Мотивите за нападот се уште се истражуваат, а наводно меѓу нив избила расправија која во комбинација со алкохол довела до претепување и смрт кај момчето.

Видеото е објавено на Фејсбук, а пред администраторите да го отстранат било погледнато од речиси 250.000 лица.

Очигледно е Фејсбук има голем проблем – преносот на брутални насилства во живо.

Иако во оваа компанија изјавуваат дека имаат тим кој е достапен 24 часа на ден и кој реагира по пријава за насилни снимки, некои од снимките останале достапни многу подолго, една од нив дури цели две недели.

Снимката со насилството од Словенија не е изолиран инцидент, туку тренд кој се шири низ светот, пишува „Index.hr”.

Четири лица од Чикаго во почетокот на оваа година киднапирале лице со посебни потреби, го врзале и му ја затнале устата.

Пиеле, пушеле цигари, се смееле и го навредувале Трамп, а попатно ја тепале жртвата. Според изјавите на полицијата, еден од напаѓачите ја познавал жртвата, а нападнатиот веројатно бил држен во изолација 48 часа.

На снимката се прикажува како напаѓачите ја кинат облеката на својата жртва која има само 18 години. Потоа му истураат пепел од цигари, го удираат со нозе по глава и му ја сечат косата и дел од темето со нож.

Еден од случаите кој предизвика лавина негативни реакции за платформата на пренос во живо е самоубиството на 12 годишното девојче Кејтлион Никол Дејвис од Седартаун

Таа своето самоубиство го изврши во пренос во живо преку апликацијата Live.me, а тоа видео стана вирално и се прошири и на другите социјални мрежи.

Јутуб и Фејсбук после поплаките од корисниците и молбата од полицијата го отстраниле видеото, а некои други социјални мрежи не се согласиле на тоа бидејќи заработувале од прикажувањето реклами кои се пуштале заедно со видеото.

Видеото пред отстранувањето од Фејсбук, било достапно речиси две недели.

Никол во почетокот на видеото опишала како сексуално ја злоставувал член на семејството, за потоа да се обеси во дворот додека снимала камерата.

Во Шведска уапсени се тројца мажи кои нападнале 31 годишна жена во Упсала. Жртвата била речиси без свест, додека еден од уапсените и ја соблекувал облеката и легнал врз неа. Видеото е емитувано во една затворена Фејсбук група, а го пријавила Џозефин Лундгрен, член на групата која го видела тоа.

На крајот на снимката еден од напаѓачите и рекол на жртвата:„Само што беше силувана. Тројца против една, ха ха ха“.

После тоа видео, снимено е и видео на кое тројцата мажи ја тераат жртвата да изјави како не станува збор за силување и токму тоа видео е емитувано во живо во моментот кога на местото на злосторот упаднала полицијата и ги привела тројцата сторители.

Полицијата им се заблагодарила на сите кои реагирале и го пријавиле видеото.

Наведените приказни се само дел од насилствата кои секојдневно завршуваат на Фејсбуј и сличните платформи кои овозможуваат емитување во живо.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.