Четворица кандидати за лидер на СДСМ, пријавите на верификација во Централната изборна комисија

Централната изборна комисија на Социјалдемократскиот сојуз на Македонија денеска ќе ги верификува кандидатурите кои ги исполнуваат критериумите за избор на претседател на партијата, откако вчера во 16 часот заврши рокот за пријавување.

Доставени се четири кандидатури за партиски лидер на СДСМ од Димитар Ковачевски, актуелен заменик-министер за финансии, Фросина Ременски, поранешна пратеничка и потпретседателка на СДСМ, Властимир Алексовски, член и активист на СДСМ од општинската организација на партијата од Куманово и од Јован Деспотовски, директор на Дирекцијата на технолошко индустриски развојни зони.

Последен вчера се кандидираше Деспотовски, кој до Централната изборна комисија ја достави и неговата програма „Концепт 28" во која, според него, фокус се луѓето.

– Нудиме концепт во политиката што нема да поаѓа од „Кој", туку од „Како" и „Каков човек/луѓе" ни се потребни. Концепт што, преку конкретни и мерливи резултати, ќе ја зацврсти СДСМ како водечка политичка организација во Македонија и по следните парламентарни избори. Концепт што ќе обезбеди континиутет и квалитет во спроведување на современите вредности и прогресивните политики до 2028 година, се вели во програмата на Деспотовски.

Кандидатура до изборната комисија завчера поднесе Алексовски, а претходно во средбата кандидатурите ги доставија и Ременски и Ковачевски.

Ковачевски ја достави кандидатурата со програмата „Заедно, одговорно и посветено" по што на својот фејсбук-профил напиша дека „во време на предизвици со кои се соочува македонското општество одговорно е да се преземе чекор, да се делува.

– Да ја направиме СДСМ ефикасна, организирана и посветена на решавање на проблемите. Заедно, одговорно и посветено. Граѓаните бараат работа, решенија и многу одговорност. Треба да извлечеме поуки и да направиме сериозни промени за да ја вратиме довербата, да го обединиме членството и брзо да се вратиме на победничка патека. За ова да го постигнеме мора да поставиме стручни и посветени луѓе на сите позиции кои ќе донесат вистинска промена и ќе работат одговорно. Верувам дека само вака ќе ја вратиме довербата на граѓаните во институциите, но и дека ние како држава можеме и умееме сами. Мој приоритет ќе биде домашната политика, ефикасно работење и реализација како и подобрување на економскиот стандард на граѓаните, наведе Ковачевски.

Ременски ја достави својата кандидатура симболично за време на 16-дневниот активизам против насилство на жените, при што ги охрабри жените да не се откажуваат од соништата.

– Сакам и преку кандидатурата да бидам пример и да ги охрабрам сите жени кои се или не се на функција да не се откажуваат од своите соништа и натаму да се борат без оглед на сè и ги охрабрувам социјалдемократките да ја поддржат мојата кандидатура, изјави Ременски.

Образложувајќи ја кандидатурата таа истакна дека цел и мотив за нејзината самокандидатутра за претседател на партија се досегашните општествено – политички и партиски активности кои ги имала во време кога СДСМ носела тешки одлуки.

Изборот за нов претседател на партијата се одржува по оставката на премиерот и лидер на СДСМ, Зоран Заев, по завршување на вториот круг од локалните избори, преземајќи одговорност за како што изјави тој лошите резултати од изборите.

Со Одлуката на Извршниот одбор од 26 ноември 2021 година вонредните избори се распишани и ќе се одржат на 12 декември 2021 година. Постапката за кандидирање започна на 27 ноември, а заврши вчера. Право на кандидатура имаат сите членови на СДСМ кои ги исполнуваат критериумите согласно Статутот на СДСМ. За претседател на СДСМ може да се кандидира лице кое има најмалку пет години членство во партијата и кое најмалку еднаш било избран од Конгресот за член на некој од партиските органи. Изборите на локално ниво ќе ги спроведат 80 општински изборни комисии и одбори на избирачки места. /МИА

Семејството Бајден волонтираше во Филаделфија по повод Денот на Мартин Лутер Кинг

Американскиот претседател Џо Бајден заедно со сопругата Џил синоќа беа во Филаделфија и работеа неколку часови како волонтери во организација за донации на храна, по повод празникот Мартин Лутер Кинг, кој денеска се одбележува во САД.

Патувањето беше во позадина на повиците на претседателот Конгресот да го усвои законот за избирачки права и да се одобрат дејства за борба со растечкиот екстремизам.

Посетата на Бајден во Филаделфија се случи неколку часови откако Федералното биро за истраги изврши акција во синагога во Коливил, Тексас, и ослободи тројца заложници по десетчасовна конфронтација. Уште еден заложник беше ослободен претходно.

Во врска со ова Бајден вети дека „ќе се спротивстави на антисемитизмот и растот на екстремизмот" во САД.

Претходно, во соопштение од Белата куќа претседателот предупреди од самодоволност во однос на заштита на малцинските права и посочи за важноста од продолжување на работата на Кинг. Според него, тоа треба да биде изразено со усвојуваање закон за избирачки права и одбивање на идеите за предност на белата раса и другите форми на екстремизам.

– Треба да ги заштитуваме со труд од него постигнатите успеси и да ја продолжиме неговата незавршена работа. Затоа, Конгресот треба да го усвои федералниот закон за заштита на правото на глас – право кое е загрозено од злотворна комбинација на поттиснување на избирачите и поткопување на изборите. Ние треба да се спротивставиме на камшикот на расизмот и предноста на белата раса, дамки на нашата земја – и да не даваме Америка да стане прибежиште на омразата, се вели во изјавата.

Се додадва дека Владата треба ја брани како политичката така и економската еднаквост.

Стејт департмент: Русија злонамерно го користи православието

Американскиот Стејт департмент ја обвини Русија дека злонамерно го користи православниот идентитет за да ги унапреди своите геополитички интереси.

Портпарол на Стејт департментот рече дека „Русија е вклучена во тајни и отворени злонамерни обиди да го инструментализира православниот идентитет за да ги задоволи сопствените геополитички интереси, со поддршка на одредени православни цркви и други лидери, притоа поткопувајќи ги другите религии".

Тој исто така ја истакна важноста што САД ја придаваат на промоцијата и заштитата на верските слободи, додавајќи дека „заштитата на слободата на религијата или верувањето, вклучително и слободата на верските малцинства, останува клучен елемент на надворешната политика на САД".

„Луѓето треба да бидат слободни да донесуваат одлуки за тоа како ги изразуваат своите религиозни убедувања, без надворешно мешање, вклучително и од странски влади", рече портпаролот на Стејт департментот.

Високите бројки на заразени ги затвори границите на Бугарија кон Македонија

Бугарија од среда ги затвора границите за македонските државјани.

Причина за ваквата одлука на соседот се високите бројки на новозаразени од почетокот на јануари.

Македонија влегува во црвената зоана на држави. Влез ќе им биде дозволен само за македонските државјани кои имаат бугарски пасош или престој во Бугарија.

Одлуката ќе трае до 31 март. Но одлуката ќе се ревидира на секои 14 дена во зависност од дневно заразените. Според извештајот на Институтот за јавно здравје од почтокот на јануари 2022 година за само 16 дена бројот на активни случаи се зголемил за 11 илјади нови случаи. Ако на 31 декември 2021 година бројот на активни случаи беше пет илјади случаи.

притисни ентер