Автомобилизам

БМВ гради фабрика за батерии во Унгарија, вредна 2 милијарди евра

Огромната инвестиција треба да ја олесни електрификацијата на брендот, но и да овозможи поголема конкурентност на пазарот, особено кога станува збор за Tesla.

BMW ќе ја удвои својата инвестиција во унгарската фабрика во Дебрецен на дури 2 милијарди евра со додавање на производствен капацитет за склопување на високонапонски батерии, пренесува Automotive News Europe. Новиот објект на приближно 140.000 квадратни метри ќе вработи дополнителни 500 работници и ќе ја олесни имплементацијата на платформата Neu Klasse, особено логистички, соопшти BMW.

Милан Недељковиќ, член на Управниот одбор на BMW задолжен за производство, рече: „Во Дебрецен ја градиме најнапредната фабрика во светот. Со нашата iFACTORY поставуваме нови индустриски стандарди за производство на возила. Нашите инвестиции го нагласуваат нашиот систематски пристап кон имплементација на е-мобилност“.

Почетокот на производството на автомобили и батерии е планиран за крајот на 2025 година, кога BMW има намера сериозно да ја загрози Tesla на пазарот на електрични автомобили. Со новата платформа за електрични погони, BMW планира да ги намали трошоците за ќелиите на половина и да го зголеми опсегот и брзината на полнење за 30 проценти во споредба со сегашните модели.

Извршниот директор на BMW, Оливер Зипсе, рече дека првично ќе се фокусира на електрични модели за сегментот од средна премиум класа, како што е серијата 3.

BMW моментално склопува батерии на три локации во Германија, како и во американските капацитети во Спартанбург и фабриката во Шенјанг во Кина. Тие ќе купуваат батерии во Европа од кинеските производители CATL и EVE.

Шоу биз

Секс-бомбата бара момче: Треба да биде богат и убав

Откако пропадна љубовната врска на познатата манекенка Ирина Шајк и играчот на НФЛ Том Брејди, таа сега бара ново момче, изјави извор за „Page Six“.

- Потребна и е позната личност која изгледа добро и има пари. Колку такви има? Пет, десет? - изјави изворот.

Изворот како една од можностите го предложи од неодамна слободниот Том Круз. Ѕвездата од „Топ Ган“ неодамна раскина со Русинката Елсина Каирова.

Извор: Аваз

Свет

Анкета: Поддршката за членството на Полска во ЕУ - најмала во последнава декада

Поддршката за членството на Полска во Европската Унија падна на најниско ниво во повеќе од една деценија, според анкетата објавена денеска.

Според најновата анкета на институтот ЦБОС, и покрај победата на про-ЕУ коалицијата, поддршката за членството на земјата во Унијата падна на 77 отсто, што е најниско ниво од 2013 година.

Поддршката лани беше 85 отсто, а најголема беше во 2022 година, кога изнесуваше 92 проценти.

Про-ЕУ коалицијата дојде на власт во Полска на изборите во октомври по осум години владеење на партијата Право и правда (ПиС), ветувајќи дека ќе ги поништи законите воведени од десницата.

ПиС често беше во судир со западните сојузници на Полска и институциите на ЕУ во Брисел поради нивната загриженост за владеењето на правото во оваа земја. /МИА

Свет

Претставник на ОН тврди дека ќе бидат потребни 14 години да се отстранат урнатините во Газа

Претставникот на Обединетите нации, Пјер Лодамар денеска изјави дека ќе бидат потребни 14 години да се расчисти огромното количество урнатини, вклучително и неексплодирани експлозивни направи, што ги остави Израел за време на војната во Појасот Газа.

Лодамар, висок офицер во Службата за мини на ОН (УНМАС), на брифинг во Женева рече дека војната оставила околу 37 милиони тони отпад во широко урбанизирана, густо населена област.

Тој истакна дека иако не е можно да се одреди точниот број на неексплодирани убојни средства се смета дека под одредени услови, би можеле да бидат потребни 14 години да се расчистат остатоците, вклучувајќи ги и урнатините од уништените згради.

„Знаеме дека вообичаено има стапка од 10 проценти за неуспех, односно неактивирање на муницијата. Станува збор за 14 години работа со 100 камиони“, рече Лодамар. /МИА

притисни ентер