Браќата Петкови следната недела ќе учествуваат на Светско првенство во скијање

Виктор Петков, моментно најдобриот скијач во Македонија и неговиот помлад брат наредната недела ќе настапат на светското првенство во скијање. 

Пред заминување, желби за добри резултати и успешно претставување на Гостивар им посака и градоначалникот Таравари.

Во шестчлената експедиција на националната скијачка репрезентација која ќе настапи на Светското првенство Гостивар, браќата Петкови на клубот „Сноу Спорт" добија можност за настап во најсилната светска конкуренција. Тие идната недела ќе се натпреваруваат во дисциплините слалом и велеслалом.

Пред заминување за Кортина Д’Ампецо, двајцата спортисти и нивниот тренер беа на прием кај градоначалникот Арбен Таравари кој ги потврди заложбите за поддршка на успешни спортисти.

– Секогаш е задоволство да се запознаам со врвни и талентирани спорстити. Тие се и своевидни амбасадори на родниот град и ние чувствуваме потреба да ги поддржиме во постигнувањето на врвни резултати и нивното заминување на елитниот натпревар. Им посакувам да имаат успешни настапи, а со тоа и да ја пренесат пораката дека талентираните спортисти ја имаат поддршката од средината од каде потекнуваат, рече Таравари.

Тренерот на клубот Сноу Спорт, Гоце Петков заблагодарувајќи се на желбите, истакна дека помошта на општината и залагањето на градоначалникот во значајна мера влијаеле за постигнатите и резултати и претстојниот настап на најелитното светско натпреварување.

– Нашите членови ќе тргнат во недела и според планот треба во четврток да настапат во трките а квалификации, а еден наш претставник веќе има обезбедено и настап во главната трка. Виктор и Владимир ќе настапат во техничките дисциплини. За да се стигне до тука не е воопшто лесно и затоа помошта од заедницата ни е добредојдена, рече тренерот Петков.

Тој напомена дека пласманот во првите триесет во светската елита ќе биде одличен успех и своевидно „визирање" на билет за претстојната зимска олимпијада.

Виктор Петков (21) со постигнатите резултати, моментно е најдобро рангираниот македонски скијач. Ова ќе биде негово трето учествува, а на неговиот пет години помал брат Владимир ова ќе му биде деби во скијачката елита./МИА.

Фото: Иванишевиќ и Селеш како деца

Легендарниот екс југословенски тенисер Горан Иванишевиќ, сега тренер на најдобриот светски тенисер Новак Ѓоковиќ на социјалните мрежи објави фотографија стара повеќе од 30 години.

Старата фотографија ги разбудила спомените на Горан од времето на поранешна Југославија.

На носталгичната фотка тинејџерот Горан Иванишевиќ се ракува со едно насмеано девојче, за оние кој не ја препознаваат, тоа е некогашната најдобра светска тенисерка славната Моника Селеш.

-Добри стари времиња со една од најдобрите на сите времиња, Моника Селеш. Мислам дека немавме поим што ќе постигнеме во годините кои доаѓаа, напишал Иванишевиќ во описот на сликата.

Моника и Горан подоцна го достигнаа светскиот врв. Иванишевиќ го оствари сонот со освојување на Вимблдон, а Моника Селеш владеше со светскиот тенис со до трагичното ранување во Хамбург во 1993 година од луд навивач на ривалката Штефи Графт.

Селеш во кариерата освои девет Грен слем титули.

Фото: Карлеуша во ленти

Српската пејачка Јелена Карлеуша повторно се разголе на социјалните мрежи.

Популарната Карли уште еднаш ги воодушеви своите фанови со бујните облини покриени со минијатурни врвки.

Јелена нема проблем да позира во костим за капење или во долна облека, но со последниот избор на гардероба ги изненади сите. Карлеуша одлучила да се фотографира во минијатурен градник и уште помали гаќички врзани со ленти.

Во оваа прилика може да се каже дека Карлеуша покажа скоро се. Нејзините фанови за „храброста“ ја наградија со рекорден број од 70 илјади лајкови.

Флик на излезната врата на Баерн Минхен

 По само две години работа и освоени титули меѓу кои и во Лигата на шампионите, Ханси Флик си заминува од германскиот гигант  Баерн Минхен на крајот на сезоната.

Иако се споменува дека ќе стане селектор на Германија, тоа не е причината за заминувањето туку конфликтот со директорот на баварците Хасан Салихамиџиќ.

Германските медиуми остро коментираат дека откако Салхимаиџиќ е дојден на функцијата, Баерн кој беше познат по сигурноста за тренерите и работата на долги патеки, сега го смени курсот и пребрзо ги менува шефовите и тоа со добро завршена работа.

Се тврди дека од истите причини Баерн предвреме ги набрка Нико Ковач и Карло Анчелоти.

Критиките одат до таму што на Баерн јавно му се упатува прашање...дали е можно секогаш да се виновни тренерите, а директорите да се во право?

притисни ентер