Бугарската политичка сцена далеку од консолидација

Ден по конституирањето, пратениците од новиот парламентарен состав го повикаа Борисов да даде отчет за сработеното во неговиот мандат, но наместо да одговори на повикот премиерот во заминување најави дека ќе користи одмор.

Влегува ли Бугарија во политичка криза? Ден по конституирањето, пратениците од новиот парламентарен состав го повикаа Борисов да даде отчет за сработеното во неговиот мандат, но наместо да одговори на повикот премиерот во заминување најави дека ќе користи одмор. Неговото отсуство, но и гласањето за оставката на Борисов од функцијата предизвика бура од реакции и меѓусебни обвинувања во бугарското собрание.

-Не само што треба да се гласа оставката, и да биде одобрена, туку на тоа столче треба да дојде тој кој ја поднел оставката.- Георги Свиленски – БСП .

-Направете Влада и веднаш Бојко Борисов нема да биде Премиер. Што ќе се случи ако неговата оставка биде отфрлена, има и таква теоретска можност,-Тома Биков – ГЕРБ.

Во парламентот беше поднесен и предлог за формирање на посебна комисија која треба да изврши ревизија на владеењето на ГЕРБ и Борисов и да утврди дали имало некакви злоупотреби на власта.

Распоредот на силите во бугарското собрание по изборите изминатиот период го доведе и во прашање формирањето на новата Влада, а иако сите очи се вперени кон шоуменот Слави Трифунов кој е извесно дека ќе ја предводи новата влада, дел од бугарските аналитичари оценуваат дека коалиција од анти-борисов политички партии, сепак не би било едноставно да се формира. Проблематичен за нив е и молкот на Трифунов по изборите.

-Имаме едно Анти-Герб мнозинство кое нема некоја формална база. Нема коалициски договор. Внатре има партии за статус кво. Заедно гласаат Демократска Бугарија и ДПС. Заедно гласаат БСП и Исправи се. Дали тоа мнозинство ќе успее да поддржи кабинет или изборна програма, колку и да е долга таа мислам дека не е возможно. Затоа што Различни играчи ќе сакаат различни нешта често пати неповрзани,изјави Стојко Стојчев – Политиколог.

-Молкот на Слави Трифунов според некои медиуми е стратегија која тој ја користел и во неговата шоу кариера, но молкот во политиката е малку по различно. Таков тип на молк од политичар кој е оптоварен со голема доверба од своите, но и од други избирачи е контрапродуктивно,вели Георги Кирјаков – Политиколог.

Во меѓувреме, Трифунов го прекина едно неделниот молк, но за да упати обвинувања кон партијата на Борисов. На социјалните мрежи тој ги обвини пратениците на ГЕРБ дека се обидуваат со предлози за промена на изборниот модел за да го тргнат вниманието на јавноста од вистинските проблеми.

ВМРО-ДПМНЕ вечерва на извршен и централен ќе ги утврдува пратеничките листи

На изборните листи на ВМРО-ДПМНЕ ќе има чесни, професионални и храбри лица, уверува партискиот лидер Христијан Мицкоски, а вечерва целосниот список од 120 кандидати за пратеници ќе биде тема на дебата на седници на извршен и централен комитет. 

Веќе се шпекулира дека на листите ќе се најдат повеќемина од актуелната пратеничка група на опозициската партија, но официјална потврда се очекува в сабота на најавената промоција на кандидатите. Мицкоски најави позитивна кампања, од противкандидатите очекувал клевети и опструкции, но сепак очекувал победа за Силјановска и ВМРО-ДПМНЕ.

Победа очекува и спротивниот табор - најавено е дека в недела ќе ја презентираат партиската програма со која ќе влезат во изборната трка. Лидерот на СДСМ Димитар Ковачевски негира дека за листите во неговата партија имало несогласувања, како што се шпекулираше за време на нивните партиски состаноци кога ги гласаа минатиот викенд.

Покрај СДСМ и ВМРО-ДПМНЕ, свои листи најави Европскиот фронт предводен од ДУИ, албанската опозиција на Касами, Гаши и Меџити - „ВРЕДИ“, Левица, Движењето „ЗНАМ и Коалиција „Храбро“.

Дел од нив деновиве ги претставија носителите, а крајниот рок за доставување на целосните листи во Државната изборна комисија е вторник, 2 април.

Зголемен број хоспитализирани деца во кумановска болница

Зголемен е бројот на хоспитализирани пациенти на детското одделение во општата болница Куманово, информираа денеска надлежните од јавната здравствена установа.

Најголем процент на хоспитализираните се деца заболени од вируси, но и дечиња кои имаат алергиски реакции, неколкумина се заболени од „голема кашлица“.

Болнички се лекуваат 20 деца, дневно на одделението има и по 50-тина деца од новороденчиња до десет години. Оние со потешка клиничка слика, пневмонии се хоспитализирани, останатите со полесна клиничка слика се лекуваат на дневна болница.

- Пролетната сезона почна и се зголемува бројот на деца кои имаат вируси и алергиски реакции. Во моментов имаме и деца заболени од „голема кашлица“-пертусис, изјави началничката на детското одделение д-р Ферихан Бајрами.

Родителите ги носат децата и барата помош од педијатрите за зголемена телесна температура, кашлица која прогресира во потешки компликации, со опструкции, пневмонии.

- Последно време имаме дечиња заболени од пертусис. Најголем процент се деца на училишна и предучилишна возраст, но и новороденчиња кои поради возраста не можат целосно да бидат вакцинирани, ниту со прва, ниту со втора доза. Ако родителите забележат покачена температура, кашлица, веднаш да се извршат испитувања и ПЦР метода за пертусис што се прави во лабораторијата и веднаш да се изолира детето и да се почне со соодветна терапија, вели докторка Бајрами.

И алергиските реакции предизвикуваат проблеми кај децата. Симптомите појаснува педијатарот се кивање, кашлица која е сува и надразнителна, бистра носна секреција, затнато носе, чешање на нос и очи.

- Во моментов се инхалаторни полен, цветови, прашина. Потребно е да се направат алерголошки испитувања. И во болницата нудиме таков тест преку крв, кажа Бајрами.

Педијатрите препорачуваат здрава, балансирана исхрана, внес на витамини. Одделението е добро екипирано и можат да се справат со зголемен број на заболени деца.

Приведено и трето лице за убиството на лекарот од Железара

Трето лице е приведено под сомнение дека е поврзано со убиството на докторот од скопска Железара. 

Се уште трае распитот на двете лица кои вчера биле приведени во врска со убиството на лекарот од скопска Железара, додека трае распитот имало и претрес во домовите на приведените за поврзаност со убиството, потврдуваат од Јавното обвинителство за Канал 5. Вчера министерот за внатрешни работи Тошковски изјави дека има осомничени и дека во текот на денешниот ден ќе има повеќе информации.

Министерот посочи дека се презмени 20 истражни дејствија и дека се прегледани се снимките на над 50 камери и видео записи. Според првичните наоди, мотивот за убиството не е поврзан со професијата на убиениот.

Шеесет и седумгодишен лекар минатата недела беше пронајден избоден до смрт со девет убоди во неговиот автомобил паркиран пред поликлниката Железара каде имал приватна ординација во поликлиниката „Железара“.

Докторот во автомобилот бил пронајден од неговите синови кои заминале на работното место на нивниот татко бидејќи не се вратил од работа по завршувањето на втората смена во ординацијата.

притисни ентер