Но, оваа не е единствата. Болници набавувале и компјутери, тонери, а и нив во јавните набавки ги вметнале како потребни за во борбата потив корона вирусот. Ова го открива Центарот за граѓански комуникации од каде констатираат високи ризици од корупција во набавките за Ковид.

„И да не е поврзано со Ковид, дали некому, функционер кој и да е, навистина му треба такво возило. Дали кога купува за себе возило дали купува толку скапо возило. Дали ние имаме просечен животен стандард за едно такво возило? Повторно отсуствуваат генерални насоки, политика, на кое ниво функционер, какво возило може да купи и вози. Потребна ни е една општа генерална скромност кога трошиме туѓи пари – пари на граѓаните.“-Герман Филков, Центар за граѓански комуникации.

Најголем ризик од корупција се тендерските потапки каде има само еден понудувач, а тогаш институцијата плаќа повиска цена далеку од реалната. Во извештајот на Центарот за граѓански комуникации забележани се цени на производи поскапи дури за 500%.

„Брз антигенски тест е купуван од 118 до 420 денари. Зборувам во ист временски период и од прилика исти количини. Маска од 2,7 до 104 денари... Понатаму проценетата вредност на набавките која не се објавува често се совпаѓа со некои од понудените цени, што значи некој од институцијата на некој добавувач му ја дојавил за да има поголеми шанси на тендерот,Герман Филков, Центар за граѓански комуникации.

Чести се и фирмите кои ги донирале апарати во болница, а установата неформално е врзана да набавува од истите фирми реагенси за да прават одредени испирувања.

„Тие се еден понудувач, диктираат цена и таа е најчесто многу висока.“Герман Филков, Центар за граѓански комуникации.

Извештајот за јавните набавки за заштита од корона вирусот опфати 77 тендери во периодот меѓу јули и декември 2021 година. Анализирани се тендеи кои вкупно надминуваат сума од еден милион евра.