Откако скопскиот градоначалник Петре Шилегов го пушти во употреба новиот кружен тек во Чаир и изјави дека Градот Скопје самостојно го финансирал овој проект, реагираше чаирскиот градоначалник Висар Ганиу кој кажа дека чаирчани преку даноците и придонесите имаат значаен проднес во полнењето на градскиот буџет.
Ганиу, кој денеска не одговори на нашите повици, вчера на Фејсбук напиша дека пофалбата на Шилегов е заради кој ја опфаќа и општина Бутел, покажува дека Шилегов не реализирал доволно проекти во Чаир, но и дека со ова сака да добие политички поени.
Скопскиот градоначалник Шилегов во изјава за Канал 5 потенцираше дека кружниот тек е инвестиција на Градот Скопје, а за недозразбирањата со Ганиу рече дека ќе разговара на работна средба веднаш откако тој ќе оздраве од коронавирусот.
Кружниот тек во Чаир е инвестиција вредна околу 20 милиони денари. Според Шилегов овој проект ќе им овозможи на граѓаните од овој дел од градот поголема безбедност во сообраќајот со оглед на тоа дека во околината има едно средно и едно основно училиште и поликлиниката Чаир.