Битолскиот поет Панде Манојлов доби големо признание од Палестина

Македонскиот поет, битолчанецот Панде Манојлов доби големо признание за неговото поетско творештво и стиховите посветени на Палестина и страдањата на палестинскиот народ.

Признанието од држвата Палестина на Манојлов му го врачи доктор Ахмед Ал Мадбоух амбасадор на Палестина во Република Бугарија. Според зборовите на Манојлов, ова високо признание е и признание за целиот македонски народ, за Република Македонија и Битола - градот во кој живее и создава.

- Првата песна посветена на Палестина ја објавив во 1982 година во весникот „Нова Македонија“ и за овој временски период од 35 години за страдањата на палестинскиот народ објавив и други, над педесетина песни кои се препеани и објавени во петнаесетина арапски држави, но и во САД, Руската Федерација, Унгарија и други држави. Неколку песни со оваа тематика се објавени и во реномираните изданија на „Палестина хроникл“ и „Палестина телеграф“, изјави за МИА битолскиот поет Панде Манојлов.

Панде Манојлов е автор на двесет и две книги поезија, проза и театарска критика. Член е на Друштвото на писателите на Македонија и негов актуелен секретар. /МИА

Израелската армија го потврди убиството на висок функционер на Хезболах

Израелската војска потврди дека го убила Али Абед Асан Наим, заменик командант на ракетната дивизија на Хезболах. Тој бил убиен во напад со беспилотно летало во либанскиот регион Базуриех, објавија британските медиуми.

Израелската војска соопшти дека Наим насочил ракетен истрел со тешка боева глава кон израелска територија од Либан. Според израелските воени претставници, убиениот висок функционер на Хезболах бил одговорен за планирање и извршување на напади врз израелски цивили.

„Хуавеј“ минатата година со двојно поголем профит

Кинескиот телекомуникациски гигант „Хуавеј“ денеска соопшти за значително поголем профит во 2023 година, благодарение на силните резултати од неговите оддели за обработка заснована на Интернет и софтвери за автомобили.

Приходите на компанијата се зголемија за 9,63 отсто минатата година, на 704,2 милијарди јуани (99,4 милијарди долари).

Нето добивката се зголеми повеќе од двојно и изнесуваше 86,9 милијарди јуани.

Главниот столб на компанијата минатата година беше неговиот оддел за опрема за ИКТ инфраструктура, со приход од 362 милијарди јуани, што е за 2,3 отсто повеќе од 2022 година. Голем број западни земји забранија инсталирање на опрема на „Хуавеј“ во мобилните мрежи, повикувајќи се на националната безбедност.

Бајден: Постојано работиме да издејствуваме ослободување на Гершкович

Белата куќа објави изјава од претседателот Џо Бајден по повод навршувањето на една година руски затвор на новинарот на Волстрит џурнал, Иван Гершкович.

-Новинарството не е злосторство и Иван замина за Русија да ја врши својата работа на известувач со ризик за неговата безбедност за да се открие вистината за жестоката агресија на Русија против Укаина. Веднаш по неговото неправедно и незаконско задржување тој од затворот испрати писмо до своето семејство, изјави претседателот на САД.

Во писмото новинарот напишал дека „не губи надеж“.

-Како што им кажав на родителите на Иван, јас исто така не губам надеж. Ќе работиме секојдневно да издејствуваме негово ослободуање, рече Бајден.

Тој вети дека САД и понатаму ќе ги осудуваат и ќе воведуваат мерки „за обидите на Русија да ги користи Американците како монети за размена“.

Гершкович беше задржан лани во март. Оттогаш е се уште во притвор и чека судење по обвинение за шпионажа, што е категорично отфрлено од него, неговиот работодавач и владата на САД.

Во случај да биде прогласен за виновен, тој може да биде осуден на 20 години затвор./МИА

притисни ентер