Живот

Човечки коски и тајни скулптури кријат езерата (ВИДЕО)

Често се чини дека морињата и океаните кријат некоја мистерија.

Но, овие примери докажуваат дека дури и езерата не се толку питоми како што изгледаат. Известувачите на Bored Pandа пронајдоа примери на тајни од дното на езерата, од кои некои се навистина страшни.

На дното на езерото Мичиген, пишуваат тие, е најдена мермерна статуа на распнатиот Исус висока околу четири метри. Статуата е направена во Италија во 1956 година по налог на семејство кое во трагична несреќа го изгубило 15-годишниот син. Статуата била толку оштетена за време на транспортот што не сакале да ја земат, па ја купила нуркачка екипа која ја турнала во езерото како споменик на сите починати нуркачи.

Во септември 2013 година, два 'рѓосани автомобили биле пронајдени на дното на езерото Фос во Оклахома, САД. Испаднаало дека во нив се телата на тројца тинејџери (Џими Ален Вилијамс, Лиа Гејл Џонсон и Томас Мајкл Рос) кои исчезнале во 1970 година и тела на тројца возрасни (Џон Алве Портер, Клебурн Хамак и Нора Мари Данкан) кои исчезнале во истиот период. Форензичарите утврдиле дека сите шест лица починале од давење и објавија дека нивната смрт е резултат на несреќа.

Во 2007 година, Марк Холви, професор по подводна археологија на Универзитетот во Мичиген, откри камења распоредени во круг, околу 12 стапки под површината на езерото Мичиген. Камењата биле распоредени во должина од приближно километар и половина и формирале скоро совршен круг. Се верува дека се стари околу 10 илјади години.

Во 2015 година, еден нуркач во реката Колорадо, недалеку од границата на Аризона и Калифорнија, нашол нешто што го исплаши. Околу 12 стапки под површината, тој наишол на, за што верувало, два човечки скелети. Тој веднаш пријавил сè кај шерифот, а кога полицискиот нуркач слегол да погледне, сфатил дека станува збор за пластични скелети.

Езерото Рупкунд, сместено високо на Хималаите, е замрзнато скоро цела година, но за кратко време кога мразот се стопил, езерото и областа околу него се полни со човечки коски. Околу двесте скелети биле откриени од шумските чувар во оваа инаку ненаселена област во 1942 година, а дури во 2004 година била решена мистеријата за нивната смрт. Тогаш се докажало дека скелетите датираат од IX век и се претпоставува дека се работи за аџии. Бидејќи на секое тело е пронајдена скоро идентична рана на тап предмет во пределот на черепот и рамото, научниците заклучиле дека раните биле предизвикани од тркалезни предмети што доаѓале одозгора, па многу е веројатно дека несреќните аџии биле убиени од ненадејна бура за време на која загинале од големи парчиња град.

Свет

Бајден го обвини Трамп за новите ограничувања на правата за абортус во Флорида

 Американскиот претседател Џозеф Бајден го обвини поранешниот претседател Доналд Трамп за новите ограничувања на правото на абортус во државата Флорида.

- Да бидеме многу јасни, има само едно лице одговорно за овој кошмар. Тој се фали со тоа. Доналд Трамп, им рече Бајден на своите приврзаници во градот Тампа и истакна дека правото на абортус „треба да биде уставно право“.

- Не се работи за правата на (сојузните) држави, туку за правата на жените, рече Бајден и оцени дека Трамп „е загрижен дека гласачите ќе го сметаат за одговорен за суровоста и хаосот што ги создаде“.

На почетокот на овој месец, Врховниот суд на Флорида одобри закон со кој се забранува абортус по првите шест недели од бременоста, период кога повеќето жени не се ни свесни дека се бремени.

Прашањето за абортусот е важно за претстојните избори на 5 ноември во САД, а демократите веруваат дека строгите ограничувања на тоа право во Флорида и Аризона ќе ги „свртат“ гласачите на Трамп кон Бајден.

На изборите во 2022 година Трамп освои 51,2 отсто во таа држава, а Бајден 47,9 отсто.

Шефицата на Демократската партија на Флорида, Ники Фрид изјави дека Бајден разбира дека победата во таа држава е малку веројатна, но дека вреди да се обиде. /МИА

Свет

Голем антивладин протест во Буенос Аирес поради мерките за штедење

Стотици илјади Аргентинци вчера излегоа на улиците на Буенос Аирес на антивладин протест против кратењето на буџетот на државните универзитети, што е најголемиот протест досега против мерките за штедење на претседателот Хавиер Милеи.

Протестите се последниот пример за растечките тензии поради кратењата на владините трошоци кои помагаат да се сменат длабоките фискални дефицити, но предизвикуваат тешкотии во реалната економија.

Маршевите поддржани од Унијата во и надвор од главниот град носеа транспаренти на кои пишуваше „Брани ги државните универзитети“, „Студирањето е право“ и „Горе буџетот, долу планот на Милеи“.

Милеи, кој се справува со наследената економска криза по долгогодишното трошење на владата, спроведува буџетски кратења со „моторна пила“ што и помогна на државата да оствари тримесечен фискален суфицит на почетокот на годината. Но, кратењата извршија голем притисок врз јавниот сектор. Јавните универзитети во Аргентина како УБА, кои нудат бесплатно додипломско образование, во голема мера се потпираат на државно финансирање.

-Образованието е еден од основните столбови на нашата идеологија. Немаме желба да ги затвораме универзитетите, рече портпаролот на претседателот, Мануел Адорни, бранејќи ја позицијата на владата и повика на мирен протест. /МИА

Македонија

Во Штип отворени 74 избирачки места

Во Штип утрово навреме се отворени 74 избирачки места, а гласањето се одвива мирно и без проблеми, информираше претседателот на Општинската изборна комисија(ОИК)-Штип, Виктор Вацев.

Според избирачкиот список со право на глас се 41.489 граѓани, кои своето избирачко право можат да го остварат на избирчаките места.

МИА утрово беше на гласачкото место 22 92 во гимназијата „Славчо Стојменски“-Штип. Претседателката на Избирачкиот одбор, Васка Тасева вели дека гласачкото место навреме е отворено, а своето право на глас на ова избрачко место можат да го искористат 896 избирачи.

Изборниот процес почна вчера, кога во домашни услови гласаа 158 болни и изнемоштени. Се гласаше и во КПУ _ затвор _ Штип, каде од 203 регистрирани избирачи од 40 македонски општини, правото на глас го искористиле 144 осуденици или 71 проценти.

притисни ентер