Бугарскиот премиер денеска беше дециден – очекува до октомври да се постигне компромис, бидејќи како што рече, не сака ниту да помисли да биде доведен во ситуација да крене рака против евоинтеграцијата на Македонија.
Отимист дека решение е можно и за Гоце Делчев е и премиерот Заев. Како позитивен пример кажа дека Комисијата досега успеа да се усогласи за личности и настаните од средниот век.
- Исто мислам дека ќе најдеме решение и за Гоце Делчев. Ние му оддаваме почит на Делчев преку заедничкото разбирање. Убеден сум дека делата на Делчев можат само да не поврзуваат. Ќе градиме пријателство и добрососедство, бидејќи тоа им го должиме на сите идни генерации, рече Заев.
Двајцата политичари се пофалија дека по потпишувањето на договорот за добрососедство пред две години, трговската размена меѓу двете земји оди на нагорен правец и се сложија дека мора да се интензивира и конечно да се изгради коридорот 8 кој е од есенцијално значење за двете земји.
Посетата на Борисов, доаѓа откако пред неполн месец, тој рече дека претседателот Пендаровски е северномакедонски политичар кој признава дека Делчев е Бугарин. Денес се извини и призна дека згреши.
-Кога реков Северномакедонци, како да убив некого. Ненамерно згрешив и еве јавно се извинувам за тоа, рече Борисов.
Борисов денеска беше примен и од претседателот Пендаровски, кој на средбата повикал на воздржаност од политичките водства на двете држави, со цел да им се овозможи на историчарите успешно да ги завршат обврските во рамки на комисијата.