Дачиќ: Кој ја сака Србија за сојузник ќе мора тоа и да го докаже - Канал 5

Балкан

Дачиќ: Кој ја сака Србија за сојузник ќе мора тоа и да го докаже

Како што изјави, „не може некој да гласа против Србија и утре да дојде и да каже дека е наш пријател“.

Дачиќ: Кој ја сака Србија за сојузник ќе мора тоа и да го докаже

Шефот на српската дипломатија, Ивица Дачиќ, изјави дека надворешната политика на Србија сигурно ќе доживее корекции кога станува збор за одредени земји, врз основа на нивното неодамнешно гласање во Комитетот на министри на Советот на Европа (СЕ) за барањето на Косово за прием во Советот на Европа, јави дописникот на МИА од Белград.

-Дали треба да продолжиме да мислиме дека наши големи сојузници се, на пример, Црна Гора, која дури и не се воздржа, туку гласаше за приемот на Косово, или Словачка и Грција, кои не го признаваат Косово, а беа воздржани. Би било убаво да ни објасните ако нешто се менува во нивната политика, изјави Дачиќ за денешен Курир.

Како што изјави, „не може некој да гласа против Србија и утре да дојде и да каже дека е наш пријател“.

-И не може некој туѓ територијален интегритет да биде поважен од нашиот. Секој што ја сака Србија за пријател и сојузник ќе мора да го докаже тоа, нагласи Дачиќ.

Претходно Дачиќ на Твитер му се заблагодари на поранешниот шеф на грчката дипломатија во Владата на Алексис Ципрас, Јоргос Катругалос, за неговата поддршка за територијалниот интегритет и суверенитет на Србија, по повод неговата изјава за ставот на Грција во Советот на Европа за време на гласањето за членството на Косово во таа организација.

Коментирајќи го гласањето на Грција, Катругалос изјави дека „одлуката на владата да се диференцира од другите земји на ЕУ кои не го признаваат Косово, како што се Шпанија, Романија и особено Кипар, кои гласаа против, не придонесува за промовирањето на целта на Грција за мир и стабилност на Балканот“.

Севкупниот резултат од гласањето за прием на Косово во Советот на Европа за српскиот државен врв не беше неочекуван, но одлуките на некои членови донесоа и пријатни и непријатни изненадувања, пишуваат белградските медиуми.

Претседател Александар Вучиќ изјави дека Белград мора да ги „почитува повеќе“ оние што гласале против, како Грузија, а меѓу оние чиј однос го разочарал е и Ерменија, која не гласала.

-Ако некој не го почитува територијалниот интегритет, зошто ние да почитуваме туѓ територијален интегритет, праша Вучиќ за време на неговото обраќање на 24 април.

За приемот на Косово во Советот на Европа гласаа 33 земји, седум беа против, а пет беа воздржани.

Зелено светло за приемот на Косово дадоа, меѓу другите, Црна Гора, Словенија, Македонија, Хрватска и Албанија. Против беа Унгарија, Романија, Кипар, Шпанија, Азербејџан, Грузија и Србија, а воздржани беа Босна и Херцеговина, Грција, Словачка, Молдавија и Украина. Ерменија одлучи да не гласа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Формула

Проговори пилотот, кој го спасувал Шумахер по несреќата- откриени се нови детали за трагедијата

Пилотот на хеликоптерот кој помогна во спасувањето на Михаел Шумахер по сериозната несреќа при скијање во француските Алпи, за прв пат јавно проговори за деталите од драматичната операција што се случи на 29 декември во Мерибел.

Проговори пилотот, кој го спасувал Шумахер по несреќата- откриени се нови детали за трагедијата

Јаник Даинезе, тогашниот пилот на хеликоптерот за итни случаи на SAF Hélicoptères, откри дека го знаел идентитетот на повредениот човек пред полетувањето. Затоа, од самиот почеток беа воведени посебни мерки на претпазливост, а на членовите на екипажот им беше кажано да ги отстранат микрофоните и GoPro камерите за да избегнат снимање што би можело да ја загрози приватноста на легендарниот возач на Формула 1.

Дополнително обезбедување беше присутно и на местото на несреќата. Луѓето што го придружуваа Шумахер се погрижија областа да биде затворена и никој да не може да снима фотографии или видеа што подоцна би можеле да протечат во јавноста.

Даинезе ја опиша и атмосферата за време на летот, нагласувајќи дека во хеликоптерот владеела целосна тишина бидејќи сите биле фокусирани на задачите што ги имале.

- Секако, го чувствував притисокот внатре. Луѓето го обожаваа како бог, иако не бев фан на Формула 1 - рече пилотот.

Летот до Универзитетската болница во Гренобл траел околу 25 минути, по што Шумахер бил предаден на лекарите.

Дајнезе открил дека подоцна, за време на вториот лет до истата болница, сфатил колку вниманието на јавноста било насочено кон легендарниот спортист. Кога пристигнал, нашол автобуси, црвени знамиња и голем број луѓе, а болничкиот комплекс го потсетил, како што рекол, на патека од Формула 1.

Случајот останал под строга тајност со години. Минатата година, тројца мажи беа осудени во Германија за обид за уцена на семејството Шумахер, користејќи снимки направени по несреќата.

Од неговата фатална несреќа на скијање, семејството на легендарниот возач строго ја чува неговата приватност, а информациите за неговата здравствена состојба речиси никогаш не стигнуваат до јавноста.

Тагови: Михаел Шумахер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Украинските напади драстично ги намалуваат руските нафтени капацитети

Според два извори од индустријата, украинските напади со беспилотни летала врз руските рафинерии го намалиле капацитетот на Русија за преработка на нафта за приближно 30 отсто.

Украинските напади драстично ги намалуваат руските нафтени капацитети

Украинските удари врз руските рафинерии дополнително ги отежнуваат напорите на Москва да се справи со недостигот на гориво на домашниот пазар, и тоа во време кога Русија продолжува да испорачува дизел на меѓународните пазари, согласно договорот со американскиот претседател Доналд Трамп.

Украина ги зачести нападите врз руските рафинерии од крајот на октомври, откако пропадна предложениот договор за прекин на нападите врз енергетската инфраструктура.

Значителен пад

Според извори од индустријата и официјални претставници, во текот на изминатата недела, украинските напади го попречиле работењето и предизвикале вонредни ситуации во девет од 35-те големи руски рафинерии.

Извори од индустријата наведуваат дека вкупниот дневен капацитет на руските рафинерии погодени од напади со беспилотни летала од крајот на октомври – вклучително и три големи постројки во централна Русија – изнесува приближно 300.000 тони (2,2 милиони барели). Ова е во контекст на вкупниот примарен капацитет за преработка на нафта во Русија, кој изнесува околу 930.000 тони дневно.

До крајот на октомври, руските рафинерии преработувале приближно 700.000 тони (пет милиони барели) сурова нафта дневно, наведуваат изворите.

Според проценките на изворите, реалното намалување на преработката на сурова нафта во руските рафинерии би можело да достигне и до 200.000 тони дневно. Меѓу погодените постројки се рафинериите во Рјазањ, Јарослављ и во областите долж реката Волга.

Постојани напади

Гувернерот на Ленинградската област изјави дека во понеделникот, во ноќен напад, украински беспилотен летало ја погодило рафинеријата за нафта „Кириши“ – втората по големина во Русија – при што избувнал пожар. Тој додаде дека во нападот загинала една жена.

Во напис објавен во вторникот во рускиот дневен весник „Комерсант“, рускиот министер за надворешни работи Сергеј Лавров изјави дека Украина ги игнорира повиците на Трамп за прекин на нападите врз руските енергетски цели.

Украинскиот претседател Володимир Зеленски минатата недела изјави дека Киев продолжува со нападите врз цели поврзани со рускиот нафтен сектор, како одговор на руските напади врз енергетските капацитети. Тој посочи дека украинските електрани, енергетските мрежи, системите за греење и водоснабдување се под постојан напад и дека Москва одбива да ја намали ескалацијата.

Извор: Индекс.хр

Тагови: напади русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Власта го одби барањето на СДСМ, предлог – законот за јавни набавки да биде повлечен од дневен ред

Предлог законот за јавни набавки попладнево стаса на дневен ред во Собранието, откако владеачкото мнозинство го отрфли предлогот на СДСМ тој да биде повлечен.. 

Власта го одби барањето на СДСМ, предлог – законот за јавни набавки да биде повлечен од дневен ред

Дејан Трајкоски е во Парламентот..

Дејан, откако вчера претседателката Сиљановска стави вето на еден член од предлог законот, мнозинството експресно реагираше...

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер