Бугарски европратеници: Извештајот на Вајц е опасен преседан за преговорите со ЕУ - Канал 5

Балкан

Бугарски европратеници: Извештајот на Вајц е опасен преседан за преговорите со ЕУ

На еден месец пред гласањето и во екот на преговорите по амандманите, бугарските европратеници со писмо против извештајот на Томас Вајц.

Бугарски европратеници: Извештајот на Вајц е опасен преседан за преговорите со ЕУ

На еден месец пред гласањето и во екот на преговорите по амандманите, бугарските европратеници со писмо против извештајот на Томас Вајц, кого го обвинуваат за „опасни преседани“ и директно поткопување на преговарачката рамка на земјава со ЕУ. Најспорен за нив е амандманот на Вајц на извештајот со кој тој бара јасно разграничување дали Протоколот со Бугарија е дел од преговарачаката рамка на земјава или не. Писмото кое е испратено до известувачите во сенка и праламентарните групи во ЕП е потпишано од сите бугрски европратеници, а во него се обвинува земјава дека се обидува да ја промени преговарачката рамка и да не ги исполни преземените обврски, нешто за што велат дека не остава простор за интерпретации.

„Сметаме дека е важно повторно да потврдиме дека Протоколот е составен дел од Европскиот консензус одобрен од сите 27 земји-членки и прифатен од самата Македонија. Поточно, Амандманот 108 поднесен во годишниот извештај за Македонија е многу проблематичен. Со повикување на Правната служба на Советот да „разјасни нејаснотии“ во врска со статусот на Протоколот бр. 2, вештачки и намерно се создава впечаток дека постојат такви нејаснотии.

Всушност, Протоколот е дел од Европскиот консензус од 2022 година и вграден во Преговорната рамка. Нема правна несигурност што треба да се разјасни.“

Вајц пак, во интервју за Канал 5 порача дека очекува амандманот да помине, иако како што кажа, тој би можел да биде модификуван. Според него, не станува збор за политичко прашање, туку за разјаснување што се очекува од Македонија да исполни на патот кон членство.

„Најпрво, ова е правно прашање. Не станува збор ниту за тоа дали јас фаќам нечива страна, без разлика дали едната или другата интерпретација е вистинската. Но, фактот што има различни интерпретации и нема целосна јасност од страна на Советот на ЕУ ме мотивираше да го предложам овој амандман. Тој се уште е во текстот, да видиме дали ќе ги преживее и конечните преговори. Можеби, ќе го модификуваме дополнително, но потребна ни е јасност за тоа што ЕУ очекува од С. Македонија да исполни?“

Во меѓувреме, најавите од Бугарија се дека нашиот источен сосед до крајот на неделава би можел да има нова влада предводена од поранешниот шеф на државата Румен Радев. Идните приоритети во кабинетот на претседателкта Јотова ги презентираа претставници од неговата партија, а во делот за надворешната политика посочија дека нема да има промени од курсот кој Радев го одредил додека бил на чело на државата.

YouTube video

Тагови: Томас Вајц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло со мала до умерена облачност

Времето утре ќе биде сончево и топло со мала до умерена локална облачност. 

Утре сончево и топло со мала до умерена облачност

Ќе дува слаб до умерен ветер, во западните од западен, кој наместа повремено ќе засилува, а долж Повардарието и во источните делови од југоисточен правец.

Минималната температура ќе биде во интервал од 7 до 16, а максималната ќе достигне од 27 до 34 степени.

Во Скопје, сончево и топло со мала облачност. Ќе дува слаб до умерен ветер претежно од југоисточен правец. Минималната температура ќе се спушти до 13, а максималната ќе достигне до 34 степени.

Во текот на новата седмица ќе преовладува топло време. Во вторник ќе има локален развој на нестабилна облачност, а во среда на повеќе места се очекува нестабилно време со пороен дожд, грмежи и засилен ветер. Од четврток ќе преовладува сончево време со променлива облачност во текот на денот.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху му го честита 80-тиот роденден на Трамп: „Мирот доаѓа преку силата“

Израелскиот премиер Бенјамин Нетанјаху денес му го честиташе 80-тиот роденден на американскиот претседател Доналд Трамп со пораката дека „мирот доаѓа преку силата“.

Нетанјаху му го честита 80-тиот роденден на Трамп: „Мирот доаѓа преку силата“

„Среќен роденден, Доналд“, напиша Нетанјаху на мрежата „X“, истакнувајќи дека роденденот на Трамп оваа година доаѓа во „соодветно време“, кога „Америка, голема нација изградена врз слободата и верата слави 250 години слобода“.

Нетанјаху рече дека мирот доаѓа преку силата, што е можен коментар за новиот Меморандум за разбирање со Иран.

„Ви посакувам континуирана сила и енергија додека ја водите Америка кон светла иднина на мир постигнат преку силата и додека продолжуваме да го воздигнуваме сојузот САД-Израел на сè поголеми височини“, напиша Нетанјаху.

Тагови: Бенјамин Нетанјаху Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

КОВЗРГ ќе ја одбележи 40-годишнината од упокојувањето на Архиепископот Ангелариј

Настанот ќе се одржи во храмот „Свети великомаченик Димитриј“ во Скопје.

КОВЗРГ ќе ја одбележи 40-годишнината од упокојувањето на Архиепископот Ангелариј

Комисијата за односи со верските заедници и религиозни групи, во соработка со Македонската православна црква – Охридска архиепископија, на 15 јуни 2026 година ќе организира одбележување на 40-годишнината од упокојувањето на блаженоупокоениот Архиепископ охридски и македонски г.г. Ангелариј.

Настанот ќе се одржи во храмот „Свети великомаченик Димитриј“ во Скопје, каде што се наоѓа вечното почивалиште на Архиепископот Ангелариј, со почеток во 10:00 часот.

Во рамките на одбележувањето ќе биде отслужен помен со кој ќе чиноначалствува Неговото Блаженство, Архиепископот Охридски и Македонски и на Јустинијана Прима г.г. Стефан, во сослужение на архиереи и свештенство. По поменот е предвидено кратко обраќање на Поглаварот на Македонската православна црква – Охридска архиепископија, по што ќе следи полагање свежо цвеќе пред гробот на Архиепископот Ангелариј.

Одбележувањето претставува израз на почит кон животот, духовното дело и историското наследство на Архиепископот Ангелариј, кој со своето архипастирско служење остави значаен белег во современата историја на Македонската Православна Црква.

Тагови: КОВЗРГ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер