Согласно насоките од Правилникот кој се донесе по измените на законот за заштита на потрошувачи, на интерент страните на дел од поголемите маркети утрово може да се забележат ценовници, во кој точно се наведени тековната продажна, единечна цена, опис на производот, неговата достапност, а доколку има промоција и цената со попуст и важењето на акцијата. Ценовник имаат за секој продажен објект одделно, а доколку има измени на цените истите ќе треба да се ажурираат секој ден до 10 часот наутро. Од проверката која ја направивме, засега еден од поголемите ланци на маркети остана глув на новите законски измени, кај одредени ланци на маркети ценовниците на веб страните стојат но се нецолосни односно во фаза на изработка, а има маркети кои воопшто немаат веб страници.

Граѓаните кои денеска пазаруваа велат слушнале за новата мерка, но не ги отвориле онлајн ценовниците. Сметаат дека со ова ќе се зголеми конкуранцијата и ќе се намалат цените, но има и такви кои велат дека тоа ќе биде само губење време.

„Па искрено да ви кажам не, ама еве и да ги имаат објевно прашањето е дали и во компјутерот ќе бидат истите цени, оти се случува на тезга едно во компјутер друго...ќе почнеме да отвараме да проверуваме во секој случај да...“

„Проверуваме ние ги знаеме и цените... Пазариме нон стоп а уште да проверувам ... тоа е губење време за мене....“

„Па можеби би проверувла во идина но каде и да влезеш ти требаат пари....“

„Не сме провериле. ако не интересира нешто да .... “

„Воопшто не видов, ама ќе проверувам....Убаво е да си види човек и да си знае...“

Вчера преку соопштение, од стопанската комора на трговци на големо и мало побараа од надлежните пролонгирање на рокот, а на таа тема ќе разговараат и на состанкот кој ќе го имаат идната недела. Покрај маркетите, бутиците, продавниците за бела техника, играчки, обврска јавно да ги објавуваат цените имаат и аптеките, од каде побараа нивно целосно изземање од правилникот.

На стартот на новата мерка најголем дел од аптеките немаат објавено ценовници на веб страните, од Здружението на приватни аптеки, каде членуваат околу 120 правни субејкти вклучитлено и големите фармацевтски ланци, посочија дека речиси 90 отсто од аптеките се неподговтвени, измените сметаат дека ќе влијаат на квалитетот на услуга кон пациентите, бидејќи се соочуваат со недоволен број на фармацевти. Одоговор од надлежните за евентуална средба се чекаат, велат доколку некоја апетка се соочи со парична казна како што е предвидено во законот тоа за нив ќе значи затворање на правните субјекти, бидејќи како што прдидува законот за оние кои нема да го почитуваат предвидени се казни и до 10 илјади евра.

Ослободени од оваа обврска се само оние кои имаат до 10 вработени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.