Четириесет проценти од буџетот на албанското семејство оди на храна - Канал 5

Балкан

Четириесет проценти од буџетот на албанското семејство оди на храна

Според информациите од албанскиот статистички институт ИНСТАТ, цитирани од медиумите, потрошувачката кошничка останува најважниот елемент од буџетот на албанските семејства.

Четириесет проценти од буџетот на албанското семејство оди на храна

Во Албанија, секое семејство троши просечно речиси 93.000 албански леки (963,24 евра), при што 40 проценти од семејниот буџет оди само на храна, пишува Еуроњуз Албанија, додавајќи дека многу малку пари остануваат за други потреби - образование, забава или штедење.

Според информациите од албанскиот статистички институт ИНСТАТ, цитирани од медиумите, потрошувачката кошничка останува најважниот елемент од буџетот на албанските семејства.

Според Еуроњуз Албанија, цените на основните производи како што се лебот, маслото, млекото и зеленчукот значително се зголемиле во последните две години, што довело до тоа трошоците за храна да достигнат речиси половина од месечните приходи на семејствата.

Албанските граѓани изјавија за медиумите дека со платата што ја добиваат, едвај успеваат да ги покријат своите трошоци и купуваат само најпотребните. Тие го изразуваат своето изненадување што цените во земјата се многу повисоки отколку во западните земји, наведувајќи ја цената на адаптирано млеко во Берлин (1,4 евра) и Албанија (400 леки или 4,14 евра) како пример.

Една пензионерка вели дека се справува со тешката економска состојба благодарение на помошта на своите деца кои живеат во странство, додавајќи дека дури и за луѓето со плати во Албанија е тешко да заштедат нешто на крајот од месецот.

Според граѓаните интервјуирани од медиумите, економијата на земјата е нестабилна, а зголемувањето на платите не можело да ги компензира трошоците за живот.

Тие исто така истакнуваат дека во некои поголеми градови во Албанија, како што се Тирана, Драч и Корча, има голема потрошувачка, но во други, како што се Кукс и Дибра (Дебар), луѓето имаат ниски трошоци, што укажува на ниски приходи и ниска куповна моќ.

Економскиот експерт Едуард Јокутај вели дека во Тирана, трошоците за живот достигнале над 108.000 леки (околу 1.118 евра), што го прави животот во главниот град многу поскап отколку во другите делови од земјата.

Според социологот Ентела Бинијаку, „големиот дел од албанскиот народ доаѓа од сиромашно минато“. Таа рече дека предизвиците на урбаниот живот ги принудуваат луѓето да штедат пари, но високите трошоци за живот ги спречуваат семејствата да размислуваат за утрешниот ден додека живеат ден по ден.

Експертите предупредуваат дека ако овој тренд продолжи, јазот меѓу богатите и сиромашните во албанското општество ќе се зголеми.

Тагови: Албанија Буџет храна

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда,  Џенифер Лопез во исхраната и рутината за вежбање за да изгледа  вака супер на 57 години.

Фото: Џеј Ло во тесно трико ги истакна облините

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“. 

Видео-фото: Најпознатата плус сајз манекенка гордно го покажа телото: Вака изгледа мојот живот

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

Еврото падна на најниско ниво во однос на доларот во последните 17 месец

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер