Автомобилизам

БМВ го претстави својот нов ,,ѕвер” со контроверзен изглед(ВИДЕО)

Месеците со секакви најави се зад нас, и сега можеме да видиме дека вредело да се чека - BMW ги претстави новите M3 и M4 и сега е на самиот врв на спортската програма.

Не е дека некогаш паднале, но на Баварците навистина им треба вакво засилување. И на неговите обожаватели, кои дефинитивно не се малку. Тие, пак, ќе можат да сметаат на стандардна понуда преку два стила на каросеријата и низа опции и комбинации, а не само кога станува збор за естетиката.

Веста на денот е рачниот менувач, што останува во понудата во новата генерација. Доаѓа во комбинација со погон на задните тркала и ќе треба да го ограничи 3.0 M TwinPower во линија шест со 480 и 510 КС во Competition изданието. Инаку има осумстепен автоматски, но и погон M xDrive.

Перформансите се исто така познати, така што верзијата со погон на задните тркала стигнува за 4,2 секунди до стотка, додека посилната изведба пристигнува за 3,9 секунди. И вози до 290 км на час.

Естетски, М моделите сега се јасно поразлични од послабите „полу М“ изданија, поточно М340i. Сега се забележително поагресивни и лесно можат да изгледаат како да излегле од компјутерска игра.

Првите примероци на патиштата се очекуваат во март следната година. Лесно ќе ги препознаете, ако ништо, тогаш по четирите ауспуси. На предницата имаат огромна маска.

Наместо опрема и дизајн на ентериерот, ќе споменеме нешто друго. BMW понуди додатоци за перформансите, а на списокот има дифузер од јаглерод, златни бандажи, додатоци од карбон аеро и уште еден куп иновации.

А што е со цените. БМВ М3 ќе се движи од 82.500 евра во Германија, М4 е поскап за околу 1.500 евра, а за Competition изданието ќе треба да бидат издвоени 89.500 евра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Фото: Македонија обоена во зелено по повод Европскиот ден за донирање органи

.

По повод Европскиот ден на донирањето органи, ткива и клетки 2026, вечер, како и синоќа, повеќе објекти во државата ќе бидат осветлени во зелена боја, како симбол на надеж, солидарност и нов живот.

За таа цел речиси сите општини во повеќе градови низ Македонија и институции се приклучија кон иницијативата.

Министерството за здравство се заблагодарува за оваа симболична порака со која се дава поддршка за органодарителството и трансплантацијата. Светлината ја пренесува пораката дека хуманоста може да спаси животи.

Секој донор е надеж. Секое „да“ е нов живот.

Да ја шириме свесноста, да поттикнуваме хуманост и да даваме надеж за нов живот!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Ураган од четврта категорија се движи кон брегот на Мексико

Моќниот ураган „Симон“ од четврта категорија се движи кон мексиканскиот брег со голема брзина.

Националниот центар за урагани во Мајами утрово објави дека брзината на ветерот достигнала 225 километри на час.

Симон би можел да донесе помеѓу 25 и 50 сантиметри дожд во делови од југозападно Мексико, а на некои места и до 76 сантиметри, се вели во соопштението на центарот.

Жителите се повикуваат да се подготват.

Метеоролозите предупредија на поплави и свлечишта што претставуваат опасност по животот.

Државата халиско објави дека нема да има настава за понеделник и започна евакуација на десетици луѓе од загрозените подрачја.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во руски напади врз Запорожје загинаа осум лица, меѓу кои три деца

Најмалку осум лица, меѓу кои и три деца, загинаа, а 16 се повредени во руските воздушни напади што беа извршени рано утринава врз градот Запорожје, на југоистокот на Украина, соопштија украинските власти. Во нападите уште 12 лица се водат како исчез

Ова го потврди Иван Федоров, копретседавач на советот за одбрана на запорошкиот регион, откако претходните податоци на националната полиција и на регионалната воена управа укажуваа на седум жртви во овој регионален центар, што се наоѓа на само неколку десетици километри од линијата на фронтот.

„Рано утринава руските сили фрлија пет наведувани воздушни бомби врз станбените населби во регионалниот центар запорожје. Две од нив погодија станбени згради“, се наведува во соопштението на националната полиција.

Украинските служби за итни интервенции извлекуваа луѓе од урнатините, јави известувачот на франс прес од местото на настанот.

Русија во последните месеци ги засили нападите врз украинската територија, што доведе до зголемување на бројот на цивилните жртви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.