Перниците ги користиме секоја ноќ, но не ги переме често како постелнината. Со тек на време на нив се собира пот, маснотија од кожата и косата, траги од крема, шминка, па белата ткаенина добива жолта нијанса.

Проверка на декларацијата пред перење

Не сите перници се направени од ист материјал, ниту имаат исто полнење, па не можат сите да се перат на ист начин. Пред да ја ставите во машина за перење, проверете дали таквото перење е дозволено и која температура се препорачува.

Доколку е предвидено машинско перење, држете се до програмата и видот на детергент наведени на декларацијата. Кај белите перници може, евентуално, да се користи средство за избелување, но само ако е безбедно за материјалот од кој е направена перницата.

Посебно внимание е потребно со средствата што содржат хлор. Варикината никогаш не треба да се меша со оцет, амонијак или други средства за чистење, бидејќи таквата комбинација може да доведе до ослободување на опасни гасови.

Задолжително е целосно сушење

Перењето е само дел од одржувањето. Перницата мора да биде целосно сува пред повторно да се користи, бидејќи влагата во внатрешноста на полнењето може да предизвика непријатен мирис и да поттикне развој на мувла.

Ако декларацијата дозволува сушење во машина, користете соодветна програма. Во текот на сушењето корисно е повремено да се протресе перницата за полнењето да се распредели рамномерно.

Кај природното сушење, перницата треба да се остави на место со добар провев и повремено да се врти за влагата подобро да се исуши.

Навлаката за перница може да ја продолжи свежината на перницата

Редовното перење на навлаките за перници е еден од наједноставните начини да се намали количината пот, маснотија и други нечистотии што доаѓаат до самата перница.

Заштитните навлаки дополнително го намалуваат валкањето, но треба да се перат според препораките на производителот. Така и перењето на перниците може да се сведе на поретки интервали.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Советите дека сите масла тешки и ги зачепуваат порите е обичен мит, правилно избраното ладно цедено масло е вистински концентрат на витамини, антиоксиданси и драгоцени масни киселини неопходни за убава и здрава кожа. Овие масла ја обновуваат природната заштитна бариера на кожата создавајќи хидролипиден слој, штитат од губењето вода и ја подобруваат еластичноста на кожата.

Изборот на масло зависи од видот на проблемот што сакате да го решите.

Масло од семки од кактус-смоква (индијанска смоква) – природен ботокс во шишенце

Ова е едно од најдрагоцените масла на светот, а неговата делотворност може да се спореди во професионалниот третман. Благодарение на исклучително високата содржина на витамин Е – познат и како „витамин на младоста“ – делува како природен сојузник во борбата против стареењето. Ја подобрува густината и цврстината на кожата и е совршено за нежната зона околу очите и усните. И покрај неговата моќност, лесно е и брзо се впива.

Масло од семки од шипка – за намалување на хиперпигментација и врвен регенератор

Ако не ве мачат само брчките, туку имате и нерамномерен тен и оштетувања од сонцето, ова е совршениот избор за вас. Маслото од шипка е природен извор на витамини Ц и А, кои го поттикнуваат обновувањето на клетките, ги избледуваат темните дамки и ѝ го враќаат на кожата здравиот и блескав изглед. Редовната употреба може да направи чуда!

Арганово масло – течно злато од Мароко

Ова е класика што никогаш не разочарува. Ако вашата кожа е сува, затегната и ѝ недостасува живост, аргановото масло делува како смирувачка облога. Тоа интензивно ја храни, регенерира и штити кожата од штетните надворешни влијанија, како што се ветерот и студот. Ја подобрува еластичноста и ја прави кожата кадифено мека.

Масло од авокадо – спас за сувата кожа

Густото, богато и неверојатно хранливо маслото од авокадо е вистинска ризница на витамини (A, B, E, H, K, PP, F) што овозможува моментално олеснување за екстремно сувата, зрела кожа. Длабоко хидрира, измазнува и создава нежен заштитен слој.

Како да го користите маслото за да биде делотворно? Едноставни правила што треба да ги знаете

За целосно искористување на моќта на маслата, важно е да знаете како правилно да ги нанесувате.

Правило бр. 1: Секогаш нанесувајте масло на влажна кожа. Самото масло не е хидратантно - ја задржува влагата во епидермот. Затоа, секогаш нанесувајте го претходно навлажнета кожа со тоник, хидролат или обична вода.

Правило бр. 2: Помалку е повеќе. Доволни се 2 до 3 капки. Загрејте ги меѓу дланките, а потоа нежно масирајте или намачкајте ја кожата на лицето, вратот и деколтето.

Правило бр. 3: Маслото е последно. Нанесете го маслото како последен чекор во вечерната рутина за нега, после серумот и кремата. Ова ќе создаде оклузивен слој што ќе ги заклучи сите драгоцени состојки.

Правило бр. 4: Збогатете ја вашата крема. Можете да додадете капка од омиленото масло во дел од вашиот хидратантен крем за дополнително да го подобрите неговиот ефект, пишува Sensa.hr.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Видеото од тој момент стана вирално, а „Њујорк пост“ пишува за неверојатниот настан.

Таа беше прогласена за мртва од нејзиниот татко

Сè започна минатата сабота наутро, кога тинејџерката Јулеиди Икскотоак се онесвести додека нејзиниот татко Абрахам ја возел во медицинскиот центар. Таткото, евангелистички пастор, го запре автомобилот и го провери нејзиниот пулс и дишење. Бидејќи не почувствува витални знаци, ја прогласи за мртва на самото место.

„Таа едноставно престана да постои, почина на пат“, изјави Икскотоак за локалните медиуми. „Видов дека повеќе не дише и не можев да го почувствувам нејзиниот пулс на зглобовите. Ситуацијата беше многу тешка за мене. Не стигна до болницата.“

Будење среде погребот

Смртта никогаш не беше официјално потврдена од лекар, ниту беше издадена смртна потврда. Семејството, следејќи го локалниот обичај за брз погреб, веднаш купило ковчег. Погребот се одржа во семејниот дом во руралното село Ел Џокот само осум часа откако девојчето се онесвестило.

Видеото од погребот покажува луѓе собрани околу дрвен ковчег. Мајката на Јулеиди, Лесвија Риос, се наведна над ковчегот и ја забележа нејзината ќерка како се движи. „Постојано велев дека е жива, не е мртва“, рече мајката. „Додека плачев над нејзиниот ковчег, го отворивме малото прозорче и таа се движеше. Се будеше и одеднаш седна.“

На чудење на присутните, тинејџерката се исправи во ковчегот и почна да зборува. Семејството ѝ помогна да излезе и ѝ даде чаша вода, а тагата се претвори во прослава со извици „алелуја“.

🇬🇹 Adolescente despierta en su propio ataúd después de creerla muerta en Guatemala: Una joven de 15 años, identificada como Yuleidy Ixcotoyac, despertó dentro de su ataúd tras permanecer cerca de ocho horas en un velatorio en la aldea El Jocote, en el departamento de Quiché. Según la información disponible, la menor sufrió un desvanecimiento y su padre la dio por muerta al no detectar respiración ni pulso. Según relató su padre, Abraham Ixcotoyac, en una entrevista con TV Sac, la joven sufrió un malestar en la madrugada y perdió el conocimiento mientras él la trasladaba en automóvil con la intención de llevarla a un centro de salud. "Ella salió inconsciente de acá de la casa, la trasladaba para el hospital", afirmó Ixcotoyac. El hombre sostuvo que, poco antes de llegar al municipio de San Pedro Jocopilas, notó que su hija no respiraba y no tenía pulso. El padre de la joven aclaró que Yuleidy no llegó a recibir atención médica. "No ingresó a hospital ella", dijo durante la entrevista. También señaló que, tras advertir que no presentaba signos vitales, buscó una funeraria para conseguir un ataúd y trasladarla de regreso a su vivienda. Durante la ceremonia fúnebre, los asistentes observaron movimientos en el féretro y, al percatarse de lo ocurrido, la auxiliaron. La joven se encuentra consciente y en recuperación.

— Alerta Mundial (@AlertaMundoNews) October 11, 2026

Закрепнување и поделени реакции

Јулејди се сети на моментите пред да ја изгуби свеста. „Срцето почна многу да ме боли, се чувствував тешко, а потоа паднав, како да сум се онесвестила“, рече таа. 15-годишната девојка сега се опоравува дома, е свесна и вели дека „му благодари на Бога“ што е жива.

Видеото од настанот се прошири на социјалните мрежи и предизвика стотици коментари. Додека многумина зборуваат за „чудо“, други изразуваат загриженост дека девојката веројатно е трауматизирана.

Некои се обидоа да направат шега од целата ситуација. „Потсетник за иднината - не паѓајте во несвест во Гватемала“, напиша еден корисник. Други беа изненадени од брзината со која беше организиран погребот: „Колку брзо успеаја да ја стават во ковчегот?!“. Имаше и коментари како: „Затоа сакам кремација, за секој случај да не се разбудам под земја“ и „Моментот кога ирационалните стравови повеќе не се ирационални“.

Здравствените власти во Гватемала сè уште не го коментираа инцидентот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.