Свет

Британија открива мрежи за перење пари кои ја поврзуваат земјата со Русија

Мрежа за перење пари вредна милијарди долари, која оперирала на територијата на Обединетото Кралство, наводно купила контролен удел во една киргистанска банка со цел да се олесни избегнувањето на санкциите.

Мрежа за перење пари вредна милијарди долари, која оперирала на територијата на Обединетото Кралство, наводно купила контролен удел во една киргистанска банка со цел да се олесни избегнувањето на санкциите и да се поддржи руската војна во Украина, објави денеска Националната агенција за борба против криминалот (НАБК) на Велика Британија.

Во ажурирање на меѓународната истрага за руските мрежи за перење пари, наречена „Операција Дестабилизација“, НАБК нагласи дека го истакнува обемот на мрежите кои се разбиваат, а кои претвораат готовина од уличниот криминал во криптовалута и го поврзуваат локалниот пазар на дрога со организираниот криминал и активностите спонзорирани од државата.

НАБК и Министерството за финансии на САД минатиот декември ги ставија во фокус TGR и Smart, две мрежи за кои се тврди дека биле користени од богати Руси за да ги избегнат санкциите. Лондон соопшти дека овие мрежи переле готовина за шверцери на дрога, криминалци и шпиони преку шема на размена „готовина за крипто“.

Во рамки на глобалната акција, НАБК и нејзините партнери за спроведување на законот во земји како САД, Франција, Шпанија и Ирска, досега имаат уапсено 128 лица. Повеќе од 25 милиони фунти (33 милиони долари) во готовина и криптовалута досега се запленети само во Британија, објави НАБК.

Министерството за финансии на САД во декември минатата година соопшти дека вовело санкции за членови на групите, за кои се вели дека им помогнале на богати Руси да користат криптовалути за да ги избегнат санкциите воведени по инвазијата на Украина во февруари 2022 година.

НАБК тврди дека TGR е поврзана со купување на мнозински удел во Керемет Банк, киргистански кредитор санкциониран од Соединетите Американски Држави. Министерството за финансии на САД во јануари наведе дека продажбата од киргистанското Министерство за финансии била наменета да „создаде центар за избегнување санкции“ за руските трговски плаќања.

Керемет Банк објави дека ќе ја оспори одлуката.

НАБК посочи дека уделот во Керемет Банк, за кој верува дека олеснувал прекугранични плаќања за поддршка на компании вклучени во руски сектори како што се одбраната, воздухопловството и технологијата, бил во сопственост на компанија поврзана со Џорџ Роси.

Американските и британските власти веруваат дека Роси, украински државјанин санкциониран од САД, ја предводи TGR.

- Денес можеме да го откриеме самиот обем со кој оперираат овие мрежи и да повлечеме линија помеѓу криминалот во нашите заедници, софистицираниот организиран криминал и активностите спонзорирани од државата, рече Сал Мелки, заменик-директор на НАБК за економски криминал.

Тагови: Британија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Изложба и доделување на наградата ДЕНЕС 2026 во Сули ан

Во рамки на фестивалот АКТО, денеска, 2 октомври, во Сули-ан (галерија Драгутин Аврамовски – Гуте на Факултетот за ликовни уметности во Скопје), се доделува XX Награда ДЕНЕС 2026.

Во рамки на фестивалот АКТО, денеска, 2 октомври, во Сули-ан (галерија Драгутин Аврамовски – Гуте на Факултетот за ликовни уметности во Скопје), се доделува XX Награда ДЕНЕС 2026, најзначајната и најстара независна награда во земјава за млад/а визуелен/а уметник/чка до 35 години.

Изложбата на финалистите: Јован Јосифовски, Сергеј Каленикoв и Ана Трајковска и свеченото доделување започнуваат во 20 часот, по што следи DJ сет на Мартина Пенева.

Наградата ДЕНЕС, во нов колаборативен формат, годинава носи двомесечен престој во Residency Unlimited (Њујорк) за добитникот/чката, и по едномесечен престој во Галерија „Простор" (Хартефакт, Сплит) и самостојни изложби во Скопје и Сплит (2027) за другите двајца финалисти.

Жирито го сочинуваат Натали Онгле (Residency Unlimited, Њујорк), Јелена Мијиќ (мултимедијална уметничка, Белград, добитничка на наградата „Димитрије Башичевиќ Мангелос") и Илија Прокопиев (визуелен уметник, добитник на ДЕНЕС 2011, уметнички директор на галеријата Шкуц, Љубљана). Во првиот круг на жирирање членка беше и Хиба Абид, кураторка во Њујоршката јавна библиотека и членка на комитетот за уметност и култура на градоначалникот на Њујорк.

Наградата ДЕНЕС е основана во 2002 од Центарот за современи уметности - Скопје, а од 2015 година ја организира Фaкултет за работи што не се учат во рамки на АКТО, во соработка со мрежата YVAA, Residency Unlimited и Trust for Mutual Understanding (Њујорк).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Суспендирани 448 турски фудбалски функционери

Турската фудбалска федерација привремено суспендираше 448 сегашни и поранешни клупски функционери, вклучувајќи ги претседателот на „Трабзонспор“, Ертугрул Доган, и потпретседателот на „Бешикташ“, Хакан Далтабан.

Овој потег е преземен како дел од истрагата за спортско обложување во турскиот фудбал. Од Федерацијата официјално соопштија дека сите суспендирани функционери се обложувале во текот на изминатите пет години додека извршувале функции во клубови од првата и втората лига во земјата.

Сите тие се пријавени до дисциплинската комисија на Федерацијата.

Турските медиуми известуваат дека, од 448-те суспендирани функционери, 171 биле или моментално се поврзани со клубови од највисокиот ранг на турскиот фудбал.

Турската фудбалска федерација го засили надзорот врз спортското обложување откако минатата година земјата беше потресена од голем скандал поврзан со обложување. Како дел од таа истрага, Федерацијата суспендираше 149 судии и 1.024 фудбалери на различни временски периоди.

Во посебна истрага спроведена претходно оваа недела, еден функционер и шест члена на главната судиска комисија беа приведени под обвинение за мешање во судиските процедури.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Ефес се огласи-Мајк Џејмс ја повреди Ахиловата тетива

Турскиот кошаркарски великан Анадолу Ефес се огласи – црните претчувства се потврдија турскиот евролигаш ја објави и потврди повредата на Ахиловата тетива на Мајк Џејмс

Поразот на Ефес од Црвена Ѕвезда во Белград во рамките на Евролигата падна во втор план за Анадолу Ефес во моментот кога Мајк Џејмс, на носилки, го напушти теренот во „Белградска арена“.

Американскиот бек ја повреди Ахиловата тетива за време на дуелот со Црвена ѕвезда, а првичниот впечаток дека станува збор за сериозен проблем набрзо беше потврден и од самиот клуб.

По натпреварот, Ефес соопшти дека Џејмс ќе мора да направи дополнителни прегледи за да се утврди сериозноста на повредата и да се одредат понатамошните чекори.

„Следат детални прегледи за Мајк Џејмс поради повреда на Ахиловата тетива, по што ќе се утврди прецизен план за лекување и закрепнување“, се наведува во соопштението на турскиот клуб.

Ефес беше поразен од Црвена ѕвезда во „Белградска арена“ со резултат 77:72 во натпреварот од 3. коло на Евролигата, но исходот на мечот беше засетен од загрижувачка сцена. За тимот од Истанбул е особено важно што се повреди играчот кој е најдобар стрелец во историјата на Евролигата.

Засега нема официјални информации за сериозноста на повредата, ниту за тоа колку долго Џејмс би можел да отсуствува. Повеќе детали се очекуваат по дополнителните медицински прегледи.

Тагови: Евролигата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.