Живот

Британска студентка мистериозно исчезна во Камбоџа

Британската студентка , 21- годишната Амелија Бенбриџ мистериозно исчезна во Камбоџа, а последен пат била видена во средата на забава на островот Кох Ронг.

Во Камбоџа почна масовната акција за потрага по девојката со пребарување на морето, плажите и џунглата, а членовите на нејзиното семејство од Сасекс дошле на островот.

Сестрата на Амелија, Георги, изјави дека семејството е во контакт со полицијата и тие се обидуваат да останат силни, иако се многу загрижени.

Чудното исчезнување на Амелија го пријавиле нејзините пријатели откако не ја нашле на плажата. Еден од нив, Рајан Харис, рече дека не можеле да ја најдат по забавата.

„Таа секогаш се држеше до групата. Никогаш не се шеташе сама“, рече тој. Додаде дека Кох Ронг е мал остров кој може да се обиколи за околу два или три часа.

„Можеби ќе изгубите пријател откако ќе излезете, но ќе го видите за околу дваесет минути или следното утро“, рече тој.

За време на забавата тој бил со друга група на друг остров, а сега рече дека многу доброволци ја барале неговата пријателка.

„Луѓето нуркаат,проверуваат низ џунглите и плажите“, рече тој, додавајќи дека полицијата испратила три екипи и дека целиот остров бил вклучен во потрагата.

Во целиот случај е вклучено и британското Министерство за надворешни работи, кое е во контакт со полицијата во Камбоџа.

Фондот Луси Блекман, кој поддржува семејства на луѓе кои исчезнале во странство, објави апел на своите страници на „Фејсбук“. Организацијата соопшти дека Бамбриџ последен пат е видена во раните утрински часови на 23 октомври, но не се вратила во хостелот Nest Beach Club , каде што престојувала.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Народен правобранител: Утре од 7:00 до 19:00 часот ќе биде отворена подрачната канцеларија во Тетово

Покрај лично во канцеларија, граѓаните ќе може да пријават повреда на нивното избирачко право и на телефонскиот број 044 344-082

Во недела ( 18 октомври ) на денот на одржувањето на предвремените избори за градоначалник на Општина Брвеница во периодот од 7:00 до 19:00 часот ќе биде отворена подрачната канцеларија во Тетово, со цел граѓаните да можат да пријават каква било повреда на избирачкото право.

Покрај лично во канцеларија, граѓаните ќе може да пријават повреда на нивното избирачко право и на телефонскиот број 044 344-082,

Народниот правобранител, правата на граѓаните ќе ги штити со преземање на итни мерки за ефективно постапување од странa на надлежните органи во изборниот процес и другите институции кои се должни да им обезбедат заштита на нивните загарантирани права.

И во оваа пригода, народниот правобранител потенцира, дека, избирачкото право е уставно загарантирано како еднакво, општо и непосредно и се остварува на слободни избори со тајно гласање и дека никој не смее да биде повикан на одговорност заради остварување на ова право, поради што не случајно повредата на слободата на определувањето на избирачите како и други повреди на избирачкото право се казниви дела.

НАРОДЕН ПРАВОБРАНИТЕЛ

Тагови: Народен правобранител

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена локална облачност.

Ќе дува слаб до умерен ветер од северен правец. Минималната температура ќе биде во интервал од 0 до 8, а максималната ќе достигне од 12 до 23 степени.

Во Скопје, сончево со мала до умерена облачност. Ќе дува слаб до умерен ветер од северен правец. Минималната температура ќе се спушти до 7, а максималната ќе достигне до 21 степен.

До средината на следната седмица времето ќе биде сончево со мала локална облачност во текот на денот. Во среда облачноста ќе се зголеми и ќе преовладува променливо облачно време, со краткотрајни сончеви периоди. Во четврток и петок ќе преовладува претежно облачно време со врнежи од дожд.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: Можна е средба со Русите во Мајами

Официјални лица од Украина, САД и Русија би можеле да се сретнат за време на самитот на Г20 во Мајами во декември.

Сепак, Вашингтон и Москва не ја потврдија средбата, изјави денес украинскиот претседател Володимир Зеленски, додавајќи дека се можни и други места.

„Средбата би можела да се одржи во САД за време на самитот на Г20. Сепак, засега нема потврда ниту од Русија ниту од САД. Може да се одржи и во некоја европска земја“, рече Зеленски во разговор со новинарите преку апликацијата „WhatsApp“.

Тој додаде дека средбата би можела да се одржи и во една од земјите од Блискиот Исток, објави Ројтерс.

„САД постојано ги споменуваат Обединетите Арапски Емирати или Саудиска Арабија“, рече Зеленски, додавајќи дека украинските преговарачи разговарале со американски претставници во петокот, но не даде детали.

Тој рече дека на Европа ѝ е потребен свој колосек за разговори со Русија, со која односите се затегнати поради војната во Украина. Групата од 20 водечки економии, во која се вклучени САД и Русија, но не и Украина, треба да одржи самит во Мајами во декември.

Тагови: Володимир Зеленски русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.