Бројот на заболени во Турција надмина 300.000, докторите се сомневаат во податоците

Вкупниот број нови инфекции со коронавирус во Турција денеска надмина 300 000, соопшти Министерството за здравство на земјата, додека властите се обидуваат да го спречат новото брзо ширење на инфекцијата, а лекарите се сомневаат во официјалните бројки

Турското Министерство објави дека се регистрирани 1538 нови случаи на инфекција во последните 24 часа, а имало вкупно 301.348 од почетокот на ширењето на ковид-19. Бројот на смртни случаи од оваа болест се зголеми за 68, на 7445.

Претседателот Реџеп Таип Ердоган вчера рече дека владата треба да ги засили епидемиолошките мерки за да го спречи зголемувањето на новите случаи на инфекција.

Новиот значителен пораст на бројот на заразени во Турција предизвика тензии меѓу лекарите кои велат дека официјалните податоци го минимизираат ширењето на болеста и политичарите кои ги обвинуваат здруженијата на здравствени работници за поткопување на напорите за борба против епидемијата.

Дневно се пријавуваат околу 1.600 нови инфекции и 60 смртни случаи, што е значително помалку отколку во екот на епидемијата во април, но тие бројки стабилно растат и просечниот дневен биланс на смртни случаи сега е трипати поголем отколку во јуни-август.

Лекарите во Турција носеа црни панделки оваа недела во спомен на нивните мртви колеги, а протестот вклучува кампања на социјалните мрежи со порака до владата: „Вие не знаете како да управувате со кризата: исцрпени сме“.

Многу лекари се сомневаат во официјалниот број на заразени лица и починати од ковид-19, тврдејќи дека иако немаат свои независни податоци за целата држава, размерот што го гледаат на локално ниво не е во согласност со пошироката слика претставена од владата.

Кампањата на лекарите предизвика остра реакција на сојузникот на Ердоган во парламентот, кој ги обвини за предавство и повика на затворање на медицинските здруженија.

„Турското лекарско здружение е исто толку опасно како коронавирусот и шири закани“, напиша на Твитер Девлет Бахчели од Националистичкото движење. Партијата на правдата и развојот на Ердоган (АКП) го задржува мнозинството во парламентот благодарение на сојузот со оваа партија.

„Здружението на лекари, кое го има зборот„ турски “во своето име, треба да биде затворено веднаш и без одлагање“, рече Бахчели.

Министерот за здравство Фахретин Коца ги отфрли критиките на здружението, велејќи дека тој постојано предупредувал на заканата од пораст на бројот на нови инфекции и не ги потценувал предизвиците со кои се соочуваат болниците.

„Велам дека ситуацијата е проблематична. Велам дека бројот на критични случаи е зголемен за 100 проценти во споредба со минатиот месец“, рече тој пред новинарите.

„Бројот на починати е 4,5 пати поголем од минатиот месец, но апсолутно нема грешка во податоците што ги објавивме во врска со оптоварувањето на здравствениот систем“, рече турскиот министер.

Денеска времето ќе биде променливо обчачно со повремени врнежи од дожд

Дденеска времето ќе биде променливо обчачно со повремени врнежи од дожд, особено во попладневните часови.

Во источните делови на места врнежите ќе бидат поројни и проследени со грмежи. Во западните делови ќе дува слаб до умерен западен ветер. Минималната температура ќе биде во интервал од 5 до 11, а максималната ќе достигне од 15 до 21 степен.

Во Скопје претпладне облачно со врнежи од дожд, попладне променливо облачно. Минималната температура ќе се спушти до 9, а максималната ќе достигне 19 степени.

Во следните денови се очекува период на претежно стабилно време, освен во среда кога во јужните делови ќе има услови за локален дожд.

Дневен хороскоп за 25.октомври 2020 година

Дневен хороскоп за недела ,25.октомври 2020 година. 

Шкорпија 24.10-22.11.

Љубов

Ќе се обидете уште повеќе да се зближите со личноста што ја сакате. Во тоа ќе ви помогне вашиот внатрешен глас , како и сексот.

Кариера

Многумина за време на работењето ќе осмислуваат нов проект , што сеуште нема конкретни темели. Сепак , идејата ќе биде многу јасна.

Здравје и совет

Ќе ги видите работите во целост.

Стрелец 23.11.-21.12.

Љубов

Во љубовните прашања нека ве води вашата интуиција. Со нејзина помош се ќе биде подобро и полесно.

Кариера

Во работите каде што постои слободна размена на идеи , денеска би можеле да бидете брилијантни. Сите познати дејности ќе ви бидат здодевни.

Здравје и совет

Најдете златна средина.

Јарец 22.12.-20.1.

Љубов

Ќе ви недостига емотивно исполнување , но и сензационализам со кој обично ги пополнувате празнините.

Кариера

Во работењето со младите , ќе измислите нови идеи , кои целата работа ќе ја поместат чекор напред.

Здравје и совет

Помогнете им на послабите.

Водолија 21.1.-19.2.

Љубов

Она што сте го кажале , ќе има позитивно влијание. Партнерот ќе размислува за реалноста , а вие ќе бидете позадоволни.

Кариера

Ќе одработите она што мора да се сработи и тоа што можете побргу. По тоа ќе им се посветите на другите луѓе.

Здравје и совет

Излезете во природа на свеж воздух.

Риби 20.2.- 20.3.

Љубов

Кога би ги собрале сите ваши љубовни сништа , ќе увидите дека во последно време само сонувате. Спуштете се на земја.

Кариера

Климањето со глава не може никому да му користи, но ниту покренуваљње револуција не е најдобро решение. Треба да се размисли.

Здравје и совет

Успех со алтернартивните терапии.

Овен 21.3-20.4.

Љубов

Својата среќа во личниот живот ќе ја споделите со блиските луѓе. Можно е да повикате гости кои ги сакате.

Кариера

Што и да работите , денеска без грижа ќе може да се потпрете на некои колеги , како и тие на вас . Ви претстои убава соработка.

Здравје и совет

Вежбајте правилно дишење.

Бик 21.4- 20.5.

Љубов

Фазата на уживање во љубовта ќе продолжи и денеска . Имате речиси се што можете да посакате.

Кариера

Одличен ден за сите дејности во кои се бара поврзаност со луѓето и смисол за убаво. Се се одвива се подобро и подобро.

Здравје и совет

Кашлица.

Близнаци 21.5.-21.6.

Љубов

На повеќето љубовни настани вие ќе иамте некаква забелешка. Обидете се работите да ги гледате помалку строго и опуштете се.

Кариера

Нема ништо да се придвижи доколку само чекате. Треба да се покажете , да зсе јавите , да се претставите.

Здравје и совет

Некои ќе имаат преодна настинка.

Рак 22.6-22.7.

Љубов

Доколку сте решиле да бидете пољубезни , тоа нека биде искрено. Секоја измама ќе ве носи чекор наназад во односите со саканата личност.

Кариера

Доколку го проанализирате она што сте го сработиле , можете да бидете сосема задоволни. барем работата ви оди од рака.

Здравје и совет

Бидете трпеливи.

Лав 23.7-22.8.

Љубов

Ќе мора малку да се помачите за да освоите нечие срце. Доколку тоа ви е премногу тешко , почекајте.

Кариера

Можни се финансиски издатоци на кои не сте сметале. Немојте многу да се грижите , зашто се ќе се врати на друга страна.

Здравје и совет

Бидете поконкретни.

Девица 23.8.-23.9.

Љубов

Малите внатрешни превирања нема да ја загрозат вашата стабилна врска. Оние кои се сами , нека не се откажуваат од додворувања.

Кариера

Денешните финансиски планови би можеле да ја нарушат соработката со младите колеги на работното место. Најдете компромис.

Здравје и совет

Внимавајте на сопствената грубост.

Вага 24.9.-23.10.

Љубов

Оние кои успеале да воспостават поотворен контакт со лицата од работното место , денеска би можеле да ги повикаат на забава.

Кариера

Работата ќе ја одработите како зомби, а потоа ќе живнете и ќе се занимавате со спорт , забава , пријатели и љубов.

Здравје и совет

Можете да се опуштите.

РОЈТЕРС: Ердоган за Макрон - му треба лекарска помош за менталното здравје

Франција денес го повлече својот амбасадор во Турција, откако турскиот претседател Таип Ердоган рече дека на неговиот колега Емануел Макрон му е потребна психичка помош поради неговиот однос кон муслиманите.

„Бесот и навредата не се метод“, велат од канцеларијата на Макрон.

Францускиот лидер овој месец му објави војна на „исламистичкиот сепаратизам“, за кој верува дека е се поприсутен во некои муслимански заедници во Франција.

Франција е потресена од обезглавувањето на наставникот од страна на радикалниот исламист, кој сакал да се одмазди затоа што наставнкот покажувал карикатури од пророкот Мухамед на час за слобода на изразување.

.„Каков проблем има личноста наречена Макрон со муслиманите и исламот? На Макрон му треба третман на ментално ниво “, рече Ердоган во говорот во централниот турски град Кајсери.

„Што друго може да се каже за шефот на држава кој не ја разбира слободата на верување и кој се однесува на овој начин кон милиони луѓе што живеат во неговата земја и кои се членови на друга вера?“ Додаде Ердоган.

Турција и Франција се членки на НАТО, но имаа несогласувања околу прашањата меѓу кои Сирија и Либија, поморската јурисдикција во источниот Медитеран и конфликтот во Нагорно Карабах.

„Франција ги собра своите европски партнери, кои ја подржуваат во барањето Турција да запре со своите опасни авантури во Средоземното море и во регионот“, се вели во соопштението од канцеларијата на Макрон.

Ердоган има рок од два месеци да одговори или да се соочи со мерки, се додава во соопштението, истакнувајќи го отсуството на сочувство од турскиот водач по смртта на наставникот по историја минатата недела.

Турскиот претседател исто така рече на 6 октомври дека коментарите на Макрон за исламистичките закани се „јасна провокација“ и покажуваат „неискреност“, пишува „РОЈТЕРС“.

притисни ентер