Дел од богатствата се закопани и подоцна пронајдени, но „Dark5” ги претставува петте најмистериозни нацистички богатства кои се уште не се пронајдени од Втората светска војна.
Нацистичкиот воз со злато
Кога пред неколку години во Полска истражувачите Пјотр Копер и Андреас Рихтер утврдија дека го пронашле возот полн со нацистичко злато, никој не им веруваше. Меѓутоа тоа покрена опсежно истражување и се чини дека наскоро би можеле да дознаеме дали нивните тврдења навистина биле точни.
Двајцата истражувачи влегле во трагата на наводниот воз заедно со тимот од 35 истражувачи-волонтери и започнале со ископување на местото за кое тврдат дека покажува аномалии во тлото, што упатува на постоењето на закопано возило.
Од друга страна, алтернативната студија која ја направија на Универзитетот за наука и технологија во Краков, утврдила дека не постојат докази кои упатуваат на вистинитост на наодите на Копер и Рихтер, но дека тие соопштуваат дека на тоа место би можел да се наоѓа тунел. Интересно е да се спомне дека и полските службеници одбиле да учествуваат во овој потфат па така целото истражување се финансира од приватни извори.
Килибарната соба
Килибарната соба е светски познатата комора украсена со јантарни панели со златни листови и многу огледала. Некогаш се наоѓала во палата на Катерина во Царското село недалеку од Санкт Петербург, а изградена е во Прусија во 18 век.
Пред да исчезне во виорот на Втората светска војна, ја сметале за осмото светско чудо.
Златото на Јамашита
Тоа е името кое го носи наводниот воен плен од југоисточна Азија, а кој го собрале јапонските освојувачи под команда на Томојуки Јамашита.
Подоцна го сокриле во пештери, тунели и подземни комплекси на Филипините.
Ловците на злато заминуваат на пацифичките острови во обид да го најдат богатството, но се уште никој не го пронашол тоа легендарно злато.
Алпска тврдина
Вистински ланец на тврдини планирал шефот на СС, Хајнрих Химлер кон крајот на 1943 година.
Веќе тогаш работел на плановите за можниот воен пораз на нацистичкиот режи и сакал целото водство да го повлече во планините во јужна Баварија за да може таму да продолжи да дава вооружен отпор.
Адолф Хитлер не ги поддржал во целост таквите планови на своите најблиски соработници, но и денеска постојат гласини дека нацистите сокриле огромно богатство во Баварија.
Ава Мару
Тоа е огромен јапонски крузер завршен во 1943 година во Нагасаки.
Бил дизајниран за превоз на патници, но на почетокот на војната присилно бил мобилизиран во јапонската морнарица.
Стотици јапонски морнари и војници тргнале од Сингапур кон јапонските територии кон самиот крај на војната.
Според локалните гласини тие пренесувале пет милијарди долари и вредни благородни метали и скапоцени камења. Подоцна на 1 април 1945 година, американската подморница „Queenfish” испукала торпеда и го потопила тој брод во Тајванскиот теснец.
Богатството на усташите
Емерсон Бигелоу, агентот на американското министерство за финансии 1947 година напишал извештај во кој пишува дека католичката црква му помогнала на усташкиот режим да прокриумчари околу 200 милиони швајцарски франци во злато преку ватиканската банка.
Истиот агент изјавил дека усташите извлекле вкупно 250 милиони франци од Хрватска пред самиот крај на Втората светска војна.
Се претпоставува дека подоцна тие пари биле проследени во Шпанија и Јужна Америка за да можат побегнатите усташи и нацисти да продолжат со својата работа.