Брук Шилдс за јавната караница со Том Круз - Канал 5

Шоу биз

Брук Шилдс за јавната караница со Том Круз

 Поминаа речиси две десетлетија откако американскиот глумец Том Круз јавно ја критикуваше супермоделката и глумица Брук Шилдс за употребата на лекови за нејзината постпородилна депресија... Сепак, таа сѐ уште не заборава како се чувствувала потоа.

Брук Шилдс за јавната караница со Том Круз

Во своите нови мемоари под наслов „Брук Шилдс нема дозвола да остари: Мисли за стареењето како жена“ (Brooke Shields Is Not Allowed to Get Old: Thoughts on Aging as a Woman), манекенката се навраќа на јавното препукување од 2005 година, коешто почна кога познатиот нејзин колега и скиентолог ѝ ги упати острите критики, означувајќи ја како „неодговорна“ за земањето антидепресиви по раѓањето на нејзиното прво дете. Тој тогаш, имено, рече:

- Не постои такво нешто како хемиски дисбаланс. Она што го велам за Брук е дека е жртва на лажни информации. Таа не ја разбира историјата на психијатријата.

Осврнувајќи се на тоа, Шилдс во мемоарите се потсмева со ставот на Круз, велејќи дека е „интересно мислење што доаѓа од некој без јајници“, како што пишува. Таа вели дека тој личен напад кон неа ја оставил „вџашена“, па шокот бил доволен за да не молчи.

„Доколку Том јавно 'ме жигнеше' пред да станам мајка, веројатно ќе молчев... Ќе го игнорирав неговото смешно 'млатење празна слама'. Можеби и задоволна ќе седев со скрстени раце додека овој многу познат човек го зароби моето искуство за да ја зголеми својата (заблудена) агенда. Ќе бев задоволна од тоа што неговото однесување ќе зборуваше само за себе... Но, тоа Крузово 'млатење' се случи еден месец по мојот 40-ти роденден, кога конечно почнав да си ја враќам самодовербата. Бев охрабрена од животното искуство. Значи, наместо да дозволам да се претворам во боксерска вреќа - возвратив“, пишува Шилдс.

Во тоа време, Шилдс одговори со свој напис во „Њујорк тајмс“, под наслов „Војна на зборовите“ - слично како називот на тогаш новиот филм „Војна на световите“ на Стивен Спилберг, со Том Круз во главната улога.

- Коментарите како оние на Том Круз се лоша услуга за мајките насекаде. Да се говори дека згрешив што земав лекови за да се справам со мојата депресија и наместо тоа требало да земам витамини и да вежбам - покажува целосно недостиг на разбирање на постпородилната депресија и породувањето воопшто. Ако може да дојде до нешто добро од смешното „галамење“ на г-н Круз, да се надеваме дека по ова ќе ѝ го посвети многу потребното внимание на оваа сериозна болест, рекла тогаш глумицата.

Автобиографската книга на Шилдс излезе во продажба вчера, на 14 јануари. Глумицата лани беше актуелна со комедиите „Грејси и Педро“ и „Мајката на невестата“./МИА

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Камен се продава за 5.000 евра за еден грам- се наоѓа во поле, а некои вредат колку стан

На прв поглед, може да изгледа како сосема обичен камен, парче карпа, кое некој би го оставил на земја или би го фрлил настрана без многу размислување.

Камен се продава за 5.000 евра за еден грам- се наоѓа во поле, а некои вредат колку стан

Сепак, она што е скриено во неговото потекло и состав може да го претвори во предмет од голема вредност, за кој колекционерите се подготвени да издвојат богатство.

Не секој вреди богатство

Највредните примероци можат да достигнат цена од неколку илјади евра за само еден грам, што ги прави поскапи од златото. Значи, во зависност од неговите карактеристики и тежина, може да вреди колку еден стан.

Станува збор за метеорити - фрагменти од вселенски тела кои го преживуваат преминот низ атмосферата на Земјата и стигнуваат до површината на нашата планета.

Според Medium.cz, најретките примероци на колекционерскиот пазар можат да достигнат цена од дури 5.000 евра за грам!

Секако, не секое такво откритие вреди богатство. Цената зависи од бројни фактори, вклучувајќи го потеклото, хемискиот состав, зачувувањето и околностите под кои е пронајден фрагментот.

Според специјализираната веб-страница Astro.cz, меѓу особено интересните примероци се „метеорити со позната траекторија“.

Станува збор за метеорити за кои научниците, врз основа на инструментални набљудувања, биле во можност да ја одредат траекторијата на нивното матично тело низ Сончевиот систем пред да влезе во Земјината атмосфера.

Ваквите откритија се исклучително ретки. Во светски рамки, до 2018 година, биле познати приближно 30 вакви примероци.

Законот се разликува во зависност од земјата

Фрагментите што потекнуваат од Месечината или Марс, исто така, можат да достигнат особено високи цени. Нивното потекло и научно значење ги прават особено привлечни за колекционерите, па затоа некои примероци се продаваат за износи што достигнуваат вртоглави вредности.

Конечно, треба да се спомене дека законот што ја регулира сопственоста на ваквите откритија е важен за пронаоѓачите, објавува Observator News.

Правилата варираат од земја до земја. Во Германија, прописите зависат од сојузната држава, а во одредени случаи државата може да го побара правото на наоди од посебно научно или културно значење.

Во Словачка, метеоритите наводно се сметаат за државна сопственост, па затоа пронаоѓачите не можат едноставно да ги задржат.

Експертите препорачуваат секој што ќе најде метеорит да го пријави тоа кај властите. Регистрирањето на фрагментот во професионална база на податоци може да помогне да се утврди неговото потекло и научно значење, а потенцијално и да се зголеми неговата вредност на колекционерскиот пазар.

Тагови: камен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Голем собир на студентите во центарот на Белград- говорниците на бината носеа Устав на Србија (ВИДЕО)

Завршниот предизборен митинг на студентската листа „Студенти побеѓују“, под името „Победата повикува“, започна вечерва на плоштадот Славија во Белград.

Голем собир на студентите во центарот на Белград- говорниците на бината носеа Устав на Србија (ВИДЕО)

Во 18 часот, плоштадот веќе беше полн, а толпата палеше факели и светла на своите мобилни телефони и извикуваше „Вучиќ го нема“.

„За 150 години, некој ќе каже: Промената започна тука!“

Говорите во Славија завршија со песната „Марш на Дрина“. Кандидатите ја напуштија сцената држејќи го Уставот на Србија.

„Нашите мандати ќе бидат во ваши раце, во рацете на народот. На 25 октомври, Србија победува! И знаете ли зошто? Затоа што студентите победуваат!“, рече првиот кандидат на листата, Илија Срдановиќ.

Пред него, студентката Наталија Степановиќ рече дека тие можат да ги исполнат студентските барања „само со промена на владата“. Таа исто така рече дека за 150 години некој ќе каже: „Тие беа тука и промената започна тука!“

Тагови: Белград

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Први снимки од разодниот земјотрес од 7 степени во Кина: Луѓето бегаат во паника (ВИДЕО)

Првите снимки од земјотресот што го погоди кинескиот регион Тибет почнаа да се појавуваат на социјалните мрежи, додека се очекуваат подетални информации за последиците од земјотресот.

Први снимки од разодниот земјотрес од 7 степени во Кина: Луѓето бегаат во паника (ВИДЕО)

Според претходните извештаи, земјотресот го погодил подрачјето на округот Бакен во регионот Нагку, а неговите силни потреси предизвикале паника кај жителите, објави ДПА.

Според достапните информации, земјотресот имал магнитуда од 7,0 степени, а епицентарот бил на релативно мала длабочина, што може да го зголеми неговото влијание во околното подрачје. Сепак, во моментов нема сигурно потврдени податоци за бројот на можни жртви или обемот на материјалната штета.

Надлежните служби ја следат ситуацијата, додека се очекуваат нови информации од терен.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер