Денеска таму беа нејзините синови Вилијам и Хари , заедно со Кејт Мидлтон . Меморијалниот центар е изграден по повод трагичната несреќа во Париз на 31- ви август 1997 , кога загина Британската принцеза Дајана заедно со нејзиниот пријател Доди ал Фајед .
Засега не се најавуваат официјални настани поврзани со смртта на принцезата , освен изложбата со нејзините лични предмети поставена во Бакингамската палата .
Лејди Дајана беше омилена меѓу народот без оглед што пет години пред смртта се разведе од принцот Чарлс . Британската кралица , сепак дури по неколку дена од смртта на Дајана , притисната од јавноста и од тогашниот премиер Тони Блер даде изјава за смртта на нејзината снаа.
На 30 – ти август пред 20 години , Дајана со нејзиниот љубовник , египетскиот милионер Доди Ал Фајед тргнеле на вечера , но биле спречени да одат во омилениот ресторан во близина на Елисејските полиња , па заминале на вечера во хотелот Риц.
По вечерата , следени од папараци , двојката заедно со возачот и телохранителот заминале кон ноивниот дом и 25 минути по полноќ Мерцедесот се забил во столб на подземниот тунел . Доди и возачот загинале на самото место , а Дијана починала во болница по четири часа .
Телохранителот е единствен што ја преживеа несреќата , за која цели десет години се водеше истрага . Конечно судот пресуди дека се виновни пијаниот возач , кој освен под дејство на алкохол возел и дрогиран со над 100 километри на час , како и папараците кои го следеле автомобилот .
Погребот на Дајана се одржа на 6. септември во семејната гробница Алторп на нејзиното семејство Спенсер .
На последното испраќање пред Вестминстерската палата беа насобрани неколку милиони луѓе , а преносот од погребот го следеа 2 милијарди луѓе низ целиот свет.