Шоу биз

Боб Дилан по скандалот со фалсификуваните потписи на неговата книга: Погрешна проценка

Боб Дилан беше принуден да се извини за, како што рече, „погрешна проценка“ откако се покажа дека користел таканаречен автопен, односно машина за автоматска репродукција на потписот на голем број копии од неговата нова книга.

Сепак , на купувачите тие им биле прикажани како „рачно потпишани“.

Обожавателите кои платија 599 долари за една од 900-те копии на новата книга на музичката легенда, „Филозофија на модерната песна“, беа огорчени откако почнаа да споделуваат фотографии од нивните копии на форумите, а набрзо стана јасно дека секој примерок има речиси идентичен потпис, пишува CNN. .

Така Дилан се појави на социјалните мрежи. Тој им се извини на своите обожаватели и објасни дека му било советувано да го користи автопенот бидејќи од 2019 година страда од тешка вртоглавица, што го спречило да ги потпишува книгите со рака.

„Со години го потпишував секој уметнички отпечаток рачно и никогаш немаше проблем со тоа до сега“, напишал тој на својата Фејсбук страница: „Но, во 2019 година почнав да страдам од тешка вртоглавица што продолжи дури и во годините на пандемијата“. Тој објасни дека му требале најмалку пет соработници да му помогнат да се потпише, а тоа било невозможно во времето кога вирусот беснеел.

Тој кажа и дека врз него вршеле притисок поради договорните рокови и дека колегите го советувале „да користи автопен“. Го уверувале дека во светот на литературата и уметноста постојано се прават такви работи.

„Но, тоа беше погрешна проценка и сакам веднаш да ја поправам. Работам со издавачката куќа Simon & Schuster и со моите партнери за да го поправам тоа и изразувам најдлабоко жалење“, напишал тој. Си-Ен-Ен побарале дополнителен коментар од претставниците на Дилан.

View this post on Instagram

A post shared by Simon & Schuster (@simonandschuster)

Извинувањето на Дилан дојде неколку дена откако Simon & Schuster објавија изјава во која потврдија дека некои примероци од книгата немаат автограм и ветија враќање на парите на оние што ги купиле.

„Би сакале да им се извиниме на оние што го купија ограниченото издание на „Филозофија на модерната песна“, твитнаа Сајмон и Шустер. „Излегува дека книгата со ограничено издание го има оригиналниот потпис на Боб, но во форма на пишана реплика.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Новиот СУВ на „Xiaomi“ со повеќе од 100.000 резервации

Новиот SUV на Xiaomi веќе има повеќе од 100.000 резервации .

Xiaomi се подготвува да ја прошири својата понуда на возила со серијата „SkyNomad“, која моментално опфаќа два големи SUV-модели опремени со систем за продолжен досег.

„SkyNomad N90 Max“ е позициониран како голем SUV со седум седишта, погон на сите тркала и систем за продолжен досег, дизајниран за семејни патувања на долги релации.

Тука е и „SkyNomad N70 Max“, позициониран како SUV со пет седишта и погон на сите тркала – исто така со систем за продолжен досег – наменет за секојдневно патување и удобност при возењето.

Подот на возилото е рамен. Предните седишта можат да се ротираат за 180 степени, додека вториот ред располага со седишта што можат да се преклопат.

Двата кросовери се базирани на новата платформа „Kunlun“ на Xiaomi и користат електричен погонски систем со продолжувач на опсегот.

Врвниот модел е „Xiaomi SkyNomad N90 Max“; со должина од 529 сантиметри, тој е опремен со два електромотори – кои испорачуваат 286 КС на предната и 136 КС на задната оска.

Батеријата се полни со помош на 1,5-литарски турбо-бензински мотор со моќност од 154 КС.

Вкупниот досег со користење и на електрична енергија и на бензин изнесува 1.500 километри според стандардот WLTP. Капацитетот на батериите кај моделите N70 и N90 се движи од 52 до 76 kWh, во зависност од верзијата, што овозможува досег на електричен погон од 460 до 500 километри.

Максималната брзина е електронски ограничена на 190 km/h, додека моделот N90 забрзува од 0 до 100 km/h за 5,9 секунди.

Кога батеријата ќе се испразни, сите модели постигнуваат потрошувачка на гориво од само 5,7 литри на 100 километри според стандардот WLTC. Системот за потпирање е независен на сите четири тркала и вклучува воздушно...

Планирано е овие модели да пристигнат и во Европа, почетната цена во Кина изнесува 33.000 евра за N70 и 38.500 евра за N90, пренесува Revija HAK.

Тоа е неверојатно ниска цена за голем теренец (SUV) со должина од над пет метри. Цените во Европа сигурно ќе бидат повисоки, но неизбежно се поставува прашањето како европските премиум конкуренти ќе можат да му парираат на ваков модел.

Кинескиот медиум „Cailian“ известува дека Xiaomi веројатно надминал 100.000 нарачки во претпродажба за својата почетна линија на возила SkyNomad EREV за само девет дена, при што поголемиот модел N90 се покажал како попопуларен меѓу купувачите.

Тагови: автомобилска индустрија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

МЗ: Во Гостивар здравствениот систем реагираше навремено, пациентите добија соодветна здравствена грижа

Министерството за здравство ја почитува законската можност секој да поднесе пријава доколку смета дека постои основ.

Истовремено, очекуваме надлежните институции професионално, темелно и неселективно да ги испитаат сите наводи.

Основното јавно обвинителство веќе постапува по случајот. Министерството и сите надлежни здравствени установи целосно ќе соработуваат и без одложување ќе ја достават секоја побарана информација, анализа и документација.

Во Гостивар здравствениот систем реагираше навремено, пациентите добија соодветна здравствена грижа, а јавноста беше информирана за состојбата. Здравјето на граѓаните не смее да биде предмет на дневнополитички пресметки.

Оттука, сметаме дека обидите на СДСМ случајот да го претвори во партиска тема не придонесуваат за утврдување на фактите. Наместо политички квалификации и прес-конференции, потребно е да им се овозможи на надлежните институции непречено да ја завршат постапката.

Министерството ќе продолжи да работи транспарентно и одговорно. Наши приоритети остануваат функционалниот здравствен систем, заштитата на здравјето на граѓаните и целосното утврдување на фактите врз основа на докази.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Чакал касна жена во Романија; мештаните ја спасија

Чакал нападна 41-годишна жена утрово, на 10 август, пред нејзиниот дом во селото Олтенешти во источна Романија.

Животното ја касна жената за подлактицата и ѝ го изгреба стомакот, но таа се спаси благодарение на мештаните кои веднаш ѝ притекнаа на помош.

Нападот се случи пред домот на 41-годишната жена, која итно беше пренесена во окружната болница, пренесува Digi24.

Жртвата остана свесна и присебна; по инцидентот, жителите изразија загриженост и побараа од надлежните да интервенираат и да ги отстранат опасните животни од околината на селото, бидејќи стравуваат да излезат од своите домови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.