Business Leader 2026 ги обедини лидерите на македонската економија: околу 600 гости во Македонската филхармонија - Канал 5

Македонија

Business Leader 2026 ги обедини лидерите на македонската економија: околу 600 гости во Македонската филхармонија

Третото издание на Business Leader на едно место обедини околу 600 претставници на македонската бизнис-заедница, институциите и дипломатскиот кор. 

Business Leader 2026 ги обедини лидерите на македонската економија: околу 600 гости во Македонската филхармонија

На централната церемонија се обратија претседателот на Владата Христијан Мицкоски, генералниот извршен директор на Халкбанк Фатих Шахбаз и основачот на Business Leader Огнен Огненоски, а вечерта кулминираше со доделувањето на Business Leader признанијата за 2026 година.

Во Македонската филхармонија синоќа се одржа третото издание на Business Leader, кое годинава собра околу 600 гости – сопственици и директори на компании, претприемачи, претставници на институциите, дипломатскиот кор и бизнис-заедницата.

Компаниите претставени во салата заедно создаваат повеќе од две милијарди евра приходи и вработуваат повеќе од 50.000 луѓе, обединувајќи на едно место значаен дел од македонската економија.

Business Leader е создаден со цел да ги препознае и афирмира македонските компании зад кои стојат мерливи деловни резултати – раст, профитабилност, извоз, вработување и финансиска стабилност. Зад анализите и изборот на компаниите стои Бизнис Мрежа, организатор и аналитички партнер на Business Leader.

На централната церемонија се обратија основачот на Business Leader, Огнен Огненоски, генералниот извршен директор на Халкбанк АД Скопје, д-р Фатих Шахбаз, како и претседателот на Владата, проф. д-р Христијан Мицкоски.

Во своето обраќање Огненоски истакна дека идејата зад Business Leader од самиот почеток била „успехот во Македонија да престане да биде тивок“ - да им се даде видливост на компаниите што создаваат, на луѓето што преземаат ризик и на резултатите што заслужуваат да бидат препознаени.

„Македонија можеби е мала на светската карта. Но големината на една земја не се мери само во квадратни километри. Се мери и според она што нејзините луѓе се способни да го создадат. А вечерва, кога гледам во оваа сала, гледам доказ дека Македонија има свои високи врвови“, порача Огненоски.

Посебна благодарност беше упатена до Халкбанк, која трета година по ред е генерален партнер на Business Leader. Континуитетот на партнерството претставува доверба во идејата Business Leader да прерасне во платформа која го препознава, поврзува и афирмира успешниот македонски бизнис.

Од макроекономијата до AI и бизнисот во 2030

На свечената церемонија ѝ претходеше конференцискиот дел на Business Leader 2026, посветен на економијата, технологијата, податоците, вештачката интелигенција и предизвиците со кои ќе се соочуваат компаниите во следните години.

Програмата вклучи макроекономска анализа и три панел-дискусии со претставници на бизнис-заедницата, институциите, технолошкиот сектор и академската заедница.

Една од централните дискусии се одвиваше под наслов „Бизнисот во 2030: Податоци, AI и компании без слепи точки“, отворајќи ги прашањата како податоците и вештачката интелигенција ќе го менуваат начинот на кој компаниите носат одлуки и како македонскиот бизнис треба да се подготви за следната фаза на дигиталната трансформација.

Резултатите на големата сцена

Централниот дел од вечерта беше посветен на Business Leader признанијата, чиј избор се темели на реални деловни резултати и анализа на податоците за македонските компании.

Годинава признанија добија компании од индустријата, трговијата, фармацијата, технологијата, телекомуникациите, финансискиот сектор, логистиката, здравството и други значајни сегменти на македонската економија.

Посебното признание „Стартап на годината 2026“ го доби FACTUM. Компанијата за само две години се разви од околу 7.000 евра годишен приход до бизнис кој се движи кон 400.000 евра годишен повторлив приход и има повеќе од 500 активни корисници.

Сава пензиско друштво – Premium Business Leader 2026

Кулминацијата на вечерта беше доделувањето на највисокото признание - Premium Business Leader 2026.

Од анализата на Бизнис Мрежа на македонските компании, Сава пензиско друштво АД Скопје беше издвоено за достигнувањето - три последователни години со највисока бонитетна оцена во конкуренција меѓу македонските компании.

Највисокото деловно признание симболично го додели проф. д-р Златко Јаќовски - лекар, професор и алпинист кој во 2023 година се искачи на највисокиот врв на светот, Монт Еверест.

Признанието во име на Сава пензиско друштво го прими претседателката на Управниот одбор, Снежана Станковиќ.

Добитници на Business Leader признанијата за 2026 година

Меѓу компаниите и брендовите што годинава добија признанија се:

Signori, FACTUM, Davis Fabrics, МТЕЛ, Милкуз, ДМЦ Балканс, Завар Компани, Лав-Комерц, Термостил Даниел, Синцеритас, ММС Комуникации, АТУ Македонија, Хелиоцентрум, Sopro, Starcon Shipping, Liberty Скопје, Навико Шипинг, Ingram Micro Македонија, НЈСК Холдинг, Експанда, Интер-Констракшн, Отпад, Адвокат Александар Михајлоски, Condevo MK, Пуцко Петрол, SCM Retail / Skopje City Mall, DM Drogerie Markt, Ernst & Young – Услуги, КаСис, Алма-М, Зегин, Реплек, Аџибадем Систина, Wabtec МЗТ, КБ Прво пензиско друштво и Макстил, додека Сава пензиско друштво го понесе главното признание Premium Business Leader 2026.

Вечер во знакот на македонските „врвови“

Целата церемонија годинава беше изградена околу концептот на планината и врвот како симбол на деловниот успех – пат во кој нема кратенки и во кој резултатот се создава чекор по чекор.

Програмата ја водеше Игор Џамбазов, а музичкиот дел го предводеше Џијан Емин со оркестар, со повеќе музички изведби интегрирани во самата церемонија.

На крајот на церемонијата, сите добитници на Business Leader 2026 застанаа заедно на сцената – компании од различни индустрии, генерации и големини, обединети преку резултатите што ги создаваат.

Пораката со која беше заокружено третото издание на Business Leader беше дека секој достигнат врв е почеток на следниот предизвик.

Business Leader продолжува со својата мисија – успешните македонски компании и луѓето зад нив да ги стави таму каде што заслужуваат да бидат: на големата сцена.

За Business Leader

Business Leader е платформа за препознавање, афирмација и поврзување на успешните македонски компании и деловни лидери. Зад анализите и изборот на компаниите стои Бизнис Мрежа, која преку деловни и финансиски податоци ги анализира резултатите на македонските компании.

Генерален партнер на Business Leader 2026 е Халкбанк АД Скопје. Official Event & Marketing Partner е MS Creative Studio, организациски партнер Pari.com.mk, Mobility Partner Delfino Mobility Group, а Official Hospitality Partner Alikas. Златни партнери се БиМилк и Аџибадем Систина, додека меѓу останатите партнери на настанот се Макстил, Зегин, MyTime, Signori, KARA5, Delight, Сава Осигурување, Chesterfield, Тиквеш, Гемак, Пелистерка, Startup Club Skopje, Social Hair, Baking Bread и Elena Luka.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Силен земјотрес ја потресе Камчатка

Земјотрес со јачина од 6,5 степени според Рихтеровата скала е регистриран на Камчатка, а во некои области се почувствувани потреси со интензитет до пет степени, соопшти денеска руското Министерство за вонредни ситуации. 

Силен земјотрес ја потресе Камчатка

Во одредени делови на Петропавловск-Камчатски, како и во Уст-Камчатскиот и Алеутскиот округ, се почувствувани потреси со интензитет до четири степени, додека во окрузите Виључинск и Јелизово интензитетот достигнал пет степени, се наведува во соопштението објавено на платформата „Макс“.

Според податоците на огранокот на Камчатка при Геофизичката служба на Руската академија на науките, епицентарот на земјотресот бил на копно, во округот Јелизово, на 138 километри југоисточно од селото Уст-Болшерецк, на длабочина од 128 километри.

Службите за итни случаи не добиле никакви повици поврзани со земјотресот, а не е издадено ниту предупредување за цунами.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Се градат два гасоводни интерконектори со што драматично ќе се зголеми гео-стратешкото значење на Македонија

Во овој момент како никогаш до сега, се градат два гасоводни интерконектори, едниот со нашиот јужен сосед, другиот со нашиот северен сосед.

Мицкоски: Се градат два гасоводни интерконектори со што драматично ќе се зголеми гео-стратешкото значење на Македонија

Претседателот на Владата на Република Македонија, Христијан Мицкоски денеска одговарајќи на новинарско прашање во однос на гасификацијата до каде е процесот, кој ќе биде бенефитот за граѓаните и кога може да се очекува да заврши, изјави:

„Во овој момент како никогаш до сега, се градат два гасоводни интерконектори, едниот со нашиот јужен сосед, другиот со нашиот северен сосед. Едниот очекувам да биде синхронизиран и пуштен во употреба до крајот на првата половина од следната година, а другиот очекувам до крајот на 2028 година да биде целосно синхронизиран. Со што драматично, кога велам драматично, драматично ќе се зголеми гео-стратешкото значење на Македонија како земја, а од друга страна, овие два гасоводи ќе значат можност за инвеститори коишто би сакале да инвестираат во производни капацитети на електрична енергија коишто го користат гасот како погонско гориво. Но тоа ќе значи и можност за нас, кога ќе стане збор за реконструкција и модернизација на термоелектраните коишто користат јаглен како погонско гориво, да можеме да направиме конверзија на гас и така да ги зачуваме работните места и така да ги зачуваме тие објекти да продолжат да произведуваат.“

Во однос на конверзијата, кога ќе се случи тоа, претседателот Мицкоски додаде:

„Па тоа веќе трае, АД ЕСМ веќе разговара со Светска банка и мислам дека многу скоро ќе имам многу убави вести за тој проект.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Трибина „ВИ или автентична филмска креација“ и мастерклас на Емин Алпер денеска на Киненова

Трибина „ВИ или автентична филмска креација“ и мастерклас на Емин Алпер денеска на Киненова: Никогаш не одам неподготвен на снимање.

Трибина „ВИ или автентична филмска креација“ и мастерклас на Емин Алпер денеска на Киненова

Филмот „Зад ридовите“ на Емин Алпер годинешниот лауреат на МФФ Киненова вчера имаше проекција на фестивалот бидејќи тоа е негов прв филм, а денеска на мастерклас со студентите на ФДУ повторно проговори за него.

-Јас филмот не сум го гледал од 2016 година и се сеќавам на секој детал што го снимив и на сите сцени што беа снимени, но од оваа преспектива би сменил нешто во кинематографијата, во ликовите итн. Времето за снимање беше многу кратко и ги снимавме само неопходните кадри и немав време да пробам нови агли на снимање. Со кинематограферот имавме голема караница, бидејќи немаше контраст. Во сите нои други филмови се трудам да го доловам контрастот меѓу денот и ноќта, но во овој го немам бидејќи имав караница со кинематограферот. И токму тоа беше предмет на караницата, рече Алпер.

Пред студентите денеска тој говореше за значењето на копродукциите и пичингот на големите фестивали за еден филм и дека и самиот тоа доцна го сфатил бидејќи во минатото сметал дека тоа не му е потребно, но подоцна сфатил дека е корисна секоја сугестија, секоја критика и секој вид на помош кога работите на филм.

Поразговара и за снимањето серии на кои работел во Турција и рече дека никогаш не оди не подготвен на сет. Секогаш се подготвува пред снимањето и токму затоа му било тешко кога го снимал „Зад ридовите“ бидејќи бил ограничен и со буџет и со снимачки денови.

Во продолжение на програмата на МФФ Киненова денеска се одржа и трибина на тема ВИ или автентична филмска креација? на која студентите разговараа за дилемите по ова прашање со Емин Алпер, Гоце Цветановски и Дејан Илиев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер