Бојковска: Реализацијата на капиталните проекти е со раст за разлика од владеењето на СДС и ДУИ кога беше нула - Канал 5

Македонија

Бојковска: Реализацијата на капиталните проекти е со раст за разлика од владеењето на СДС и ДУИ кога беше нула

На телевизија Канал 5 во емисијата „Само Вистина“ гостуваше пратеничката од редовите на ВМРО-ДПМНЕ, Драгана Бојковска .

Бојковска: Реализацијата на капиталните проекти е со раст за разлика од владеењето на СДС и ДУИ кога беше нула

На телевизија Канал 5 во емисијата „Само Вистина“ гостуваше пратеничката од редовите на ВМРО-ДПМНЕ, Драгана Бојковска која истакна дека реализацијата на капиталните проекти од страна на Владата е со раст за разлика од владеењето на СДС и ДУИ, а притоа истите резултирале со 0% реализација.

Бојковска се осврна и на однесувањето на ДУИ кога е на власт, дека е различна партија од ДУИ во опозиција.

„Интересно е како ДУИ кога нема да биде на власт тогаш почнува она непочитување на демократијата и на се она коешто значи право на граѓанинот, што поскоро да се свестат дека граѓаните го дадоа судот на изборите и дека сакаат просперитет во оваа држава, а не тензии. Имаме трицифрен раст на реализација на капитални проекти, во ваше време имавме реализација на капитални проекти во делот на исплаќање на авансни исплати во вредност од 250 милиони евра, а резултат изградба 0. Немаше фрлено камче на коридорите, како тогашен координатор го поставивте Артан Груби, па се испостави дека на крајот од денот имаме 0 реализација и може да биде многу сомнително и симптоматично што се работело во контекст на самите овие коридори. Зошто се одложил проектот за две години, заради тоа што две години кога сте практицирале власт ништо не сте реализирале и ништо не се работело“, рече Бојковска и додаде:

„Најголемо признание за нас е дека има почитување на етникумите во нашата држава е токму пост-мониторингот за нашата држава каде што сме признаени од Советот на Европа дека имаме почитување на етничките заедници, имаме владеење на правото, имаме зрела демократија“.

YouTube video

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во Газа загина камерман на Ал Џезира- неодамна беше убиен и неговиот брат, новинар

Снимателот на Ал Џезира, Ахмед Вишах, беше убиен во израелски воздушен напад врз куќа во бегалскиот камп Буреиџ во централна Газа.

Во Газа загина камерман на Ал Џезира- неодамна беше убиен и неговиот брат, новинар

Најмалку десет лица беа убиени во денешните израелски напади низ Појасот Газа.

Неговата медиумска компанија Ал Џезира во соопштение изјави дека остро го осудува убиството на својот дописник кој работеше за каналот Ал Џезира Мубашер. „Ова претставува ново и флагрантно кршење на сите меѓународни закони и норми и одразува континуирана систематска политика на таргетирање на новинарите и замолчување на гласот на вистината“, се додава во соопштението.

Брат му беше убиен пред два месеци

Смртта на Ахмед се случи само два месеци откако неговиот брат Мохамед Вишах беше убиен во израелски напад врз истиот бегалски камп. Според Палестинската цивилна заштита, Мохамед беше убиен на 8 април во својот автомобил додека се враќал дома.

Израелската војска еден ден подоцна, без да даде никакви докази, соопшти дека убила „клучен терорист во одделот за производство на ракети и оружје на Хамас“.

Ахмед Вишах, роден во 1986 година во истиот бегалски камп, се приклучи на мрежата Мубашер на Ал Џезира на арапски јазик во 2018 година. По смртта на Мохамед, колегите на камерманот Ахмед во Газа организираа бдение во негова чест.

Повеќе од 260 новинари се убиени од почетокот на војната

Според Комитетот за заштита на новинарите, повеќе од 260 палестински новинари се убиени од почетокот на војната во Газа во октомври 2023 година. Најмалку дванаесет од убиените работеле за мрежата Ал Џезира.

Тагови: Газа камерман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Холандскиот крал и кралица танцуваа во соблекувалната заедно со победниците (ВИДЕО)

Сцената на кралот и кралицата во соблекувалната по натпреварот од Светското првенство би била невообичаена под какви било околности, особено кога холандската репрезентација, за која тие навиваат, играше во град оддалечен 1.200 километри.

Холандскиот крал и кралица танцуваа во соблекувалната заедно со победниците (ВИДЕО)

Да не беше за репрезентацијата на Курасао, малку е вообичаено на ова првенство. Малиот карипски аутсајдер победи нерешено против Еквадор (0:0) и со тоа го освои првиот историски бод на светските првенства.

Еквадор доминираше во текот на целиот натпревар и упати дури 27 удари кон голот, но топката не влезе во мрежата. Херојот на натпреварот, 37-годишниот голман Елој Рум, беше најзаслужен за тоа. Голманот, кој вообичаено брани за Мајами ФК во втората американска лига, направи 15 одбрани. Некои беа резултат на неговата извонредна вештина, а други беа потпомогнати од лошата концентрација на еквадорските напаѓачи. Погледнете го резимето на натпреварот ТУКА.

Курасао на крајот постигна историски резултат. Островот со само 160.000 жители, кој беше тешко поразен од Германија со 7:1 во првото коло, слави голем подвиг. Еквадор, од друга страна, е во тешка ситуација пред последното коло, во кое игра против Германија.

Кралското семејство во соблекувалната

По натпреварот, се случи сцена што го обиколи светот и збуни многу набљудувачи: холандското кралско семејство славеше во соблекувалната на Курасао. Објаснувањето лежи во уставното уредување на Кралството Холандија.

Кралот Вилем-Александар го гледаше натпреварот со кралицата Максима и неговата ќерка, принцезата Аријана. Како крал на Холандија, тој е официјален шеф на тој карипски остров. Иако Курасао има свој парламент и премиер, тој е составен дел од Кралството Холандија. Ова значи дека кралската двојка всушност има две национални селекции за поддршка на ова првенство.

Кралското семејство направи вистински навивачки маратон. Прво, во Хјустон, ја гледаа убедливата победа на Холандија против Шведска од 5:1. Веднаш по натпреварот, тие се качија на авион и прелетаа 1.200 километри до Канзас Сити за да пристигнат на историскиот состанок на репрезентацијата на Курасао.

Кога драмата против Еквадор заврши, кралот и кралицата не останаа во свечената ложа. Тие се упатија директно кон играчите и тренерскиот персонал и го прославија историскиот бод со нив и танцуваа.

Тагови: кралицата кралл

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Жежок прв летен ден- температурите до 37 степени

Денес времето ќе биде сончево и топло со мала облачност. 

Жежок прв летен ден- температурите до 37 степени

Во попладневните часови во крајните северозападни делови ќе има услови за појава на слаб локален дожд, грмежи и ретка појава на град. Ќе дува слаб до умерен, а во западните делови повремено засилен северен ветер. Максималната температура ќе биде во интервал од 29 до 37 степени.

Во Скопје сончево и топло со мала до умерена облачност. Ќе дува слаб до умерен ветер од променлив правец. Максималната температура ќе биде до 36 степени, соопштуваат од УХМР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер