Свет

Членството на Полска во ЕУ за 20 години донесе повеќе од 160 милијарди евра

70 отсто од Полјаците позитивно ги оценија двете децении членство.

По влезот во Европската унија на 1 мај 2004 година, Полска доби 245,5 милијарди евра од европските фондови, плати 83,7 милијарди евра, така што две децении членство и донесоа 161 6 милијарди евра нето, пресмета полското Министерство за финансии, пренесе Бета.

Средствата од заедничката европска каса во тој период претставуваа околу 2,1 отсто од БДП годишно, додека странските инвестиции, кои исто така беа поттикнати од членството во Унијата дури и во очекување дека Полјаците ќе се приклучат на Европската заедница, изнесуваа околу 3,4 отсто од националните БДП -а.

Околу 65 проценти од парите од европските фондови се инвестирани во Полска во рамките на кохезионата политика, а повеќе од 30 проценти во рамките на земјоделската политика, каде што добиле 78 милијарди евра за селата и земјоделците, од кои 50 милијарди се потрошени на директни субвенции, 26 милијарди за програмско финансирање развој на руралните области и 1,8 милијарди за интервенции на пазарот.

Трансформацијата на селата и условите во кои работат земјоделците и овозможија на Полска да го зголеми извозот на земјоделски и прехранбени производи 11 пати во споредба со периодот пред членството, на 51,8 милијарди евра во 2023 година.

И покрај антиевропската кампања во претходните осум години кога на власт беа радикалните конзервативци од партијата Право и Правда на поранешниот премиер Јарослав Качински, кога дел од средствата за Полска беа блокирани поради контроверзните реформи, пред се на судството, само една петтина од Полјаците имаат негативен став за членството во ЕУ, наведува Бета.

Во најновата анкета за полскиот весник Џењик Газета Правна и радио станицата РМФ ФМ, 70 отсто од Полјаците позитивно ги оценија двете децении членство, додека само 22 отсто од анкетираните гледаа негативно.

Дури и речиси половина од гласачите на актуелната опозициска партија Право и Правда, 47 отсто од нив, исто така позитивно го оценуваат придонесот за Полска од две децении во Унијата, додека позитивната оценка за придонесот за членство кај гласачите на про-европската демократска владејачка коалиција, која дојде на власт на парламентарните избори во октомври, достигнува дури 84 отсто. /МИА

Македонија

Николоски на министерски состанок за Планот за раст – Олеснета трговија со ЕУ

Олеснување на трговијата помеѓу земјите од Западен Балкан и Европската унија и поедноставени и побрзи постапки за плаќањата се конкретните активности на кои работат двете страни во рамки на Планот за раст на Западен Балкан. 

Станува збор за активности коишто директно не инкорпорираат во европскиот пазар. Со забрзување на протокот на стоки до големиот европски пазар и олеснување на плаќањата за компаниите не прави еднакви со земјите од ЕУ. Ова го порача заменик-министерот за финансии Филип Николоски кој учествуваше на министерскиот состанок посветен на Планот за раст на Западен Балкан во Котор.

„Денеска имаме можност да разговараме за конкретни активности во рамки на Планот за раст на Западен Балкан и нашето приближување до ЕУ. Олеснувањето на трговијата и поедноставени постапки во плаќањата, што се теми на денешниот состанок, се чекори коишто не прават дел од големото европско семејство. Македонија веќе врши подготовки за пристапување во СЕПА регионот што значи отстранување на пазарните бариери со земјите од ЕУ, подигнување на кредибилитетот на финансискиот сектор на меѓународната сцена, продлабочување на трговските односи со европскиот економски регион, поедноставни, побрзи и поевтини услуги за граѓаните и компаниите. Од друга страна преку зелените коридори се обезбедува непречен проток на стоки меѓу регионот и ЕУ и намалување на времето чекање на граничните премини. Тоа се клучните елементи за нашето економско поврзување со ЕУ“, рече Николоски.

Имено, олеснувањето на трговијата ќе се постигне преку проширување на зелените коридори на граничните премини помеѓу Западен Балкан и ЕУ, а олеснувањето на плаќањата ќе се обезбеди со пристапот на земјата во СЕПА регионот.

Македонија веќе има изразено подготвеност да ги исполни критериумите за пристапување во СЕПА регионот. Министерството за финансии и Народната банка работеа на подготовка на апликацијата, и нацрт верзијата е веќе поднесена на крајот април 2024 година и се очекува финалната апликација да се достави во предвидениот рок на крајот на јуни 2024 година.

Станува збор, како што рече заменик-министерот за финансии, за мерки коишто ќе овозможат земјите од регионот пред да станат полноправни членки на ЕУ да ги уживаат придобивките од заедничкиот пазар, чиј потенцијал ќе го поттикне економскиот раст и развој и ќе придонесе за забрзана економска конвергенција на Западен Балкан кон ЕУ.

„Планот за раст како алатка е особено значајна и треба сите земји да вложат максимални напори да ја искористат оваа подадена рака за да се изоди патот до ЕУ побрзо и да се ползуваат придобивките од тоа членство поскоро. Нема друга алтернатива и за Македонија и за останатите земји од Западен Балкан и од тој пат не треба да отстапиме. Тоа е за подобро утре на сите граѓани од Западен Балкан и заштита од негативни влијание што ги создаваат кризите, како војната во Украина и тензиите на Блискиот Исток“, рече заменик-министерот Николоски, кој истакна дека националната Реформска агенда е веќе подготвена. Во ЕУ е усвоена регулативата за формирање на механизмот за реформи и раст на Западен Балкан и се отвора целосно патот за пристап до финансиската поддршка за спроведување на реформите во износ од 6 милијарди евра за целиот регион, а за земјава околу 850 милиони евра.

Министерскиот состанок во Котор се одржува во рамки на регионалниот самит на лидери на под мотото „Еден регион, заедничка визија“, на кој ќе учествува премиерот Талат Џафери.

Одделение за односи со јавност

Свет

Се огласи синот на атентаторот врз премиерот Фицо: Ќе кажам само една работа (ВИДЕО)

Словачкиот премиер Роберт Фицо бил застрелан денеска во Хандлова по состанок на владата, јавуваат медиумите.

Осомничен за нападот на премиерот на Словачка, Роберт Фицо е 71-годишниот левичар Јурај Ц., кој, како што пренесува aktuality.sk, најверојатно легално го поседувал оружјето од кое испукал неколку истрели во премиерот.

На интернет се појавија тврдења на сведоци дека тој прво му викал на Фицо, кој потоа му пришол да се ракува. Потоа пукал.

Мажот бил уапсен од полицијата веднаш по нападот. Тој моментално е во притвор, а случајот го презеде Националната агенција за криминал на Словачка.

Aktualiti.sk контактирал со синот на осомничениот атентатор, кој бил шокиран од ситуацијата. Тој потврдил дека татко му имал пиштол во легално поседување.

„Апсолутно немам поим што имал намера татко ми, што планирал, зошто се случи ова“, рече тој.

Запрашан дали негувал омраза кон Фицо, тој одговори: „Ќе ви го кажам ова - тој не гласаше за него. Тоа е сè што можам да кажам за тоа“.

Човекот негирал дека неговиот татко некогаш отворено споменал напад или убиство на политичарот. Тој, исто така, негирал дека неговиот татко бил психијатриски пациент.

„Можеби имал „краток спој“, не знам. Тој е понасилен човек, но не до степен да стане психијатриски случај или нешто слично“.

Осомничениот, како што додава словачкиот портал, бил уметнички активен. Објавил неколку збирки поезија.

Јурај Ц. во 2016 година работел во приватна служба за обезбедување. Потоа и самиот станал жртва на напад во трговски центар во Левице. Во раните вечерни часови во продавницата влегол млад човек, очигледно под дејство на опојни материи и го нападнал.

Свет

Боингот на Трамп се судрил со друг авион- инцидент на писта во Флорида

Крилото на приватниот авион Боинг 757 (N757AF) во сопственост на поранешниот американски претседател Доналд Трамп удрил во паркиран авион на аеродромот во Флорида .

Крилото на приватниот авион Боинг 757 (N757AF) во сопственост на поранешниот американски претседател Доналд Трамп удрил во паркиран авион на аеродромот во Флорида откако безбедно слетал и се оддалечил на неговата паркинг позиција рано наутро во неделата, соопшти американската Федерална управа за авијација ( FAA - Федерална Администрација за воздухопловство).

Не е познато дали Трамп, кој во саботата одржа предизборен митинг во Вилдвуд, Њу Џерси, бил во својот Боинг 757 кога се случил инцидентот. Во судирот нема повредени, јавува CNBC.

Боингот 757 е произведен во 1991 година како патнички авион и доставен до Стерлинг Ервејс. Леташе и како деловен авион на Пол Ален, а бидејќи е во сопственост на Трамп се нарекува Трамп Форс 1, по аналогија со претседателскиот Air Force One.

Авионот има два мотори на Rolls-Royce RB211 и е конфигуриран да прими 43 патници. Има трпезарија, бања, туш кабина, спална соба, гостинска соба и кујна, како и детали позлатени со 24-каратно злато.

Во редовен сообраќај, Боинг 757 може да превезе до 240 „обични“ патници.

притисни ентер