BMW на еден месец го прекинува производството во Европа

Германскиот производител на луксузни автомобили БМВ објави денеска дека ќе го прекине производството во Европа четири недели, како резултат на кризата предизвикана од пандемијата на коронавирус.

„Од денес, ги затвораме нашите европски фабрики за автомобили и фабриката„Рослин “во Јужна Африка. Според сегашните планови, прекинот на производството треба да трае до 19 април“, изјави денеска извршниот директор на БМВ, Оливер Зипсе.

Манфред Шох од Работничкиот совет на БМВ рече дека здравјето на работниците треба да биде заштитено, исто како и нивните работни места и платите. Дури и со работа со скратено работно време, работник во BMW ќе добива најмалку 93% од нето платата, додаде тој.

Компанијата, со поддршка на вакви мерки, и со флексибилност и работа од дома, ќе ја преживее новата криза, тврди Шох.

Објавата на  BMW следува по сличните потези на конкурентите во Германија и во странство.

Во вторникот, прекинувањето беше најавено од Дајмлер и групацијата Фолксваген, вклучувајќи ја и нејзината подружница Ауди.

Три најголеми американски производители на автомобили, „Џенерал моторс“, „Фиат Крајслер“ и „Форд“, подготвуваат „ротативно делумно исклучување“ на погононите, објавија синдикатите.

Ауди и производителот на камиони МАН беа меѓу првите германски производители во секторот што се регистрираа за владината програма за плати за работниците што не работат.

притисни ентер