Британските медиуми тврдат дека Олимпијадата е одложена за 2032 , Јапонците демантираат

Јапонските власти остро ги негираат гласините дека Олимписките игри во Токио нема да се одржат ниту оваа година.

Вториот бран на пандемијата силно ја погоди Јапонија, а според истражувањето на телевизијата НХК, дури 77 проценти од Јапонците сметаат дека Игрите треба повторно да се одложат или целосно да се откажат.

Times of London, повикувајќи се на неименуван јапонски службеник, денеска објави дека тамошните власти заклучиле дека Олимписките игри, кои што лани беа одложени за една година, не можат да се одржат ниту оваа година. Веста ја пренесоа бројни светски медиуми.

Јапонската влада одговори на гласините со изјава во која се тврди дека премиерот Јошихиде Суга е решен да се одржат Игрите со воведување на дополнителни епидемиолошки мерки.

„Сите наши партнери, вклучително и јапонската влада, властите во Токио, Организацискиот комитет на Игрите и Меѓународниот олимписки и параолимписки комитет, се целосно фокусирани на одржување на Игрите ова лето. Се надеваме дека нашиот секојдневен живот ќе се врати во нормала што е можно поскоро и ќе продолжиме од нас самите да подготвуваме безбедни игри “, се вели во соопштението.

Премиерот Суга вчера во парламентот рече дека „Игрите ќе бидат симбол на победата на човештвото над коронавирусот и можност да му се покаже на светот реконструкцијата на Јапонија по страшниот земјотрес и цунамито од 2011 година“, пишува Си-Ен-Ен.

Times of London објави дека Јапонците сè уште не ја објавиле својата одлука затоа што бараат чесен начин за тоа и на тој пат обезбедуваат домаќин на игрите во првиот следен слободен термин во 2032 година.

"Никој не сака да биде првиот што ќе го каже тоа, но потврдено е дека е премногу тешко да се организираат Игрите оваа година. Лично, не мислам дека тоа ќе се случи", изјавил извор за Times of London.

Сервисот на Бугати, сон за колекционерите (ФОТО)

Откако ќе дадат цело богатство за Бугати, многу колекционери трошат значителни суми на сервис.

А, кога станува збор за Бугати, тоа е огромен трошок што обичните смртници тешко можат да го сфатат, а камоли да платат. Сепак, постои една група фанови кои купуваат вакви автомобили, а потоа ги чуваат во климатизирани гаражи.

На таквите им се обраќа Бугати со новата програма Passeport Tranquillité, која опфаќа одржување на автомобилите по истекот на фабричката гаранција. Особено погодени се сопствениците на „Вејрон“, чии автомобили ќе поминат проверка по 85 точки и ќе влезат во програмата за услуги.

Можете да се избере помеѓу двегодишна и четиригодишна програма за сервис со 14 и 32 работни часа. Планот Collector е наменет за колекционери кои не ги возат автомобилите повеќе од 200 км годишно, додека другите го користат Планот за активно одржување.

Истата програма се нуди и за Chiron, и вклучува годишна услуга од 14 часа и „главна“ услуга на секои четири години по 72 часа.

Сервисната програма е веќе понудена, а цената е непозната.

Масовна забава во Амстердам како експеримент за ,,новото нормално“ (ВИДЕО)

Љубителите на забавите во Амстердам учествувале во истражувачки проект кој истовремено им служел да се одморат од карантинот воведен поради корона вирусот и да присуствуваат на првиот масовен настан по повеќе од една година.

Зиго Дом, најголемата концертна сала во Амстердам, со капацитет од 17.000 луѓе, собра 1.300 луѓе кои играа на музика на познати диџеи.

Нивните движења и контакти биле следени преку беџеви што ги носеле на вратот, со цел да се утврди како може повторно да се организираат вакви настани.

Сите гости морале да направат негативен тест за корона вирусот не постар од 48 часа, а биле поканети да бидат тестирани и пет дена по настанот, пренесува Ројтерс.

Тие биле поделени во шест групи, од кои секоја имала различни упатства за социјално дистанцирање и носење маски, како и слобода на движење низ просторот.

Владините советници ќе ги користат податоците за нивното однесување за да дадат препораки за можно ослободување на локдаунот во наредните месеци.

Филипче: Состојбата на Мицкоски е стабилна

Министерот за здравство, Венко Филичпе вели дека е стабилна состојбата на лидерот на ВМРО-ДПМНЕ, Христијан Мицкоски кој вчера објави дека се лекува на Инфективната клиника.

-Според моето стручно мислење и според информациите што ги имам, неговата состојба е стабилна, одговори кусо Филипче на новинарско прашање по пристигнувањето на правата пратка вакцини „Спутник В" на Скопскиот аеродром.

Мицкоски вчера на својот фејсбук профил упати порака до власта од Инфективната клиника.

-Ветувам дека ќе се изборам со болеста, ќе излезам од Инфективна, а потоа не чека многу работа, напиша меѓу другото Мицкоски.

притисни ентер