Македонија

Бугарија прати авион со кој во бугарските болници ќе се превезат петмина тешко повредени

По наредба на премиерот Росен Жељазков, авион Спартан на бугарското воено воздухопловство отпатува за Република Македонија кој во бугарските болници ќе превезе пет лица тешко повредени во пожарот во градот Кочани, соопшти бугарската Влада.

Во авионот патуваат бугарски медицински тимови, составени од лекари на интензивна нега и специјалисти за изгореници.

Повредените ќе бидат примени на специјализирани одделенија за изгореници во болниците во Софија и Варна.

Дополнително, итно е ставена во готовност клиничката база во болниците во Софија, Варна и Благоевград за да се примат повредени лица доколку има потреба. Бугарските болници се подготвени да примат уште повредени по координација со властите на Република Македонија, информира Владата во Софија.

Тагови: кочани

Свет

Осомничениот за убиството на рускиот генерал Москалик тврди дека бил платен од Украина

Руските власти денеска соопштија дека осомничениот за убиството на рускиот генерал во Москва, Игнат Кузин признал дека го платила украинската безбедносна служба. Кузин призна вина по обвиненијата за тероризам.

Рускиот истражен комитет соопшти дека Кузин призна дека бил платен да го елиминира генерал-потполковникот Јарослав Москалик.

Заменик-началник на Главната оперативна дирекција на Генералштабот на руската армија, Москалик загина на 25 април во Москва откако во неговиот автомобил беше поставена бомба.

Украинските власти сè уште не го коментираа нападот.

Тагови: Москалик убиство

Свет

Рубио: Наскоро треба да биде постигнат мировниот договор помеѓу Русија и Украина

Американскиот државен секретар Марко Рубио денеска изјави дека е потребно наскоро да се постигне мировен договор помеѓу Русија и Украина.

- Не можеме да продолжиме да посветуваме време и ресурси на тоа, ако не се реализира, истакна Рубио.

Но, тој не прецизира колку администрацијата на Доналд Трамп е подготвена да чека на резултатите од преговорите.

- Минатата недела беше посветена на тоа да откриеме колку овие страни се навистина блиски и дали се доволно блиски за да заслужат вложување на нашето време како посредник, посочи Рубио.

Тагови: Марко Рубио

Македонија

Македонците во Бугарија го чествуваа Јане Сандански, порачаа дека ќе се борат за своите права

Со порака дека ќе се борат за своите права, припадниците на македонската заедница во бугаРија денеска го чествуваа споменот на Јане Сандански, еден од најголемите македонски револуционери.

Стојко Стојков од ОМО Илинден Пирин за Канал 5 вели дека ваквиот вид на настани ќе продолжат и во иднина, а иако имало најави, сепак одбележувањето поминало без инциденти.

Со него разговараше Јован Ѓорговски.