Чуден сигнал од вселената е снимен 1.800 пати за два месеца, научниците збунети

Неодамна откриениот радио сигнал од вселената уште еднаш го предизвика чудењето за мистериозниот феномен на брзи радио рафали (FRB).

Имено, повторливиот FRB кој бил откриен минатата година звучел неверојатни 1.863 пати во текот на 82 часа од вкупно 91 час набљудување. Ова донекаде хиперактивно однесување на мистериозниот сигнал од вселената им овозможило на научниците да откријат од која галаксија доаѓа и кој е нејзиниот можен извор.

Што всушност се брзите изливи на радио бранови и зошто тие толку многу ги фасцинираат научниците? FRB се една од најфасцинантните мистерии во универзумот. Ова се екстремно моќни сигнали, некои ослободуваат повеќе енергија од 500 милиони сонца и траат помалку од секунда.

Една од најважните карактеристики на FRB е тоа што тие се краткотрајни и непредвидливи. Обично се појавуваат ненадејно на некој дел од небото и траат само неколку милисекунди.

Повторливите FRB, односно кога тоа не е само еден интервал, туку неколку последователни, се многу ретки и особено го привлекуваат вниманието на астрономите. Некои од повторливите FRB се јавуваат периодично, во редовни интервали, на секои неколку дена или месеци. Досега се откриени само неколку од нив.

FRB 20201124A е откриен од експерти во Кина со помош на сферичен радио телескоп со отвор од петстотини метри (FAST). Научниците веруваат дека овие мистериозни сигнали се предизвикани од магнетари, неутронски ѕвезди со исклучително силни магнетни полиња.

Неутронските ѕвезди се јадра на масивни ѕвезди кои го достигнале крајот на својот животен век и го исфрлиле најголемиот дел од нивниот материјал во вселената. Останатите јадра се сè уште помасивни од Сонцето (најчесто меѓу 1,38 и 2,1 соларна маса).

Пулсарите се неутронски ѕвезди кои се вртат многу брзо околу својата оска и емитуваат радио емисии од нивните полови, така што нивниот сигнал се чини дека пулсира (начинот на кој сигналот допира до нас може да се спореди со светлината на светилник).

Но, ако FRB 20201124A доаѓа од магнетар, тогаш тоа е многу чуден пример на неутронска ѕвезда.

„Овие набљудувања некако нè вратија на почетокот. Се чини дека FRB се помистериозни отколку што се мислеше. Потребни се повеќе набљудувања со повеќе бранови должини за понатамошно разоткривање на природата на овие објекти“, рече астрофизичарот од Универзитетот во Невада, Бинг Џанг..

На пример, силната поларизација укажува на силна магнетна средина, пишува Science Alert.

Врз основа на богатството на податоци собрани од FRB 20201124A, астрономите можеле да заклучат дека неговиот извор е магнетар. Но, имало нешто чудно. Начинот на кој поларизацијата се променила со текот на времето сугерира дека јачината на магнетното поле и густината на честичките околу магнетарот флуктуираат.

„Таква средина не се очекува за изолиран магнетар. Веројатно има нешто друго во близина на изворот на FRB, можеби бинарен придружник“, објасни Џанг.

Податоците сугерираат дека придружник на магнетар може да биде жешка, сина ѕвезда која често се гледа покрај неутронските ѕвезди. Астрономот Фајин Ванг од Универзитетот Нанџинг во Кина обезбеди докази за оваа теорија во посебна студија.

Магнетарите брзо го согоруваат горивото и имаат краток век на траење. Бидејќи нивните животи се толку краткотрајни, научниците веруваат дека младите магнетари се наоѓаат во региони каде што ѕвездите сè уште често се формираат. Но, FRB 20201124A се наоѓа во галаксија која е многу слична на Млечниот Пат, односно во која не се формираат многу нови ѕвезди. Затоа, не треба да има многу нови ѕвезди во близина на хипотетичкото сино сонце.

Имајќи предвид дека сè повеќе FRB се наоѓаат во галаксиите кои, релативно кажано, не произведуваат голем број нови ѕвезди, експертите веруваат дека можеби ни недостасуваат некои важни информации за разбирањето на FRB од магнетарите и дека не разбираме целосно како се формирани и во каква средина се наоѓаат.

Истражувањето, насловено „A fast radio burst source at a complex magnetized site in a barred galaxy “,е објавено во списанието Nature.

Катарина Живковиќ во најминијатурно мини што некогаш сте го виделе (фото)

Младата поп уметница ги воодушеви своите фанови со најновиот имиџ, но имаше и такви кои се запрашаа што носи и како функционира во таква комбинација.

Пејачката Катарина Живковиќ редовно настапува во регионот. Нејзината најнова објава на Инстаграм за која доби низа пофалби пред сè за физичкиот изглед, ги збуни нејзините придружници, имено, не им беше најјасно дали во долниот дел носи појас или здолниште.

Сепак, тие го оценија нејзиниот изглед како успешен и се согласија дека пејачката никогаш не изгледала поатрактивно. Во горниот дел Каќа се одлучила за маичка од тул со долги ракави, па привидно изгледа како нејзиното тело да го покрила со тетоважи. Оваа комбинација ја дополнила со долги црвени чизми до над колена.

Поединци на шега прашуваа дали Каќа „го заборавила здолништето некаде по пат“, како и тоа дали може да седи со тоа мало парче облека.

Сепак обожавателите на Инстаграм, каде пејачката ја следат околу 300.000 лица, нејзиниот изглед го оценија како впечатлив.

Овде живеел Саша Поповиќ пред да се збогати, нема да верувате кој му бил дедо (Фото)

Хармоникашот и човекот одговорен за кариерите на бројни млади пејачи, Саша Поповиќ, може да се пофали со многу интересна животна приказна.

Еден од најмоќните и секако најбогатите луѓе на регионалната музичка сцена е роден во 1954 година во Нови Сад, каде живеел до 1996 година кога се преселил во Белград. Со своите баба и дедо, родителите и пет години постарата сестра живеел во парохискиот дом покрај Николаевска црква каде што служел неговиот дедо. Стеван Поповиќ бил свештеник три децении.

Едно време се шпекулираше дека токму дедото на Поповиќ ги венчал Алберт и Милева Ајнштајн во Николаевската црква.

- Не знам дали дедо ми ги крстил децата на Милена и Алберт Ајнштајн. Она што е сигурно е фактот дека тој беше првосвештеник 30 години, во периодот 1933-1963 година – изјави еднаш Поповиќ за локалните медиуми.

Како дете сакал да игра фудбал, па татко му го одвел на првиот натпревар на фудбалскиот клуб „Војводина“ кога имал осум години. Оттогаш фудбалот му станал главна преокупација. Неколку години тренирал во Војводина и сонувал професионално да се занимава со тоа. Сепак, животот го одвел во сосема друга насока.

Неговиот татко му купил хармоника, а подоцна Поповиќ се запишал во средно музичко училиште и ја продолжил музичката кариера. Веќе на 17 години имал свој оркестар со кој настапувал на разни веселби. Со емотивна и финансиска помош на родителите го основал оркестарот „Лира шоу“ со кој доживеал голема популарност. Пресвртот се случил кога Милован Илиќ Минимакс во неговата емисија „Претежно ведро“ на гостите им пуштил снимка од настапот на оркестарот на Поповиќ. Тогаш Брена го добила прекарот „Лепа“, а оркестарот „Лира шоу“ официјално станал „Сладки грех“.

Инаку, Саша Поповиќ е во среќен брак со Сузана Јовановиќ со кого ја имаат ќерката Александра. Сузана од првиот брак го има и синот Даниел.

Фото: Манекенка во бикини на плажа во Мајами

Светски познатата манекенка, модел и ди џејка Шантел Џефрис е фотографирана на плажа во Мајами.

30-годишна убавица уживала во својот слободен ден, а фоторепортерите знаеле каде ќе направат вистински нејзини жешки фотографии.

Атрактивната Шантел уште еднаш покажа дека е модел со природни облини - без силикон и филер.

Шантел сака сонце и плажа и ја користи секоја можност да ужива во животот.

притисни ентер