Живот

Четиригодишно девојченце починало во прегреан автомобил во Истра!!

Почина четиригодишно девојченце, кое работници од едно градилиште  го пронашле во затворен автомобил во Ровињско село во Истра.

Според неофицијални информации од истрагата девојченцето починало од последиците добиени од топлотниот удар и дехидрација кои и ги оштетиле виталните органи.

Во Полициската управа на Истра е речено дека веќе не се надлежни за давање на информации на оваа тема.

Несреќниот случај се случил во Ровињско село на Истра на 4 јули во попладневните часови кога нејзиниот татко ја оставил во автомобилот за да не ја буди, но притоа заборавил да ја вклучи климата во автомобилот, а ги затворил сите прозорци за во колата да не влегува прашина од градилиштето.

Според изјавите на месното население девојчето во несвесна состојба два часа подоцна било пронајдено од работници кои ја повикале Итната помош, која само ја констатирала смртта.

Свет

Генералштаб на Украина: Руските сили ги интензивираа нападите кон Авдејево

Русија ги засилила нападите во правец кон Авдејево, соопшти утринава Генералштабот на вооружените сили на Украина, наведувајќи дека украинските сили во изминатите 24 часа одбиле 50 руски напади на тој дел од фронтот.

Руските сили се фокусираа на неколку сектори на фронтот во Донбас, пренесува Униан.

Во правец кон Бахмут, украинските сили одбиле 22 руски напади, а во изминатите 24 часа на линијата на фронтот се случиле 134 судири.

Технологија

Кина во историска мисија- лансира сонда на темната страна на Месечината

Кина денеска ќе ја лансира лунарната сонда Чанге-6, соопшти кинеската Национална вселенска администрација.

Сондата ќе собира примероци од темната страна на Месечината. Тоа ќе биде прва ваква мисија во историјата на човештвото, јавуваат кинеските медиуми.

Во тек се последните подготовки за мисијата, која ќе започне од местото за лансирање Венчанг во кинеската провинција Хејнан.


Македонија

Сообраќајот се одвива непречено по влажни коловози

Сообраќајот на државните патишта се одвива непречено, по влажни коловози. 

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, соопшти АМСМ.

Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.

притисни ентер