Македонија

Царовска: 554 училишта добија дозвола за настава со физичко присуство

Министерката за образование и наука Мила Царовска информира дека околу 800 училишта поднеле барање за одвивање на наставата со физичко присуство, од кои одобрение се дадени за 554.

За онлајн платформата, Царовска потенцира дека не требаат никакви посебни перформанси на компјутерите и оти таа работи и на најслабиот компјутер.

– Оваа платформа ја градиме денес за да ни трае во наредните 20, 50 години. Таа треба да се надградува, да расте и ќе има многу предизвици, но јас сум сигурна дека ќе ја поминеме годината ако сите веруваме дека децата треба да имаат стимулирање и да имаат информации коишто тековно ќе ги добиваат секој ден, рече таа.

Министерката за образование истакна дека не би земала за право да коментира здравствени одлуки и оти во еден објект треба да има 50 деца.

– Како министерка за образование не би земала за право да ги коментирам здравствените одлуки. Како што почитувавме инструкции од Комисијата заразни болести девет месеци и тие покажаа дека знаат да ја водат државата и да ја насочуваат целата ситуација во насока да немаме колапс во ниту еден систем. Ако има над 50 деца во еден објект, има проблем да донесат позитивна одлука. Зошто? Ризикот е за многу пати зголемен. Затоа одлучвиме да одиме безбедно. Имаме училишта коишти имаат 3, 7 или 12 деца во училница, но вкупно се 50 и тие добија дозвола. Но, имаме училишта каде што имаме седум деца, но има 20 паралелки и таму имаме 70 во еден објект, па таму не дозволија. Мислам дека сите треба да го гледаме својот дел. Сите треба да се грижиме да го организираме нашиот дом најдобро што можеме. И ако здравствените работници речат немојте. Зошто? Не ни кажуваат така за да ги остават затворени училиштата или дискриминираат, туку затоа што очекуваат и веруваат дека таму може да се создаде дополнителен ризик кој ќе го загрози не само здравјето на учениците, наставниците, туку и здравјето на целото население. Јас ги почитувам и стојам на одлуките што тие ги препорачуваат и одиме бебедно, посочи Царовска.

Во врска со најавата на Советот на родители на Општина Кичево за бојкот на онлајн наставата, Царовска ги повика сите родители, градоначалници и директори на училиштата да седнат и заеднички да ги надминуваат прашањата. Бојкотот на наставата, рече таа, не носи ништо добро за идните геренации во оваа Општина.

– Децата сакаат да бидат стимулирани, дали со физичко присуство, дали кратко ќе се проклучат на оналајн платформата, дали ќе добијат материјал. Дајте да им овозможиме на децата да бидат стимулирани. Ако не добиле позитивен одговор за физичко присуство, не е дека некој не сакал, туку заради тоа што здравствената и епидемиолошка состојба е ризична во тој момент или заради тоа што има многу деца во мал простор. Да почнат една недела и да имаме заразени? После тоа да нема место во болниците? Тоа не е решение. Да одиме безбедно, чекор по чекор, рече таа.

За учениците кои немаат ИТ-уред за следење настава од дома, од 1 октомври на програмата на националниот сервис ќе се прикажуваат 15-минутни видеа од часовите, согласно со распоредот на училиштата. Видеата ќе се прикажуваат на МРТ5 и МРТ6 и на каналите на јазиците на етничките заедници.

Технологија

Моќен вселенски телескоп сними нејверојатни детали на магла (ФОТО)

Вселенскиот телескоп Џејмс Веб ги сними најдеталните инфрацрвени снимки досега од еден од најнеобичните објекти на нашето небо, маглината Коњска глава.

Сликите покажуваат дел од небото во соѕвездието Орион. Од турбулентните бранови на прашина и гас се издигнува маглината Коњска глава, позната и како Барнард 33, која е оддалечена околу 1.300 светлосни години.

Маглината на Коњската глава (на сликата подолу е прикажан поголемиот дел од неа) е родена во меѓуѕвезден облак од материјал што се урива и сјае затоа што е осветлена од блиската жешка ѕвезда. Гасните облаци што ја опкружуваат маглината веќе се распаднале, но столбот во облик на животинска глава е составен од густи купчиња материјал што потешко еродираат.

Еден ден самите глави на коњите ќе исчезнат, но ќе треба многу време. Астрономите проценуваат дека Барнард 33 ќе се распадне за околу пет милиони години. Новите слики на Џејмс Веб се фокусираат на осветлениот раб на врвот на маглината.

Барнард 33 е регион на фотодисоцијација (PDR), во чии рамки ултравиолетовата светлина од младите, масивни ѕвезди создава претежно неутрален, топол регион од гас и прашина лоциран помеѓу јонизираниот гас што ги опкружува масивните ѕвезди. Ова ултравиолетово зрачење влијае на хемијата на гасовите во овие региони и делува како најважен извор на топлина, пишува ЕСА.

Светлината емитирана од PDR обезбедува единствена алатка за проучување на физичките и хемиските процеси кои ја поттикнуваат еволуцијата на меѓуѕвездената материја во нашата галаксија и низ универзумот. Маглината Коњска глава е идеална цел за астрономите поради нејзината близина и геометрија. Се смета за еден од најдобрите објекти на небото за проучување на интеракцијата на зрачењето и меѓуѕвездената материја.

Џејмс Веб за прв пат ги открил малите структури на осветлениот раб на главата на коњот. Тој, исто така, откри мрежа на шарени карактеристики кои се движат нормално на предниот дел на PDR, кои содржат честички прашина и јонизиран гас. Набљудувањата, исто така, им овозможија на астрономите да ги истражат ефектите од емисиите на прашина и подобро да ја разберат повеќедимензионалната форма на маглината.

Џејмс Веб е револуционерен инфрацрвен вселенски телескоп од девет милијарди долари. Тој е сто пати почувствителен од телескопот Хабл и главно ги набљудува пространствата на вселената во инфрацрвениот спектар, што му овозможува да навлезе низ густи облаци од гас и прашина. Хабл работеше првенствено на оптички и ултравиолетови бранови должини.

Македонија

МВР со кривична пријава за поранешен градоначалник на скопска општина

Одделот за криминалистичка полиција спроведе предистражни дејствија за поранешен градоначалник на една скопска општина, за кој постои сомневање дека извршил кривично дело "злоупотрба на службената положба и овластување".

Одделот за криминалистичка полиција спроведе предистражни дејствија за поранешен градоначалник на една скопска општина, за кој постои сомневање дека извршил кривично дело "злоупотрба на службената положба и овластување" согласно член 353 од КЗ.

Имено, истиот на 04.08.2021 со пречекорување на границите на своето службено овластување како лице што врши работи од јавен интерес, по спроведена постапка за јавна набавка на работи - реконструкција на спортски игралишта на територија на општината и склучен договор за јавна набавка со правно лице од Скопје, во која постапка покрај за игралишта за кој бил надлежен, предвидел реконструкција и на спортско игралиште во средно училиште, иако знаел и бил свесен дека средните училишта согласно Законот за средното образование се во надлежност на градот Скопје.

На тој начин пријавениот го оштетил буџетот на општината за износ од 662 885 денари, кои средства му биле исплатени на избраниот економски оператор за реконструкцијата на тоа игралиште.

Во координација со СВР Скопје, Единицата за економски и компјутерски криминал до ОЈО Скопје поднесе кривична пријава, соопштија од МВР.

Свет

Снимен е ударот на украински дрон во руски радарски систем, вреден 7,5 милиони долари (ВИДЕО)

На социјалните мрежи се појави уште едно видео снимено на фронтот во Украина, на кое наводно се гледа како украинско беспилотно летало вредно нешто помалку од 27.000 долари го уништува рускиот радарски систем „Подљот“ кој вреди повеќе од 7,5 милиони. 

Како што објави dailymail.co.uk, снимката е создадена на крајот на минатата недела и покажува уништување на скап руски систем.

Украинците во нападот испратиле полско беспилотно летало камикази од типот „Warmate“, кое што ја оштетило ротирачката радарска антена на системот, за која се вели дека може истовремено да следи до 200 цели на оддалеченост од околу 400 километри.

Друго видео покажува како друг дрон удира во придружната радарска централа.

„Избувна пожар на радарската антена и на дизел генераторот што го снабдуваше системот со енергија“, се наведува во пораката на украинските разузнавачи на социјалните мрежи.

Министерството за одбрана на Украина на Телеграм објави дека единицата „Гус 9“ е одговорна за отстранување на радарскиот комплекс, додавајќи дека станува збор за нова технологија која руската армија ја има само од 2015 година. Системот се користи за откривање цели и координирана испорака на цели од противвоздушните системи С-300 и С-400.

Додека употребата на беспилотни летала од страна на Украина во нејзината одбрана од Русија беше успешна, другите елементи од нејзиниот воен ангажман не беа толку ефикасни. Украина, била принудена привремено да ги повлече американските тенкови Абрамс од првата линија на фронтот бидејќи руските беспилотни летала лесно ги откривале. САД испратија вкупно 31 тенк Абрамс во Украина.

Киев побарал од овие оклопни возила, секое од по десет милиони долари, да ги пробијат руските линии за време на минатогодишната офанзива, што на крајот не успеа. Тактиката на фронтот се смени и сега Русија масовно користи дронови во борбата против оклопните возила. Во последните три месеци руските сили уништија пет Абрамови.

„Кога размислувате за начинот на кој борбата еволуирала, масовната употреба на оклоп во средина каде што беспилотните воздушни системи се сеприсутни може да биде многу опасна. Ќе работиме со нашите украински партнери и другите сојузници на теренот за да им помогнеме да размислат како оклопни возилата може да се користат, во толку променето опкружување каде сè се гледа веднаш“, рече адмирал Кристофер Грејди, заменик-претседател на Здружениот штаб.

притисни ентер