Свет

Британија ќе плаќа отштета од 130.000 евра на лицата кои би имале нуспојави од вакцината

Британската Влада најави дека планира да плаќа отштета во висина од 130.000 евра на лицата кои ќе добијат тешки нуспојави од вакцината.

Министерството за здравство соопшти дека Ковид-19 ќе се додаде на листата болести во постоечката шема за исплата за штетност на вакцината како мерка за претпазливост, иако вакцините ќе се даваат само по строги проверка

Првиот контингент на вакцините на„Фајзер“ и „Бајонтек“ пристигнаа во Велика Британија. Од централниот магацин на непозната локација ќе бидат дистрибуирани до болничките центри низ државата, пренесува „Би-би-си“. Вакцините се произведени во Белгија, во Британија пристигнаа преку Ла Манш. Пред два дена Британија ја одобри вакцината и нарача 40 милиони дози, доволни за вакцинирање на 20 милиони луѓе..

Водечкиот американски епидемиолог Ентони Фаучи се извини за изразениот сомнеж кон британските здравствени регулатори кои многу брзо ја одобрија вакцината „Фајзер“ против ковид-19.

- „Имаше недоразбирање и затоа жалам и се извинувам за тоа. Имам голема верба во работата на научната заедница и регулаторите во Велика Британија, не сакав да бидам сфатен дека постапката на британските регулатори е несовесна“,вели д-р Ентони Фаучи, епидемиолог.

Уште една вакцина се очекува да биде одобрена. Станува збор за Американската вакцина против Covid-19 на компанијата „Модерна“. Добра вест е дека последните истражувања покажаа дека вакцината произведува антитела кои траат 90 дена по вакцинирањето,. За сега заштитата од инфекцијата трае најмалку 3 месеци, а учесниците во истражувањето ќе бидат следени 13 месеци за да се испита заштитата од заразата и на подолг период, истакнуваат авторите на студијата.

Во меѓувреме првите 20 дози од руската вакцина „Спутник 5“ синоќа пристигнаа во Србија, Безбедносно информативната агенција ќе ги препрати на испитување во белградскиот Институт за вирусологија, „Торлак“, изјави претседателот на Србија, Александар Вучиќ. Тој рече дека вакцината Фајзер, која исто така побара регистрација, ќе биде тестирана. Зборувајќи за исправноста на вакцините, Вучиќ рече дека производителите се од „важни светски земји“ и дека „никој не би сакал да го труе народот“. Во Србија вакцините ќе бидат бесплатни но вакцинацијата нема да биде задолжителна.

Македонија

Скопјанец и двајца штипјани нападнати во угостителски објект во Кавадарци

Скопјанец рано утринава пријавил дека со двајца штипјани биле физички нападнати во угостителски објект во Кавадарци, информираат од СВР - Велес.

- Во 04.40 часот во ОВР Кавадарци, Т.Ц., 22-годишен скопјанец, пријавил дека пред и во угостителски објект во градот, тој и Н.Н., на возраст од 24 години и Ф.А., на 25-годишна возраст, двајцата од Штип, биле физички нападнати од неколку машки лица, појаснуваат од СВР - Велес.

За настанот бил известен јавен обвинител. Се преземаат мерки за расчистување на случајот.

Свет

Русија најави вежби на тактичките нуклеарни сили

Русија ќе спроведе вежба на своите тактички нуклеарни сили по наредба на претседателот Владимир Путин, соопшти денеска Министерството за одбрана во Москва.

Во соопштението не се наведува дали проектилите ќе бидат опремени со нуклеарни боеви глави. Русија претходно спроведуваше обука на нуклеарни сили без нуклеарни боеви глави, потсетува ДПА.

- Како дел од вежбата ќе бидат спроведени низа активности за вежбање на подготовка и употреба на нестратешко нуклеарно оружје, соопшти руското Министерство за одбрана.

Засега е нејасно кога и каде точно ќе почне вежбата во која се вклучени јужниот одбранбен округ и поморските сили.

Руската војска во октомври истрела две интерконтинентални ракети и неколку крстаречки ракети за обука и одвраќање. Вежбата, која ја најави, ја оправда со наводни „провокативни изјави и закани од поединечни западни функционери против Руската Федерација“.

Од почетокот на нејзината војна против Украина пред повеќе од две години, руските претставници постојано се обидуваа да ја тестираат меѓународната поддршка за Киев со поттикнување стравувања од нуклеарна војна.

Македонија

Ристески: Судството ќе биде целосно ослободено од извршната власт

Новата влада предводена од ВМРО-ДПМНЕ, особен фокус во работењето ќе стави на правосудниот систем и борбата против корупцијата.

Судството ќе биде целосно ослободено од извршната власт. Ќе спроведеме политики за расчистување со судирот на интереси во правосудството, присутниот непотизам, партизацијата и кронизмот. Кандидатите за судии и кандидатите за претседатели на судовите ќе се рангираат по законски критериуми. Ќе ги регулираме и постапките за преземање и префрлање на судиите во другите судови.

Предвидуваме нова програма за испитување на исполнетоста на условите на професионалните и образовните критериуми за избор на судии. Ќе спроведеме целосна ревизија на приемот на кадидати на Академијата за судии и јавни обвинители.

Предвидуваме распуштање и целосна реформа на судскиот совет кој се покажа досега како ранлив од надворешни влијанија.

Ќе следува проверка на имотот на судиите и обвинителите.

Предвидуваме немилосрдна борба со корупцијата на секое ниво за што ќе биде формирано владино координативно тело против корупцијата, а преку реформи ќе имаме силен и ефикасен државен завод за ревизија. Ќе воведеме механизам преку кој ќе има зголемени санкции против функционерите, а преку посебна мерка ќе имаме нула корупција во јавните набавки.

Почитувани, ова се само мал дел од проектите за подобар правосуден систем и борба против корупцијата. На 8-ми мај, со заокружување на број 2 за листата на пратеници на ВМРО-ДПМНЕ и број 2 за Гордана Силјановска Давкова, ќе ставиме крај на хаосот и безредието кој владата предводена од СДС и ДУИ ги остави. Број 2 за достоинствена и горда Македонија.

Прес конференција на кандидатот за пратеник Петар Ристески.