Бугарија конечно доби нова влада на чело со Денков - Канал 5

Балкан

Бугарија конечно доби нова влада на чело со Денков

Бугарскиот парламент денеска ја потврди проевропската влада, која е резултат на тешките преговори меѓу двете најголеми партии, по повеќе од две години нестабилност и пет избори во таа балканска земја.

Бугарија конечно доби нова влада на чело со Денков

Новата влада, главно составена од експерти предводени од научникот Николај Денков, лесно доби одобрение од парламентот, каде има 132 од 240 пратенички места. Денков, во своите шеесетти, поранешен министер за образование, избран од либералната реформистичка коалиција ЦК/БД, ќе биде премиер девет месеци.

Во работата ќе му помага поранешната еврокомесарка Марија Габриел, која беше предложена од конзервативната партија Герб. 44-годишната функционерка ќе го води одделот за надворешни работи додека не го преземе кормилото на владата во март 2024 година.

Двете политички сили, врзани на парламентарните избори на 2 април, објавија на 22 мај дека постигнале договор со кој ставиле крај на политичката криза што не била видена од падот на комунизмот во 1989 година.

Но, поранешните премиери и ривали Бојко Борисов (Герб) и Кирил Петков (ЦК) решија да го остават своето несогласување настрана поради катастрофалната ситуација во која се најде земјата, членка на ЕУ и НАТО.

Нив ги обединува проевропскиот став во однос на војната во Украина, иако земјата, длабоко поделена, е историски блиска до Москва. Нивната политика, значи, мора да се дистанцира од политиката на преодните влади, кои за време на мандатот на претседателот Румен Радев, познат русофил, не сакаа да испратат директна воена помош во Киев.

Последниот ја критикуваше таа коалиција во парламентот, повикувајќи ја „да не ги изневерува државните интереси“. Меѓу приоритетите на новата влада е и гласањето на буџетот, кое доцни поради политички спорови. За министер за финансии и европски фондови е назначен Асен Василев, образован на Харвард.

Новата влада, исто така, сака да го реформира судството со цел подобра борба против корупцијата и си постави за цел што поскоро да влезе во еврозоната и Шенген зоната на слободно движење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда,  Џенифер Лопез во исхраната и рутината за вежбање за да изгледа  вака супер на 57 години.

Фото: Џеј Ло во тесно трико ги истакна облините

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“. 

Видео-фото: Најпознатата плус сајз манекенка гордно го покажа телото: Вака изгледа мојот живот

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

Еврото падна на најниско ниво во однос на доларот во последните 17 месец

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер