Други спортови

Борачот Расул Шапиев прогласен за најдобар спортист на Кочани за 2023 година

Борачот Расул Шапиев, член на македонската репрезентација и на БК „Спартак“ го доби признанието за најдобар спортист на Кочани за 2023 година.

Во конкуренција од шест кандидати тој освои најмногу гласови на изборот што го организираше Општина Кочани.

Признанието што му го додели градоначалникот Љупчо Папазов е резултат на одличните настапи на меѓународните и домашни натпреварувања, при што освои две први места на Државното првенство во сениорска конкуренција, прво и трето место на меѓународни турнири. Како репрезентативец учествуваше и на Европското и на Светското првенство во борење каде се пласираше на 11, односно на 13 место.

-Чест и задоволство ми е што токму во Кочани добивам вакво признание кое е дополнителна мотивација за натамошните настапи. Се надевам дека довербата ќе ја оправдам со добри резултати на Европското првенство, а главна цел оваа година ќе ми биде да ја исполнам нормата за учество на Олимписките игри. Им порачувам на младите спортисти дека само со тренинзи и напорна работа ќе дојдат и до добри резултати, истакна Шапиев.

Во екипна конкуренција за најдобар беше прогласен планинарскиот спортски клуб „Осогово“, чии членови минатата година учествуваа во меѓународна експедиција во Киргистан за искачување на Хималаите, а реализираа и самостојни искачувања на највисоките врвови на Алпите во Швајцарија и Италија.

Претседателот на Општинскиот фудбалски сојуз – Кочани, Александар Андов е избран за најдобар спортски работник, а Игорчо Каров од карате клубот „Кочани“ го доби признанието за најуспешен тренер.

На изборот на најдобрите во спортот во Кочани, за спортска личност на годината е прогласен Лазар Захариев кој настапува во дисциплината пауерлифтинг бенч прес и досега освоил 17 признанија, меѓу кои и прво место на Светското првенство во Египет и златни медали на Европските првенства во Србија, Црна Гора и Шпанија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Дали зад позицијата на Венко Филипче „прво Бугарите во Уставот, па сè друго“ се крие таен договор со Бугарија за ново предавство?

Изјавата на Венко Филипче – „прво Бугарите во Уставот, па сè друго“ – е доказ дека Венко Филипче е во договор за ново предавство.

Венко Филипче застапува бугарски позиции наместо македонски интереси. Оттука, сосема легитимно е да прашаме:

Дали постои тајна дипломатија помеѓу старите другари Зоран Заев и Румен Радев?

Дали има комуникација и средби помеѓу нив?

Зошто инаку Венко Филипче на тацна им дава подароци на Радев и на бугарската политика, без да го заштити македонскиот национален идентитет?

Дали зад рушењето на ваквите позиции стои нов бизнис-договор?

Ова се легитимни прашања на кои мора да одговори Венко Филипче.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Со Мицкоски од предводници станавме губитници: четири земји имаат патоказ кон ЕУ – Македонија нема

Европската комисија подготвува патокази за четири земји, Црна Гора, Албанија, Молдавија и Украина. Македонија ја нема, изоставена е. Остануваме заглавени.

За само две и пол години со Мицкоски од предводници на европскиот пат станавме губитници.

Тоа е резултатот на арамијата Мицкоски. Наместо реформи политика на изолација, лаги и празни ветувања.

Губиме време, пари, фондови, губиме генерации кои се иселуваат заради Мицкоски.

Реофрми нема. Европа бара исполнети обврски, независно судство и борба против корупцијата.

Фотографии по ходници не отвораат преговарачки поглавја. Партиски говори не заменуваат реформи.

Нападите врз опозицијата и црните кампањи не ја придвижуваат државата.

Цената ја плаќаат граѓаните. Скапо.

Од Македонија заглавена надвор од ЕУ корист имаат силите што сакаат слаб и поделен регион, отворен за влијанието на Москва.

Македонија им треба надвор од Унијата. Отстапница за Вучиќ.

Место за пари од криминал и корупција. Тампон-зона кон ЕУ - тоа ѝ треба на Москва.

Сигурно пристаниште за организираната криминална група ВМРО на чело со Мицкоски.

Мицкоски е руски прокси играч. Неговите сателити ја имаат истата задача.

Левица - руска партија: анти-НАТО, анти-Америка.

Затоа сите сили се споија. Земјата да стои во место.

Министер во Владата, кафеански реформатори, ЗНАМ 2.0, шемаџии — сите во служба на руските интереси и интересите на Арамијата.

Македонија не е ничија тампон-зона. Не е резерва за туѓи агенди. Македонија е татковина на граѓаните што заслужуваат европска иднина.

Кој ги кочи реформите, го кочи европскиот пат. Кој ја држи државата заглавена, мора да понесе одговорност.

Скопје, 30.09.2026

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Канада е една од најлошите земји во светот

Американскиот претседател Доналд Трамп изјави дека Канада е „една од најлошите земји во целиот свет“.

Оваа изјава доаѓа во време на зголемени тензии меѓу Вашингтон и Отава, кои ги оптоваруваат историски пријателските односи. „Проблемот е што тие се однесуваа многу неправедно кон Соединетите Држави. Тие беа една од најлошите земји во светот. Знаете, ние добро соработуваме со Кина, добро соработуваме со луѓето и склучуваме добри договори“, рече Трамп во Овалната соба.

„Но, навистина беше многу тешко да се соработува со Канада.

Тие воведоа царини од 400 отсто и повеќе за нашите земјоделци. Тие ја злоупотребуваат нашата доверба“, додаде тој. Трамп: Канада е една од најлошите земји во светот. Тие ја злоупотребуваат нашата доверба. Денес стапи на сила забраната на Трамп за увоз на канадски стоки во вредност од речиси една милијарда долари, што претставува нова ескалација на трговскиот спор меѓу двете земји. Забраната се однесува на млечни производи, моторни возила и низа алкохолни пијалаци од Канада.

При потпишувањето на извршните налози за забраната, Трамп како причина ја наведе „дискриминацијата“ на американските производи.

Односите меѓу САД и Канада се невообичаено лоши за време на вториот мандат на Трамп. Причината не се само трговските спорови, туку и потезите на претседателот насочени кон припојување на Канада кон Соединетите Држави. Ситуацијата ескалираше во август по неуспехот на трговските преговори, по што двете земји воведоа меѓусебни царини. Претходно овој месец, Карни истакна дека неговата земја премногу се потпирала на „лесни“ економски врски со САД.

„Изминатите 40 години беа период на длабока економска интеграција со Соединетите Држави. Точно е дека тоа беше лесен пат, но нè направи премногу зависни од еден економски партнер. Јасно е дека тоа време помина“, изјави Карни во видео објавено на YouTube на почетокот на септември.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.