Британка ископала компир,ист како нејзиното куче(ФОТО)

Британка ископала компир што личи на нејзиното куче, а фотографиите воодушевија многумина на социјалните мрежи.

Џоан Гејџер (47) од Атерстоун вели дека му ја испратила фотографијата на нејзиниот партнер, кој коментирал дека компирот изгледа како нивното куче Дејв.

Гејџер вели дека тие не сакале да го јадат тој компир затоа што „такво ремек-дело е тешко да се најде“.

„Сè уште се смеам затоа што никогаш повеќе нема да одгледувам компири што личат на моето куче.

Џоана откри дека нивното куче страда од неизлечива болест, па овој пронајдок ги развеселил.

Таа решила да ја сподели фотографијата од компирот во неколку групи на Фејсбук , каде што станала хит. „Сите се шегуваа во коментарите дека би биле претпазливи кога копаат компири случајно да не ископаат кученце“, рече таа.

СДСМ: Секој, вклучително и ВМРО-ДПМНЕ да покаже одговорност во борбата против коронавирусот

Ззаконските измени мора да се донесат, мерките мора да се почитуваат.

Во период на есенски бран од коронавирусот потребна е максимална одговорност и посветеност на секој поединец во спречување на ширењето на заразата.

Согласно новите мерки, работното време на сите угостителски објекти е ограничено до 23 часот, освен на тие што вршат испорака, а воведено е и ограничување на капацитетот на патници во возилата на јавниот превоз на 50%.

Владата предводена од СДСМ ја прифати и препораката на Комисијата, државната и јавната администрација, општините и судовите да работа во смени, онлајн од дома или редуцирано со систем на ротации.

Владата предводена од СДСМ ги усвои и мерките со кои се предвидува носење маски на отворено, ограничување на групирање по 22 часот, како и ограничување на семејните собири. Овие мерки се проследени до Собранието кое треба да ги усвои измените на Законот за заштита на населението од заразни болести.

Но во време кога се соочуваме со нов бран на коронавирусот, кога и кај нас,но и во регионот и во европските земји бројот на заразени секојдневно расте, ВМРО-ДПМНЕ повторно прави се за да ги одолговлекува мерките важни за справување со пандемијата.

Нивните обиди за деструкција и блокирање на законските измени е смислен и тенденциозен обид за дневно политички поени, со што директно се загрозува јавното здравје. Христијан Мицкоски и ВМРО ДПМНЕ, повторно докажуваат дека последно за што се грижат е здравјето на граѓаните.

Нема време за одложување. Ситуацијата со коронавирусот е сериозна и потребно е брзо делување, конструктивност и соработка.

Здравјето на граѓаните е пред се. Законските измени мора да бидат донесени, мерките и задолженијата мора да бидат почитувани од сите. Само на тој начин ќе го заштитиме јавното здравје и побрзо ќе ја надминеме заканата од коронавирусот.

Центар за комуникации со јавноста на СДСМ

Во Грција се воведува полициски час во Атина и други жаришта

Грчкиот премиер Кирјакос Мицотакис објави воведување полицискиот час од 30 минути  по полноќ до 05:00 часот наутро во регионите најсилно погодени од новиот коронавирус како и носење маски на отворено.

Во телевизиско обраќање Мицотакис нагласи дека ќе се воведе ноќен полициски час во областите што припаѓаат на нивоата три и четири со ризик како што се Атина, Солун, Јанина, Закинтос и други жаришта.

Во Грција вчера беа регистрирани 882 инфицирани од коронавирусот од дргите земји во регионот во Босна и Херцеговина беа регистрирани 999 новозабоолени, во Бугарија 1595 , а во Словенија 1 663.

Честитка од Претседателот Пендаровски по повод 23 Октомври

Претседателот Стево Пендаровски упати честитка до граѓаните по повод 23 Октомври – Денот на македонската револуционерна борба. 

Во рамки на одбележувањето на државниот празник, делегации од Кабинетот на Претседателот на Република Македонија денеска положуваат свежо цвеќе пред споменикот на Гоце Делчев во Градскиот парк во Скопје и Спомен куќата на Петар Поп Арсов во с. Богомила. Во продолжение го проследуваме интегралниот текст на честитката од претседателот Пендаровски.

Почитувани сограѓани,

Ви го честитам 23 Октомври - Денот на македонската револуционерна борба. На овој ден се потсетуваме на основоположниците на македонското револуционерно движење, кои беа водени од праведни идеали и принципи што, во нашиот регион, беа пред своето време. Тоа беа идеали за слободна македонска република, втемелена врз демократски принципи, во која ќе има соживот меѓу различните етнички, верски и јазични заедници. На нив се надоврзаа илинденците и антифашистите кои се бореа и се изборија за нашата слобода и државност.

Денес, 127 години подоцна, наша генерациска должност не е само да ги чуваме придобивките на нашите предци, туку и да го направиме следниот чекор. Да ја градиме Република Македонија во напредна европска држава со функционални и одговорни институции, со владеење на правото и со слободно и инклузивно општество.

Годинава, празникот го одбележуваме во услови на глобална пандемија со КОВИД-19, која нè потсети колку е испреплетена нашата судбина и колку ние луѓето сме ранливи, независно од нашите етнички, верски, политички и социјални разлики. Овој предизвик што ги надминува нашите разлики е истовремено и можност преку солидарноста да постигнеме граѓанско помирување кое ни е толку непходно. Солидарноста мора повторно да стане наша врвна индивидуална и општествена доблест. Само ако се грижиме едни за други, само ако државата се грижи за секој свој граѓанин, ќе има надеж за Република Македонија.

Нека ни е честит 23 Октомври!

Стево Пендаровски

притисни ентер