Цените на овошјето скокнаа во пресрет на летото, цреши се продаваат за 1200 денари - Канал 5

Македонија

Цените на овошјето скокнаа во пресрет на летото, цреши се продаваат за 1200 денари

На рафтовите во маркетите почнаа да се поставуваат нови цени на основните прехранбени и непрехранбени производи. 

Цените на овошјето скокнаа во пресрет на летото, цреши се продаваат за 1200 денари

По завршување на владините мерки трговците првите неколку дена беа воздржани, но во изминативе два дена може да се забележи дека има драстично поскапување на одрени прозиводи. Во делот на основните прехрамбени производи, како сирењето, кашакавалот, кои со мерките имаа цени околу 500 денари за килограм сега се продаваат и за над 650 денари.дел од детската козметика која до пред неколку дена се продаваше по цени од 100 до 150 денари, сега е со нови повисоки цени за повеќе од 80 % и достигнуваат и до 300 денари. Слична е состојбата и кај дел од останатите хигиенски производи, како сапуни, средства за лична хигиена, тоалетна хартија. Од Пазарен за Канал 5 велат инспекторите на ДПИ се на терен, се врши монитроинг, а анализата која ќе ја прават цел месец треба да покаже како се движат цените и дали ќе има нови мерки или не. Според нивните првични информации цените на основните 10 прехрмабени производи, како лебот, млекото, јајцата, брашното, маслото, јогуртот, засега се стабилни.

На повисоките цени се пожалија и граѓаните..

„Јас одам сега, што сум одел со 500 денари, сега 1500 ми требаат да ги купам истите работи....“

„Кафето еве денеска беше покачено... се покачуваат цените по 1 денар 2, ама ние ги осекаме....“

„Се е скапо ... Не може вештачки да се ограничуваат мерките, значи пазарните услови си се пазарни услови, ние треба да одиме на производство, да имаме сопствено производство, да биде самоодржливи и само тоа е решението...“

Ништо поразлична не е состојбата со цените ниту кај овошјето и зеленчукот. На социјалните мрежи се споделуваат фотографии на кој може да се види дека килограм цреши се продаваат по цена од 1 300 денари. А граѓаните се жалат и на високите цени на зеленчукот. Велат единствено во моментов намалена е цената на краставиците кои се продаваат за 50 денари за килограм.

„Некој работи во маркет може да се најдат поевтино некој на пазарот зависи како, а што е скап и пазарот скапо е, ама кој има ќе купи кој нема не....“

„150 денари патлиџан, пиперките, 80 денари компирот....“

„Како што не плаќаат данок на тезги, значи цените се ненормални, со многу мали пензии не можеме да излеземе на крај од 1 до 1 не стигнува....“

Министерот за економија, Бесар Дурмиши вчера најави дека ако има поскапување поголемо од 15 % тогаш тие ќе предложат поригорозни мерки. Според последние податоци на заводот за статистика во април 2025 споредбено со истиот месец минатата година инфлацијата бележи зголемување од 2,6% а индексот на цени на мало од 2,7%.

YouTube video

Тагови: цени

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Новиот Ламборџини Урус пристигнува на 1 јули- хибрид со над 800 КС

Lamborghini ја најави претстојната премиера на новата, високо-перформансна верзија на Urus, која ќе биде претставена на 1 јули. 

Новиот Ламборџини Урус пристигнува на 1 јули- хибрид со над 800 КС

Производителот сè уште е доста таинствен, но вели дека „се оформува ново поглавје“ и најавува модел кој ќе комбинира „врвна иновација со чист адреналин“. Иако Lamborghini не ги открива деталите, се очекува дека станува збор за обновен Urus Performante, чии прототипови веќе се снимени неколку пати за време на тестирањето.

Детали од најавната фотографија

Италијанците најавија нова верзија на Urus, доаѓа нов модел Performante. Она што веќе е познато однапред, ултимативниот SUV има горен спојлер од јаглеродни влакна идентичен со оној на претходниот модел. На него му се придружува централно поставен спојлер, кој е значително поголем од претходно. Понатаму, забележливи се модернизираните задни светла и лажните отвори за воздух, слични на оние на Urus SE. Исто така, се гледа и она што изгледа како покрив од јаглеродни влакна.

Промени во дизајнот

Иако на најавената фотографија се гледа само дел од задниот дел, претходните шпионски фотографии покажаа дека кросоверот ќе добие еволутивно дизајниран преден дел со модифицирана решетка и решетки. Заедно со нив доаѓаат редизајнирани вшмукувачи за воздух и нов потпис на дневните светла. Може да се очекува и нов заден браник, дифузер и издувен систем.

Хибриден погон со повеќе од 800 КС

Додека претходниот Performante беше напојуван од 4,0-литарски двоен турбо V8 мотор со 666 КС (490 kW) и 850 Nm вртежен момент, фејслифтираниот модел ќе добие нов plug-in хибриден погонски склоп.

Се очекува да биде базиран на системот од моделот Urus SE, кој го комбинира гореспоменатиот V8 со батерија од 25,9 kWh и електричен мотор интегриран во осумстепен автоматски менувач. Ова му обезбедува на моделот SE вкупна моќност од 800 КС, електричен опсег од 56 километри и забрзување од 0 до 100 km/h за 3,4 секунди. Сепак, нема сомнение дека Performante ќе биде уште побрз, полесен и помоќен.

Карбонски влакна во борбата против масата

Иако plug-in хибридниот систем носи значително зголемување на масата, обемната употреба на јаглеродни влакна треба да го ублажи овој недостаток. Да ве потсетиме дека кај стариот модел, употребата на тој лесен материјал овозможи заштеда од 47 килограми.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Над 1.200 заразени со ебола во Конго, САД со засилени мерки на претпазливост

Американските центри за контрола и превенција на болести (CDC) го подигнаа својот одговор на епидемијата на ебола во Демократска Република Конго на највисоко ниво.

Над 1.200 заразени со ебола во Конго, САД со засилени мерки на претпазливост

Американските центри за контрола и превенција на болести (CDC) вчера го подигнаа својот одговор на епидемијата на ебола во Демократска Република Конго на највисоко ниво, но рекоа дека ризикот од ширење на болеста во Соединетите Американски Држави останува низок. Овој потег, резервиран за најсериозните здравствени кризи, покажува растечка загриженост поради брзото ширење на редок сој на болеста.

Повеќе од 1200 заразени во Конго

Појавата на сојот бундибугјо ебола зарази повеќе од 1200 луѓе во Конго и предизвика 321 смртен случај, додека 20 лица беа заразени во соседна Уганда. Според Светската здравствена организација оваа недела, ова е најголем број случаи во првиот месец од инфекцијата со ебола.

Центрите за контрола и превенција на болести го подигнаа своето активирање во итни случаи на Ниво 1, нивната ознака е наменета за најтешките вонредни ситуации, и доделија најголем можен број персонал за развој на одговор.

Тагови: ДР Конго ебола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Меси доби бизарна статуа од 70 тони, сите се чудат на местото на трофејот (ВИДЕО)

Аргентинската фудбалска репрезентација одлично напредува на тековното издание на Светското првенство, досега имајќи две победи од два натпревари и не примено ниту еден гол.

Меси доби бизарна статуа од 70 тони, сите се чудат на местото на трофејот (ВИДЕО)

Тие постигнаа точно пет од нив и, интересно, сите ги даде Лионел Меси, кој беше и еден од главните протагонисти на титулата освоена пред четири години во Катар.

Аргентинците не заборавија колку Лео Меси беше важен за успехот на Аргентина на Светското првенство во Катар и споменатата титула, па во градот Кутрал Ко во регионот Патагонија „се појави“ огромна статуа на фудбалерот тешка дури 70 тони, целосно изработена од челик.

На неа е прикажан Лионел Меси, кој ја кренал едната рака во воздух и покажува кон небото, додека другата рака му е на градите. Сепак, она што беше особено интересно беше местото каде што беше поставен трофејот на победникот на Светското првенство.

Интересно е што го поставиле трофејот точно меѓу нозете на Лео Меси, но, за среќа, самиот аргентински фудбалер сè уште носел шорцеви на тоа место, па затоа воопшто не е провокативно, освен идејата на уметникот да го постави таму.

Автор на скулптурата е Алдо Бероис, кој има 61 година.

- Тој е природен амбасадор на Аргентина. За мене е многу важно, не само како уметник, туку и како Аргентинец, што статуата е таму - рече Бероис.

Ова е прв пат статуа на Лео Меси да опстане, откако претходната бронзена во Буенос Аирес беше вандализирана од непознати сторители само една година подоцна. Потоа главата на Аргентинецот беше отстранета, како и дел од неговата нога.

Тагови: Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер