Бугарија ја утврди позицијата и условите за поддршка на Македонија - Канал 5

Македонија

Бугарија ја утврди позицијата и условите за поддршка на Македонија

Софија ги зацементира позициите пред финалната одлука на Брисел. 

Бугарија ја утврди позицијата и условите за поддршка на Македонија

Бугарија ќе каже „да“ за почеток на преговори на Македонија следната недела, но ќе постави долг список услови, кои земјава ќе мора да ги исполни пред воопшто да почне да преговара. На заедничката пресконференција, и шефицата на дипломатијата Захариева и вицепремиерот Каракачанов, порачаа дека патот до членство на земјава во Унијата ќе биде поплочен со низа бугарски критериуми, долж сите 35 преговарачки поглавја.

-Да се воздржи од спроведувањето на политика, независно во каква форма, која поддржува и поттикнува претензии за признавање на македонско малцинство во Бугарија. Теба да ги отстрани текстовите од таблите и натписите на спомениците и спомен плочите и објектите, кои промовираат омраза кон Бугарија. Исто така настојуваме за јасен распоред за промена на учебниците по Историја, Бугарски јазик, Географија, изјави Екатерина Захариева, министер за надворешни работи на Бугарија

-Пред за се закаже превата меѓувладина конференција, Македонија треба да ги исполни овие услови и тоа ќе зависи од тоа дали ќе биде закажана таква меѓувладина конференција и кога. Пред втората меѓувладина конференција има друг пакет од услови, вели Красимир Каракачанов, вицепремиер на Бугарија.

Дека бугарската поддршка не е безусловна повтори и претседателот Радев. Тој како што пренесоа бугарските медиуми, денеска изјавил дека очекува македонскиот колега Пендаровски да ја посети Софија. Не мора да има напредок на Комисијата за историски прашања, за тој да дојде во Бугарија, рекол Радев, посочувајќи дека улогата на политичарите е да ги приближат позициите во тешки периоди.

-Политичарите имаат одговорност од двете страни да бараат поводи кои не приближуваат, а не кои не разделуваат, изјави Румен Радев, претседател на Бугарија.

Од Кабинетот на Пендаровски за Канал 5 потврдуваат дека покана од Радев до македонскиот претседател е испратена од поодамна и дека двата кабинета го утврдуваат датумот кога таа посета ќе се оствари.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Поранешниот претседател на Јужна Кореја е осуден за лажење во изборната кампања

Јужнокорејскиот суд денеска го осуди поранешниот претседател Јун Сук Јеол на 18 месеци затвор,условно на три години, откако го прогласи за виновен за кршење на изборниот закон со давање лажни изјави за време на претседателската кампања во 2022 година.

Поранешниот претседател на Јужна Кореја е осуден за лажење во изборната кампања

Доколку пресудата биде потврдена по жалба, може да ја принуди партијата на Јун да врати околу 27 милиони долари, или 39,7 милијарди јужнокорејски вони, што ги доби од Националната изборна комисија по неговата претседателска победа.

Лажни изјави во кампањата

Централниот окружен суд во Сеул утврди дека Јун дал лажни информации двапати за време на кампањата, помеѓу декември 2021 и јануари 2022 година.

„Кога кандидатот лично објавува лажни информации на јавни настани со големо влијание, како што се дебати и интервјуа, влијанието врз донесувањето одлуки на гласачите е многу значајно“, рече судот во својата пресуда.

Обвинителите побараа двегодишна затворска казна, додека Јун, кој негираше какво било кривично дело, планира да поднесе жалба на пресудата, рече неговиот правен советник.

Партијата би можела да изгуби милиони

Според изборниот закон на Јужна Кореја, политичките партии добиваат државна компензација за трошоците за кампањата ако нивниот претседателски кандидат победи или добие најмалку 15 проценти од гласовите.

Доколку кандидатот последователно добие затворска казна или парична казна од најмалку еден милион јужнокорејски вони, партијата мора да ги врати примените средства.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Коњаниците тргнаа кон Крушево- почна 48. Илинденски коњички марш

Околу 40 коњаници, меѓу кои и пет девојки, попладнево, од дворот на црквата „Св. Петар и Павле“ во Горно Лисиче, тргнаа кон Крушево.

Коњаниците тргнаа кон Крушево- почна 48. Илинденски коњички марш

Околу 40 коњаници, меѓу кои и пет девојки, од дворот на црквата „Св. Петар и Павле“ во Горно Лисиче, тргнаа кон Крушево, продолжувајќи ја речиси петдецениската традиција посветена на чествувањето на Илинден и на македонските херои.

– На 31 јули, коњаниците од Горно Лисиче ќе се обединат со учесниците од Свети Николе, Кичево и Битола, испраќајќи силна порака за единство, почитување на традицијата и зачувување на македонското историско наследство – информира прес-службата на Општина Аеродром.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Коментарот на Халанд на сопствената статуа е хит на мрежите (ВИДЕО)

Уметник познат како Џеј Клејот создаде глинена скулптура на Ерлинг Халанд, а видеото брзо стана вирално на социјалните мрежи. 

Коментарот на Халанд на сопствената статуа е хит на мрежите (ВИДЕО)

Видеото го забележа самиот норвешки фудбалер и тој реагираше со коментар од еден збор.

Коментар на Халанд од еден збор

Откако видеото се прошири на социјалните мрежи, Халанд го забележа и остави кратка порака во коментарите: „Убаво“. Тој краток одговор го воодушеви и авторот на скулптурата и илјадниците фудбалски фанови. Се чини дека уметникот очекувал токму тоа, шегувајќи се напиша покрај видеото: „Поминуваш часови правејќи фигура, а потоа еден човек по име Ерлинг само коментира „убаво“. На крајот, токму тоа се случи.

Интернет феномен на коментарите на Халанд

Реакцијата на Халанд е дел од самосоздаден интернет феномен во последниве години. Напаѓачот на Манчестер Сити е познат по тоа што остава многу кратки коментари на социјалните мрежи, обично само „Убаво“ и повремено „Не е убаво“. Неговите одговори се појавуваат на сè, од фудбалски резимеа до вирални видеа кои немаат никаква врска со спортот.

Овој начин на коментирање стана многу популарен на Инстаграм и ТикТок, па корисниците сега намерно го тагираат Халанд во своите објави со надеж дека ќе го привлечат неговото внимание. Она што започна како серија обични коментари на крајот се претвори во интернет шега што самиот Халанд ја прифати.

Неговото „Убаво“ можеше да се види под преработки на навивачки песни, спортски мемиња, но и на објавата за роденденот на неговата девојка. Така, тој збор стана негов препознатлив интернет потпис.

Тагови: Халанд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер