворешна политика на претседателот Трамп којашто најавува нов глобален план сам по себе. Не би рекла дека ЕУ се повлекува од прашањето на проширувањето, ако ги погледнеме изјавите на претседателката на ЕК, таа е прилично јасна и дава политичко водство, меѓутоа, секако дека овие фактори во одредена мера го намалија вниманието коешто претходно го имаше кон проширувањето севкупно, изјави Кацарска.

Македонија и Србија не беа на агендата за посета на еврокомесарката за безбедност и надворешна политика Каја Калас. Таа беше во посета на Црна Црна Гора и Албанија, како и Босна и Херцеговина. На прес-конференција во Тирана изјави дека пристапувањето на Албанија во ЕУ до 2030 година може да биде реална цел доколку се спроведат неопходните реформи. Албанија лани се одвои од Македонија по европскиот пат и официјално ги започна преговорите за членство во ЕУ. Србија и Црна Гора преговараат со ЕУ подолго од 10 години. Во Македонија ситуацијата со преговорите е статус кво. Македонската Влада инсистира да ги убеди европските земји за одложена примена на уставните измени за внесување на Бугарите во Уставот, но засега безуспешно.

Тагови: Доналд Трамп ЕУ путин царини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Дошол на погреб на пријател, па случајно пропаднал во гробот на татко му и починал (ВИДЕО)

Адилсон Марсаро (48) од Бразил го загуби животот во необична несреќа на гробиштата, кога пропаднал во гробот на сопствениот татко. 

Дошол на погреб на пријател, па случајно пропаднал во гробот на татко му и починал (ВИДЕО)

Трагедијата се случила додека тој престојувал на гробиштата на погреб на пријател, а бетонската конструкција на која седел наеднаш се урнела.

Несреќата се случила во средата, на 21 октомври, на градските гробишта Сао Хозе во Линхарес, во бразилската држава Еспирито Санто.

Марсаро дојде тој ден да присуствува на погребот на пријател кој загинал во сообраќајна несреќа претходниот ден.

Според гробарот Назаре Бравин, човекот пристигнал на гробиштата со мотор, ги поздравил присутните и прашал каде ќе биде погребан неговиот пријател.

После тоа, тој ги оставил моторот и кацигата, а потоа се упатил кон гробот на својот покоен татко, кој се наоѓал на истите гробишта.

Кога стигнал до гробот на својот татко, Адилсон седнал на бетонскиот надгробен камен.

Во тој момент структурата наеднаш попуштила под неговата тежина и човекот пропаднал во гробницата.

Силен тресок го привлече вниманието на луѓето во близина. Кога сфатиле што се случило, веднаш повикале брза помош.

На местото на настанот пристигнале припадници на противпожарната служба и брзата помош, но несреќниот човек не можел да се спаси.

Лекарите можеле само да констатираат смрт. Неговото тело е извлечено од урнатата гробница и пренесено на обдукција.

Како што пишува Њујорк Пост, Марсаро бил погребан веќе следниот ден, на истите гробишта каде што го загубил животот.

Градските власти на Линхарес изразија сочувство до семејството и пријателите на жртвата.

Во соопштението тие наведуваат дека вработените на гробиштата веднаш ги известиле надлежните органи, но дека обидите за спасување биле неуспешни.

Воедно, тие ги потсетија граѓаните да бидат особено внимателни при посетата на гробните места, особено во пресрет на празникот Денот на мртвите, кога се очекува поголем број посетители.

По трагедијата се отвори и прашањето за безбедноста на гробните градби.

Градската управа соопшти дека е надлежна за одржување на заедничките површини, патеките и другите јавни делови на гробиштата.

Сепак, одржувањето на поединечните гробови и надгробни споменици, според локалните правила, е обврска на семејството на починатиот.

Бразилската цивилна полиција покрена истрага за да се утврдат сите околности на несреќата.

Засега не е соопштено зошто попуштила бетонската конструкција или дали претходно имало знаци на нејзино оштетување.

Тагови: гробот погреб

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Мора да го запрам убивањето на иранските лидери

Американскиот претседател Доналд Трамп изјави дека мора да престане да убива ирански лидери за да утврди со кого преговараат САД и го повтори својот став дека на Иран никогаш не смее да му биде дозволено да развива нуклеарно оружје.

Трамп: Мора да го запрам убивањето на иранските лидери

„Морам да престанам да убивам ирански лидери затоа што морам да сфатам со кого, по ѓаволите, преговараме“, рече Трамп на предизборен митинг во Џорџија, објави Дејли експрес. Трамп повтори дека Иран повеќе нема авиони, нема бродови и нема лидери.

„Лидерот од прво ниво го нема, лидерот од второ ниво го нема“, рече Трамп.

Тој, исто така, ја бранеше својата одлука од 2018 година да ги повлече САД од нуклеарниот договор со Иран од 2015 година, постигнат под тогашниот американски претседател Барак Обама, велејќи дека ја донел одлуката во клучно време за да го спречи Техеран да добие нуклеарно оружје.

„Го раскинав еден од најлошите договори што некогаш биле склучени, Заедничкиот сеопфатен план за акција (JCPOA) на Барак Хусеин Обама, познат и како нуклеарен договор со Иран, што доведе до тоа Иран да добие нуклеарно оружје. За среќа, го раскинав токму на време“, тврдеше Трамп.

Тој повтори дека САД го уништиле капацитетот за збогатување ураниум на Иран во воените операции спроведени оваа и минатата година.

„Ги победивме воено, финансиски и на други начини. Мора да се погрижиме тие никогаш, ама баш никогаш да не добијат нуклеарно оружје“, повтори Трамп.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Пет илјади патници уплатиле крстарење на топлите Бахами, а завршиле во студената Канада (ВИДЕО)

Повеќе од 5.000 патници кои очекуваа еднонеделен одмор на сончевите Бахами завршија во студената Канада откако Ројал Карибиан мораше да го пренасочи своето крстарење поради бура. 

Пет илјади патници уплатиле крстарење на топлите Бахами, а завршиле во студената Канада (ВИДЕО)

Бродот „Оаза оф д Сис“ исплови од Њу Џерси на 18 октомври на планирано седумдневно патување, но патниците дури на половина пат дознаа дека пловат кон Халифакс, Нова Шкотска, наместо кон тропските острови, објави CTV.

Неочекуван пресврт

Ненадејниот пресврт значеше дека патниците се пакувале за сосема погрешни температури. Ситуацијата беше влошена од објавата дека нема да им биде дозволено да го напуштат бродот додека е закотвен во пристаништето.

„Мојот сопруг ме праша: „Ова е шега, нели?““, изјави Мари Дурнинг од Њу Џерси за CTV News. „Донесов зимска капа и грејачи за уши, но го заборавив шалот.“

Патниците кои пристигнаа на крстарењето од подалечни земји немаа зимска облека со себе, ниту пак имаа каде да ја земат пред да се качат.

@chelsea_davis21 Bahamas? Canada? Tomato, tomato 🤷🏼‍♀️ #royalcaribbean #Canada #oasisoftheseas #halifax #novascotia ♬ original sound - Chelsea Davis

Разочарување на социјалните мрежи

Актерката Микајла Ајверсон објави видео на Инстаграм снимено на аеродромот Њуарк кратко откако дозна за промената. Во него, таа се пожали на ситуацијата, а видеото стана вирално со 1,4 милиони прегледи.

„Ни беше кажано, по слетувањето во Њуарк, дека нашето семејно крстарење до Бахамите, кое тргнува за само 12 часа, сега оди во Нова Шкотска? И нема да ни биде дозволено да се симнеме од бродот цела недела. @royalcaribbean, немаме облека за тоа“, напиша таа во објавата.

Меѓу патниците имаше и Канаѓани, кои практично беа испратени дома поради промената на рутата. „Многу сум разочаран“, рече Николас Мели од Торонто. Тој и неговото семејство возеа седум часа до Њу Џерси за да се качат на бродот. „Јас сум од Канада и сакав да одам на Бахамите“.

@katymarie923 It was a not so perfect day at cococay. Now it’s just me and my bonine against the seas. #royalcarribean #utopiaoftheseas ♬ Hoist The Colours (A Cappella) - The Wellermen & Eric Hollaway & Big Brev & Ebucs & Luke G. Taylor & Bobby Bass & Jesse Elkins & Davide Dalmonte

Се обидоа да ги обештетат

И покрај сè, дел од патниците решија да го извлечат најдоброто од ситуацијата. „Бидејќи потрошивме многу пари на ова патување, им реков на сите да ги надминат своите фрустрации пред да се качиме на бродот. Откако ќе се качиме на бродот, не сакам повеќе да слушам за тоа“, рече Двејн Хикс од Филаделфија.

„Така се среди, но сум благодарен и ќе се обидам да го извлечам најдоброто од ситуацијата“, додаде Џим Метјуз од Њу Џерси. „Освен тоа, слушнав дека Халифакс е прекрасен град.“

Тагови: Бахами

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер