Cayenne нема веќе да биде најголем, Порше најави уште поголем СУВ - Канал 5

Автомобилизам

Cayenne нема веќе да биде најголем, Порше најави уште поголем СУВ

Бидејќи Macan и Cayenne моментално го сочинуваат столбот на гамата на Porsche, јасно е во која насока ќе се движи компанијата во иднина.

Cayenne нема веќе да биде најголем, Порше најави уште поголем СУВ

Продажбата треба дополнително да се подобри со пристигнувањето на новиот Macan, кој ќе се нуди исклучиво во електрична верзија. Сепак, Porsche не застанува тука и планира уште еден електричен SUV. Тоа го потврди лично првиот човек на Porsche, Оливер Блуме, кој изјави: „Планираме да додадеме нов, луксузен и целосно електричен SUV во нашата атрактивна гама“.

Иако не се познати деталите, извесно е дека ќе се произведува во Германија, и тоа во погоните во Лајпциг. Блуме штотуку откри дека новитетот ќе биде поголем од Macan и дека е наменет да ја прошири понудата во сегментот на луксузни возила.

Automotive News забележува дека минатата есен, некои застапници имаа можност да го видат новиот концепт. Тоа беше модел „пола седан, половина кросовер“ и нешто како Macan или Cayenne. Имал хибриден погон, а потоа беше најавен и електричен модел. Се поставуваат прашања дали Блуме мислел на тоа возило. Во тој случај, Porsche очигледно го напушти проектот Artemis на Volkswagen и се одлучиле за PPE платформата.

Ако на сѐ го додадеме и електричниот 718, сосема е веројатно дека Porsche ќе ја постигне целта, а тоа е дека до 2030 година дури 80% од продажбата ќе бидат електрични модели.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски во Њујорк на говорот на Руте по повод 25- годишнината од нападите на 11 септември

Премиерот Христијан Мицкоски денеска во Њујорк присуствуваше на говорот на генералниот секретар на НАТО Марк Руте по повод 11 септември.

Мицкоски во Њујорк на говорот на Руте по повод 25- годишнината од нападите на 11 септември

Говор на генералниот секретар на НАТО, Марк Руте, по повод одбележувањето на 25 години од нападите на 11 септември 2001 година врз Соединетите Американски Држави и првата и единствена примена на членот 5 од Северноатлантскиот договор (НАТО), објави на ФБ премиерот Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Хаос во Боливија: Голман не сака да брани пенал (ВИДЕО)

Неверојатни сцени се видени на натпреварот од Купот на Боливија помеѓу Атлетико Индепендиенте Кочабама и Вилстерман Кооператива.

Хаос во Боливија: Голман не сака да брани пенал (ВИДЕО)

При нерешен резултат 2-2 во судиското продолжение, домашниот тим притискаше силно, но аргентинскиот голман на гостинскиот тим успеа да го спаси својот гол со три спектакуларни одбрани.

Сепак, и покрај ова, главниот судија Карлос Артеага досуди пенал за Индепендиенте, по што на теренот избувна општа врева. Следеше пауза од речиси дваесет минути, за време на која револтираните гости протестираа и го убедија судијата да ја промени својата одлука, но тој остана непомирлив.

Потоа во центарот на вниманието се најде голманот на Вилстерман, Густаво Тесоноте, кој одлучи да го бојкотира изведувањето на најстрогиот пенал во знак на протест. Неговиот револт се манифестираше со прво свртување на грбот кон теренот, а потоа ноншалантно потпирање на стативата, мирно гледајќи го Ернест Адири како постигнува гол и му носи триумф на домашниот тим.

Овој необичен инцидент брзо стана вирален на интернет, алармирајќи ја Боливиската фудбалска федерација и локалната судиска организација да преземат итни мерки. Подоцнежната анализа потврди дека нема прекршок што заслужува највисока казна, што резултираше со суспензија на судијата на неодредено време.

Тагови: Боливија голман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре врнежливо и постудено време со температури од 4 до 23 степени

Утре времето ќе биде облачно и постудено со повремени врнежи од дожд кои ќе продолжат и во текот на ноќта, информираат од УХМР.

Утре врнежливо и постудено време со температури од 4 до 23 степени

МАКСИМАЛНА ТЕМПЕРАТУРА (во оС)

11 Попова Шапка, 14 Крушево, 18 Берово, 19 Претор, Маврови Анови, 20 Крива Паланка, Прилеп, 21 Охрид, Битола, Виница, 22 Тетово, Штип, 23 Кавадарци, 24 Скопје-Петровец, Скопје-Зајчев Рид, Велес, Демир Капија, Струмица, 25 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Утрото беше ведро и студено, а во текот на денот сончево со мала до умерена локална облачност. Дуваше слаб до умерен ветер претежно од западен и северозападен правец.

Во вечерните часови облачноста постепено ќе се зголемува и во текот на ноќта ќе преовладува облачно време. Ќе дува слаб ветер од променлив правец.

ВРЕМЕТО УТРЕ

Облачно и постудено со повремени врнежи од дожд кои ќе продолжат и во текот на ноќта. Врнежите наместа ќе бидат пообилни (над 30 l/m²). Ќе дува слаб до умерен ветер од југоисточен правец.

Минималната температура ќе биде во интервал од 4 до 13, а максималната ќе достигне од 15 до 23 степени.

Во Скопје, облачно и постудено. Попладне и во текот на ноќта ќе има повремени врнежи од дожд. Во делови од котлината врнежите ќе бидат со умерен до повремено засилен интензитет. Ќе дува слаб до умерен ветер од променлив правец. Минималната температура ќе се спушти до 9, а максималната ќе достигне до 18 степени.

ВРЕМЕТО ВО НАРЕДНИТЕ ДЕНОВИ

Во сабота ќе се задржи постудено време, а претпладне ќе има повремени локални врнежи од дожд. Потоа следува период на променливо облачно и потопло време со сончеви периоди. Наместа ќе има зголемена облачност и услови за повремен дожд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер