Бритни реши да го гледа светот наопаку: Таквиот свет е подобар!(ВИДЕО)

Светот на пејачката Бритни Спирс (38) се преврте наопаку. Не поради движењето #FreeBritney или борбата за пари со сопствениот татко, туку затоа што Бритни буквално одеше на раце.

Таа се пофали и на својот Инстаграм, каде објави видео во кое оди неколку метри на рацете, покажувајќи завидна сила и атлетска издржливост. Видеото е снимено во природа, на непозната локација.

Покрај видеото, таа со своите речиси 25 милиони следбеници на Инстаграм ја сподели идејата дека светот наопаку е многу подобар отколку кога е на нозе.

Се чини, Бритни навистина ужива во овој потег бидејќи често споделува видеа во кои е „на дело“ и најчесто танцува, што ги забавува нејзините обожаватели.

Пејачката неодамна ги праша следбениците „дали се тие навистина среќни луѓе“. Таа, се чини среќна, иако сè уште е среде правна битка за своите пари.

Оваа борба ја следи целиот свет и од неа се дознаваат детали не само за приватниот, туку и деловниот живот на пејачката; таа неодамна во едно од своите сведочења во судот рече дека засега не планира да настапува.

Да потсетиме, Бритни се расправа со нејзиниот татко затоа што тој управува со нејзините пари. Тој имал право да го стори тоа пред нешто повеќе од десет години, поточно во 2008 година, кога таа заврши на психијатриско лекување. Тоа беше една година по нејзиното познато бричење на главата што го шокира целиот свет.

Фановите се на страната на Бритни, за што сведочи и хаштагот #FreeBritney. Неодамна, нејзиниот адвокат исто така проговори за тоа и рече дека го поддржува движењето.

ВМРО-ДПМНЕ: 500.000 граѓани во државата го минуваат денот со помалку од 130 денари

Без никаков срам СДСМ праќа соопштенија дека се справува со економските последици од коронакризата и спасува работни места кога од почетокот на пандемијата до сега над 40.000 граѓани ги изгубија своите работни места и останаа без своите приходи.<

Сето тоа се случи поради ненавремените мерки од страна на криминалната влада предводена од СДСМ да им помогне на граѓаните и компаниите за време на кризата.

Се фалат дека платите растат, а во државата околу 100.000 граѓани живеат во сиромаштија и 500.000 граѓани денот го минуваат со помалку од 130 денари.

Според Анкетното истражување на претпријатијата од страна на македонските организации на работодавачи, 27% пријавиле дека кризата со КОВИД-19 сериозно влијае врз нивното работење и пријавиле целосно затварање на фирмите. Значи, околу 14.304 микро и мали претпријатија кажале дека ќе затворат.

Во период на пандемија го зголемија и јавниот долг за 1 милијарда евра.

Без никаков срам СДСМ се дрзна да покачи даноци и давачки на граѓаните односно ја покачија сметката за струја за 7.4%.

Сето ова докажува дека со СДСМ на власт Македонија тоне во криза. Оваа криминална влада мора да си замине час поскоро. Граѓаните на Република Македонија заслужуваат подобар и поквалитетен живот.

Центар за комуникации на ВМРО-ДПМНЕ

СДСМ: Финансиска помош од 70 милиони евра за исплата на плати

 Владата предводена од СДСМ го усвои предлог-законот.

Владата предводена од СДСМ, со усвојување на предлог законот за финансиска поддршка на работодавачите за исплата на плати, продолжува со навремени и ефикасни мерки за справување со економските последици од коронакризата и спасување на работните места.

Со оваа мерка, финансиска помош во вкупна висина од 70 милиони евра ќе добијат работодавачите погодени со коронакризата, за исплата на плати за октомври, ноември и декември годинава, а поддршката ќе биде одредена скалесто согласно падот на приходите кај компаниите и ќе се движи од 14.500 денари, па се до 21.776 денари.

Компаниите што имаат намален приход од 30% до 40%, ќе добијат финансиска поддршка до 14.500 денари по вработен додека кај фирмите со пад на приходот од над 80%, поддршката за исплата на плати ќе изнесува максимални 21.776 денари по вработен.

Компаниите што аплицираат за мерката не можат да исплатуваат дивиденда и награда за деловна успешност или друг вид годишна награда до денот на исплата на платата за декември 2020 година и два месеци по користењето на финансиската поддршка нема да смеат да го намалуваат бројот на вработени.

Предлог – законот предвидува глоби до 10 илјади евра во случај работодавачот да исплати помала плата на работникот од сумата која му е доделена.

Владата предводена од СДСМ реализира мерки што спасуваат работни места и обезбедуваат помош за домашната економија и во услови на економска криза застанува зад секој поединец, зад секој приватен субјект кој е погоден од негативите последици.

СДСМ како одговорна партија продолжува со вистинска грижа за сите, за ублажување и надминување на последиците од економската криза.

Центар за комуникации со јавноста на СДСМ

Амди Бајрам ќе биде погребан денеска

Денеска ќе биде погребан лидерот на Сојузот на Роми, Амди Бајрам, кој почина вчера на 64-годишна возраст.

Погребот, како што соопшти Сојузот на Ромите, е закажан за денеска, во 14 часот во Али Пашината џамија и во 15 часот на гробиштата во Бутел во Алеата на Великаните.

-Од канцеларијата на Сојузот на Ромите на Република Македонија ве информираме со голема тага и болка дека вчера, на 24 октомври 2020 година почина нашиот сакан и почитуван претседател на партијата и долгогодишен пратеник во Собранието, се наведува во соопштението на партијата, со која раководеше Бајрам.

Министерството за здравство вчера соопшти дека кај Амди Бајрам постмортем е утврдено дека бил позитивен на Ковид-19.

МЗ изрази сочувтсво до семејството и апелира, во интерес на заштита на нивното здравје, во целост да соработуваат со надлежните служби. Дополнително, да се избегнат сите погребни ритуали, а погребот да се спроведе согласно протоколите, како превенција од натамошно ширење на инфекцијата од Ковид-19.

притисни ентер