Шоу биз

Бред Пит изгледа остарено и изморено- фановите загрижени (ФОТО)

Кога пред неколку дена во медиумите се појавија најновите фотографии од Бред Пит, коментарите течеа како лента: „Полуде“, „Разводот го уништи“, „Не е тоа што беше“.

Но, сепак дали навистина очекуваме маж на прагот на седмата деценија да остане заробен во триесетгодишно тело?

Бред Пит не е само актер - тој е икона. Уште од деведесеттите, кога го воодушеви светот со улогата во филмот „Телма и Луиз“, Бред стана симбол на машката убавина. Неговите сини очи, совршено извајано лице и неодолива насмевка го направија „вечен убавец“, но и човек чиј изглед беше проследен со непобитна харизма. И додека неговиот изглед беше она што привлекуваше внимание, неговиот талент, шарм и достоинство го задржаа на врвот.

View this post on Instagram

A post shared by TMZ (@tmz_tv)

Разводот од Анџелина Џоли по осумгодишна правна битка секако остави белег. Тоа не беше само крај на бракот, туку и крај на една ера. Медиумските војни, обвинувањата и судските драми не останаа незабележани – ниту за Бред ниту за неговото семејство. Но, зарем секој крај не е можност за нов почеток?

На најновите слики, Бред можеби не се насмевнува како пред десет години, но сепак го има тој препознатлив изглед полн со искуство и приказни кои допрва треба да се раскажат. Неговиот стил, иако за некои е сомнителен, докажува дека тој сепак игра по свои правила - капи, торби, координирани детали. Ова е Бред Пит кој не ги следи трендовите, туку ги поставува.

Бред Пит има 61 година и тоа е нормално. Но, зарем не е освежувачки да се види некој кој очајно не се обидува да ја „зачува својата младост“, туку гордо ја прифаќа својата возраст? Холивуд е познат по тоа што немилосрдно ги притиска своите ѕвезди да изгледаат „совршено“, но Бред докажува дека автентичноста е она што победува.

Зад него е турбулентен брак и сложени врски со децата, но и нова љубов – дизајнерката на накит Инес де Рамон, со која споделува моменти на среќа. Неговата приказна е далеку од совршена, но тоа е она што ја прави реална.

Бред Пит можеби „пропаднал“ во очите на оние кои ја идеализираат вечната младост. Но, за сите оние кои гледаат подалеку од брчките и новиот стил, тој останува симбол не само на убавината, туку и на издржливоста, талентот и силата.

Секоја брчка носи приказна, секој поглед искуство, а секоја фотографија потврдува - Бред Пит е и засекогаш ќе биде легенда.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Платформата за иднината на Мицкоски – ново издание на стариот проект ЗНАМ

Она што денес се претставува како „платформа за иднината на Македонија“ е само ново пакување на стариот проект ЗНАМ.

Ист организатор.

Ист финансиер.

Исти медиуми.

Исти таканаречени „независни“ новинари и аналитичари кои сега, откако излегоа од дупките, отворено ја промовираат платформата за иднината на Христијан Мицкоски.

Ова не е нова политичка иницијатива. Ова е проект што Мицкоски го започна со Деспотовски и Шилегов како носители на оваа платформа.

Ова е контролиран проект чија единствена цел е да создаде лажна алтернатива, да ја дефокусира јавноста и да ја подели опозицијата.

Да се поделат опозиционите гласови кои делумно би отишле кај Мицкоски. Сето тоа по моделот на сестринска партија СНС и Вучиќ.

Се обидоа да го урнат СДСМ со лажни вести, измислени афери и тешки лаги - не им успеа.

Затоа го повторија проектот од последните парламентарни избори, бидејќи даде резултати.

Сега не може два пати истата приказна. Народот ве прочита.

Веќе го видовме овој филм.

Луѓето кои денес се појавуваат како „нови лица“ и „независни аналитичари“ се истите кои порано ја бранеа и промовираа ЗНАМ. Денес, откако тој проект пропадна, добиваат нова задача, да ја продаваат „платформата за иднината на Мицкоски“ - ЗНАМ 2.0.

Народот одамна знае: кога ќе се појави нов „проект“, ново „движење“ или нова „платформа“ во изведба на истите лица, тоа не е ништо ново. Тоа е истиот проект на Мицкоски во ново пакување.

Тоа е само нова епизода од старата серија.

Во слободна, демократска и европска Македонија со овие проекти и со луѓето позади нив, навистина нема иднина.

Скопје, 04.07.2027

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Решаваме наследени проблеми, изградбата на автопатот Охрид–Кичево напредува со силно темпо, Македонија забрзува

Македонија забрзува!

Изградбата на автопатот Охрид-Кичево влегува во својата завршна фаза и напредува со одлична динамика.

Денес гордо кажуваме дека решаваме еден по еден од наследените проблеми, најголемиот-свелечиштата и косините.

Првата галерија од вкупно 14 -те е целосно завршена и асфалтирана, вистинско инженерско чудо, кое бара врвни градежни решенија, особено поради сложениот планински терен низ кој минува трасата на автопатот.

Со силно темпо се работи и на тунелите, каде градежните активности се во самата завршна фаза.

Веќе 34 километри од автопатот се ставени во функција со кои постигнавме највисоки стандарди за безбедност и квалитет и кои секојднево се користат од граѓаните.

Остануваме целосно посветени на завршување на овој многу значаен капитален проект во рокот кој е предвиден.

Ова не е само проект, ова е автопат кој ги поврзува граѓаните, создава нови можности за стопанството, туризмот и целокупниот економски развој на државата.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Меси: Не ги потценивме, знаевме дека ќе играме тежок меч

Репрезентацијата на Аргентина се квалификуваше во осминафиналето на Светското првенство откако, во спектакуларен меч ги победи Зеленортските острови со 3:2 во продолжението.

По супернеизвесниот меч капитенот на Аргентина Лео Меси истакна дека тие уште пред почетокот на дуелот знаеле дека ги очекува тежок натпревар со незгоден противник.

„Знаевме дека натпреварот ќе биде многу тежок. Не е случајно што оваа репрезентација не загуби ниту од Шпанија, ниту од Уругвај. Ние го направивме најтешкиот дел од работата, а тоа беше да постигнеме гол. После тоа, требаше да ја пронајдеме нашата игра и да бидеме помирни, но се случи токму спротивното“, рече Меси.

„Не успеавме добро да ги притиснеме, а тие се бореа со своето оружје. Знаевме дека ќе биде тешко. Ова Светско првенство е многу посебно, сè е многу изедначено и секој натпревар ќе биде исклучително тежок“, додаде капитенот на Аргентина, нагласувајќи го менталитетот на тимот: „Секогаш одиме напред, без разлика дали игравме добро или лошо“.

„Преудна беше играта по прекините, сегмент на игарта од кој можеби не сме постигнале гол претходно, а во вакви натпревари тоа е клучно. Имаме добри играчи за играње со глава и успеавме да го искористиме тоа. Ќе биде важно да бидеме силни и во тој сегмент, на што работевме веќе некое време. Во вакво натпреварување, тоа е важно, што се покажа и во овој натпревар“, заклучи Меси.

Тагови: Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.