Култура

Битолскиот театар го слави Светскиот ден на театарот

Ансамблот на Народниот театар од Битола денеска го слави 27 март – Светски ден на театарот и според востановената традиција вечер на сцената „Благој Стефановски-Баге" ќе ја презентира последната премиерна претстава „Ноќта кога ја убив месечината".

Пред почетокот на претставата, публиката во Битола ќе ги чуе македонската порака, чиј автор е актерката Сузан Акбелге од Турскиот театар од Скопје, како и пораката на Хелен Мирен, актерка од Велика Британија.

– Во далечната 1606 година кога во Лондон за време на големата чума театрите биле повеќе затворени отколку отворени, Вилијам Шекспир во самоизолација ги создал двете култни драми Кралот Лир и Магбет... Актерите ги напуштиле големите градови додека претставите се изведувале на отворено во помалите места. Кризите секогаш се шанса за преобразба. Какви суштински промени ќе донесат последиците од пандемијата сѐуште не знаеме, но она што со сигурност го знаеме е дека светот во којшто човечката жед за консумирање го достигна врвот, наспроти битисувањето и креирањето, човечката рамнодушност кон сѐ околу него, општествената матрица која на сила втурнува политички чиновници кои уништуваат институции и цели генерации луѓе… актери, е неодржлив и дека промените се неминовни и нужни како на општествено, така и на социјално, економско, човечко и културолошко ниво, се нагласува во пораката напишана од Акбелге која вечер во Битола ќе ја прочита актерката Марија Стефановска.

Пред културниот аудиториум во Битола ќе биде прочитана и меѓународната порака на британската актерка Хелен Мирен која посочува дека ова време е многу тешко за изведувачките уметности, тешко е за многуте уметници, техничари и занаетчии, за жените кои се борат за своето место во оваа професија, која бездруго е обележена со несигурност. Според Хелен Мирен, оваа постојано присутна несигурност, ги направи театарџиите поспособни да ја преживеат оваа пандемија со мудрост и храброст.

Како што е познато актери на НУ Нроден театар-Битола најновата премиера „Ноќта кога ја убив месечината" ја подготвија во време на пандемија која според репертоарот и вечер ќе се одигра пред публика, а ќе настапат Марјан Ѓоргиевски, Александар Копања и Валнтин Светозарев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МАНУ потврдува дека Македонија има сериозни капацитети на бакар од бенефит за државата

Од друга страна во Стратегијата за минерални суровини 2026-2046 на која работеше МАНУ, се нотира дека тие резерви просто не се искористуваат. Таков е примерот со инвестицијата за рудник за бакар во Иловица-Штука.

Дури ни отворањето на шест огромни рудници за бакар годишно во следните две децении нема да ја задоволи глобалната побарувачка. Вака проценува светскиот рударски инвеститор Френк Џустра, предупредувајќи на сериозна криза во синџирот на снабдување.

Стратегијата за минерални суровини 2026-2046 изработена од МАНУ, децидно потврдува дека Македонија располага со сериозни капацитети на бакар кои не се искористуваат. Пример за ова е Иловица-Штука, каде инвеститорот „Еуромакс ресоурцес“ утврди ресурси од 237 милиони тони и резерви од 225 милиони тони руда (околу 410 илјади тони бакар, со стапка на искористеност од 84%). Проектот предвидуваше експлоатација од 10 милиони тони руда годишно и век на експлоатација од 23 години. Покрај Иловица, присуство на бакар беше утврдено и во Казандол и Кожуф, но овие инвестиции останаа нереализирани.

Џустра се повикува на прогнозите на „JPMorgan“, според кои се очекува дефицит на бакар од два милиони тони до 2030 година, кој ќе порасне на осум милиони тони до 2035 година. Само центрите за податоци ќе потрошат околу 500.000 тони до крајот на деценијата, а на новите наоѓалишта им се потребни меѓу 10 и 20 години за да почнат со производство.

„Бакарот е столбот на речиси секоја електрификациска индустрија во светот“, нагласува Џустра. И додава дека битката за стратешки минерали прераснала во геополитичко ривалство:

„Светскиот поредок каков што го знаевме одамна веќе е мртов“, додава инвеститорот.

Додека Кина почна да обезбедува наоѓалишта пред 25 години, САД и Европа дури неодамна ја сфатија важноста на критичните минерали. Поради бавниот развој на новите рудници, високите цени на бакарот остануваат единствениот механизам за балансирање на пазарот.

Финансиската групација „Macquarie“ заклучува дека бакарот е „заглавен“ помеѓу инвестицискиот оптимизам и слабеењето на капацитетите. Цената на металот се искачи од 12.000 долари за тон во март на над 14.000 долари во мај годинава. Трговците веќе се позиционираат поради можните американски мерки за извоз, што според „Macquarie“ ќе донесе континуирана неизвесност и ќе го остави остатокот од глобалниот пазар под силен притисок.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Елегантната Џеј Ло

Светската музичка ѕвезда Џенифер Лопез ужива во Италија, од каде што објави неколку фотографии кои предизвикаа лавина од коментари меѓу нејзините фанови, едно од најброните прашања е дали покажала премногу.

По исклучително забележаниот стајлинг на Вимблдон, популарната Џенифер Лопез замина на заслужен одмор по успешната турнеја и новиот филм „Office Romance“, како и по уште една во низата бројни успешни години во нејзината кариера.

За своја дестинација за одмор таа ја избра Италија, па моментално ужива на Сицилија.

За да не ги заборави своите 240 милиони следбеници дури и во деновите кога ужива во морето и сонцето, таа ги почести со неколку фотографии во вистинско летно издание, кои брзо станаа вирални.

Латино дивата позираше во летен бел фустан без градник, па нејзиното деколте остави малку простор за имагинација.

На фотографиите таа носи фустан од модната куќа „Dolce & Gabbana“, а стајлингот го заокружила со бела марама со истиот дезен, носена како моден додаток на главата.

Изминативе денови ја видовме и во други фантастични изданија, па јасно е зошто таа го има статусот на модна икона.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Кошаркарите против Кипар и Австрија во о втората фаза претквалификации за пласман на ЕУРО 2029

Најдобрата кошаркаркарска репрезентација на Македонија попладнево на ждрепката во седиштето на ФИБА Европа ги доби противниците во втората фаза претквалификации за пласман на Европското првенство 2029 година.

Македонскиот национален тим ќе игра во групата Ф против репрезентациите на Кипар и Австрија.

Првите натпревари ќе се одиграат веќе на 27. август оваа година.

Тагови: Кошаркарската репрезентација на Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.