Здравје

Чекор по чекор до „трикафта“ – пациентите со цистична фиброза се уште чекаат лек за сите

„Надежта последна умира!“....со овие зборови Александар Мишковски го опиша чувството за најавата дека тој ќе биде помеѓу 39-те пациенти кој по долго чекање конечно ќе го добијат лекот „трикафта“.

Алекандар на одбележувањето на европската недела за подигнување на светста за цистична фиброза заедно со останатите пациенти, но и нивни родители и блиски се искачуваа на врвот на Водно.

Чекор по чекор преку искачувањето, пациентите на некој начин ја одбележаа и добиена битка откако владата одлучи да издвои речиси 14 милиони евра за да набави „трикафта“ за наредните две години, но повеќе не веруваат целосно само на збор. Сепак, со оглед дека имаат проблеми со белите дробови велат дека со помислата за лекот полесно се чекорело нагоре.

Додека кај нас лекот ќе се дава на деца со цистична фиброза кои наполниле 12 години, од Асоцијацијата за цистична фиброза порачуваат дека во голем број земји „трикафта“ се дава и на две годишни или шестгодишни дечиња. Па велат борбата ќе продолжи со тие барања.

На Водно пешачеа и родители на деца на кои не им одговара „трикафта“, но велат ако се реши достапноста на овој лек, ќе може во Македонија да има и други поиновативни лекови.

Здравствените власти ветија дека пациентите со цистична фиброза ќе имаат и посебен центар наменет за нив во Институтот за белодробри заболувања „Козле“, но кога ќе се случи тоа се уште не се знае.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Драма во близина на Загреб: Маж се заканувал дека ќе активира бомба

Маж кој се закануваше дека ќе детонира бомба во загрепската населба Утрина се предаде на полицијата, пишува Јутарњи лист.

Загрепската населба Утрина беше под полициска опсада поради маж кој се закани дека ќе детонира експлозивна направа, потврди полицијата.

Опсадната состојба траеше речиси еден час.

Маж го извадил осигурувачот од бомбата во близина на основно училиште и наводно се заканил дека ќе се разнесе.

Драмата заврши откако мажот се предал на полицијата.

„Во шок сме. Млад човек шеташе во паркот, а околу него имаше полицајци. Ги задеваше одејќи од зграда до зграда во паркот. Беше загрижувачко. За среќа, никој не беше повреден“, рече жител на блиската зграда.

„Специјалните сили го опколија со штитови во рацете“, додаде друг жител.

Извор: Б92

Тагови: Загреб

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре попладне ќе има услови за појава на пороен дожд

Утре претпладне времето ќе биде променливо облачно со сончеви периоди, а попладне ќе има услови за појава на пороен дожд и грмежи.

Во западните делови ќе дува западен, а во источните северозападен ветер, кој ќе биде со умерен а наместа повремено со силен интензитет. Минималната температура ќе биде во интервал од 9 до 15, а максималната ќе достигне од 28 до 37 степени.

Во Скопје, сончево со мала до умерена облачност, со услови за краткотраен дожд во делови од котлината. Ќе дува умерен северен ветер. Минималната температура ќе се спушти до 13, а максималната ќе достигне до 32 степени.

Од понеделник, времето ќе биде сончево со променлива облачност во текот на денот. Ќе дува умерен повремено засилен ветер претежно од северен правец, особено во понеделник и вторник кога ќе надминува брзина од 50 km/h.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Силен земјотрес ги погоди Филипините

Земјотрес со магнитуда од 5,4 степени ги погоди Филипините денес, соопшти Европско-медитеранскиот центар за предупредување од земјотреси и цунами (EMSC).

Епицентарот на земјотресот бил на море, на длабочина од 35 километри.

Нема веднаш извештаи за повредени или штети.

Не е издадено предупредување за цунами.

Покрај честите земјотреси во областа неодамна, Филипините се справуваат и со обилни дождови предизвикани од силна бура, во која загинаа 15 лица во лизгање на земјиштето на југот од земјата.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.